រាងកាយប៉ះពាល់ទៅនឹងមេរោគសឹងតែរាប់លានរាល់ថ្ងៃ ហើយវីតាមីនទាំងអស់ដែលអ្នកទទួលបានពីការទទួលទានផ្លែឈើជួយពង្រឹងប្រព័ន្ធភាពស៊ាំឲ្យកាន់តែរឹងមាំប្រយុទ្ធប្រឆាំងមេរោគអស់ទាំងនោះ។ ផ្លែឈើជួយរាងកាយទប់ទល់នឹងមេរោគដែលអ្នកបានប៉ះពាល់ ជាពិសេសកំឡុងពេលរដូវរងារ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វីតាមីនដែលមានផ្ទុកនៅក្នុងផ្លែឈើរក្សាកម្រិតខ្ពស់នៃភាពស៊ាំ ដូច្នេះរាងកាយនឹងទទួលបានឥទ្ធិពលខ្លាំងក្លាប្រយុទ្ធប្រឆាំងរោគឆ្លងទូទៅដូចជា ជំងឺផ្ដាសាយ ឬគ្រុនផ្ដាសាយ។ អ្វីដែលពិសេសទៀតនោះ គឺការទទួលទានផ្លែឈើជាប្រចាំក៏ជួយកាត់បន្ថយហានិភ័យនៃជំងឺមហារីកនិងជំងឺ
បេះដូងផងដែរ។ ថ្ងៃនេះវេបសាយសុខភាព Health.com.kh នឹងបង្ហាញដឹងពីផ្លែឈើដែលមានប្រសិទ្ធិភាពខ្ពស់បំផុតក្នុងការជួយពង្រឹងប្រព័ន្ធភាពស៊ាំនៃរាងកាយប្រយុទ្ធប្រឆាំងនឹងមេរោគ ៖
១. ផ្លែប៉ោម
ជាប្រភពដ៏ប្រសើរនៃសារធាតុប្រឆាំងអុកស៊ីតកម្ម ជាពិសេសវីតាមីន C ដែលមានប្រយោជន៍ក្នុងការព្យាបាលជំងឺផ្ដាសាយ។ លើសពីនេះទៅទៀត ផ្លែប៉ោមក៏មានផ្ទុកសម្បូរទៅដោយសារធាតុ
flavonoids ដែលជួយទប់ស្កាត់ជំងឺមហារីក និងជំងឺបេះដូង។
២. ផ្លែចេក
មានផ្ទុកនូវវីតាមីន B6 ដែលមិនត្រឹមតែទប់ស្កាត់ព្យាបាលជំងឺផ្ដាសាយប៉ុណ្ណោះទេ ប៉ុន្តែក៏ជួយកាត់បន្ថយអាការៈនៃជំងឺធ្លាក់ទឹកចិត្ត អស់កម្លាំងល្ហិតល្ហៃ គេងមិនលក់ និងភាពតានតឹងក្នុងអារម្មណ៍បានយ៉ាងប្រសើរផងដែរ។
៣. ក្រូចថ្លុង
ក៏ជាប្រភពដ៏ល្អបំផុតមួយនៃវីតាមីន C សារធាតុ lycopene និងសារធាតុ limonoids ដែល
ជួយទប់ស្កាត់ជំងឺផ្ដាសាយ ជំងឺមហារីក និងកាត់បន្ថយកម្រិតនៃកូឡេស្តេរ៉ូលមិនល្អ។
៤. ផ្លែគីវី
ក៏មានផ្ទុកសម្បូរទៅដោយវីតាមីន C ដូច្នេះការទទួលទានផ្លែគីវីអាចជួយរាងកាយប្រយុទ្ធប្រឆាំងនឹងជំងឺផ្ដាសាយ និងពង្រឹងប្រព័ន្ធភាពស៊ាំឲ្យកាន់តែប្រសើរឡើង។
៥. ផ្លែល្ហុង
មានផ្ទុកនូវវីតាមីន C កម្រិតខ្ពស់ដែលជួយទប់ស្កាត់ ក៏ដូចជាប្រយុទ្ធប្រឆាំងនឹងជំងឺផ្ដាសាយយ៉ាងប្រសើរ។ ហើយវីតាមីន C, វីតាមីន E និងសារធាតុ beta-carotene ដែលមានវត្តមាននៅក្នុងផ្លែល្ហុងជួយកាត់បន្ថយការរលាកពេញទាំងក្នុងរាងកាយ ដូច្នេះវាក៏ជួយកាត់បន្ថយហានិភ័យ រួមទាំងអាការៈនៃជំងឺហឺតផងដែរ។
៦. ម្នាស់
ផ្លែម្នាស់ជាប្រភពដ៏ប្រសើរនៃវីតាមីន C ជួយប្រយុទ្ធប្រឆាំងរាល់ការខូចខាតដែលកើតឡើងក្នុងកោសិកា។ ដូច្នេះហើយទើបវីតាមីននេះ គឺជាអ្នកជួយជម្រុញពង្រឹងប្រព័ន្ធភាពស៊ាំ និងអាចសូម្បីតែកម្ចាត់
ទប់ស្កាត់ជំងឺជាច្រើនទៀតដូចជា ឈឺចាប់ក្នុងសន្លាក់ និងជំងឺបេះដូង។ វីតាមីន C ក៏ជួយទប់ស្កាត់ជំងឺផ្ដាសាយ ឬគ្រុនផ្ដាសាយបានយ៉ាងប្រសើរផងដែរ៕