ជាក់ស្តែងសម្រាប់ការពេញនិយមរបស់ប្រជាជនខ្មែរយើងទូទៅ គឺតែងតែមានទម្លាប់ចុចទូរស័ព្ទមុនគេង។ ដូច្នេះហេតុអ្វីបានជាអ្នកមិនព្រមព្យាយាមអ្វីថ្មីដើម្បីឲ្យកាន់តែមានសុខភាពល្អមុនពេលចូលគេងទៅ? តាមការសិក្សាបានឲ្យដឹងថា អ្នកដែលប្រើទូរស័ព្ទ ឬឧបករណ៍អេឡិចត្រូនិចមុនពេលចូលគេងទំនងជាមិនសូវគេងលក់ល្អដូចអ្នកមិនប្រើឡើយ។ (អាន:ថ្នាំងងុយគេង ពេលអ្នកគួរប្រើ)រឿងនេះអាចដោយសារតែពន្លឺរបស់វាប៉ះពាល់ដល់គុណភាពនៃការគេង ហើយអាចធ្វើឲ្យគេងមិនលក់រហូតដល់ពាក់កណ្តាលយប់ទៀតផង។ យ៉ាងណាមិញ មានសកម្មភាពផ្តល់សុខភាពច្រើនណាស់ដែលអ្នកអាចធ្វើបាន និងជំនួសការមើលទូរស័ព្ទ ឬថាប្លេតតាមរយៈបណ្តាញសង្គម។
ជជែកជាមួយដៃគូរួមដំណេក
បើសិនជាអ្នករស់នៅជាមួយប្តីឬប្រពន្ធ ក្រុមគ្រួសារ ឬមិត្តភក្តិ ការជជែកគ្នាមុនគេងពិតជាអាចផ្តល់ជាប្រយោជន៍ណាស់។ ការនិយាយជាមួយមនុស្សម្នាក់ទល់មុខគ្នាអាចកាត់បន្ថយស្រ្តេសបានយ៉ាងអស្ចារ្យជាងនិយាយជាមួយនរណាម្នាក់តាម Online។ ជាលទ្ធផល វានឹងជួយអ្នកគេងលក់បានកាន់តែលឿន និងបន្ថយឱកាសនៃការភ្ញាក់កណ្តាលយប់ទៀតផង។ បើសិនជាអ្នកគេងតែម្នាក់ឯង អ្នកអាចហៅក្រុមគ្រួសារមកជជែកលេង ហើយគេងលក់ដូចគ្នាអញ្ចឹង។
អានសៀវភៅ
អ្នកអាចមើលរឿងកុន ឬស្តាប់ព័ត៌មានមុនពេលគេង ប៉ុន្តែវាដូចជាគ្មានអ្វីអាចបន្ធូរអារម្មណ៍បានល្អជាងការអានសៀវភៅឡើយ។ វិធីមួយដើម្បីជួយឲ្យខួរក្បាលនឿយហត់នោះគឺការបង្កើនមុខងាររបស់ខួរក្បាលតាមរយៈការអានសៀវភៅ។ រឿងនេះក៏ជួយឲ្យអ្នកមានអារម្មណ៍កាន់តែងងុយគេងជាងអូសចុះឡើងក្នុងបណ្តាញសង្គមក្នុងទូរស័ព្ទដៃដែរ។
តាំងសមាធិ
យើងទាំងអស់គ្នាសុទ្ធតែដឹងហើយថា ការតាំងសមធិដ៏ល្អមួយអាចជួយជាប្រយោជន៍ច្រើនទាំងផ្លូវកាយ និងផ្លូវចិត្ត។ លំហាត់ប្រាណដកដង្ហើមធម្មតាមុនពេលគេង មិនត្រឹមតែជួយឲ្យគេងលក់លឿនទេ តែក៏ជួយបន្ធូរអារម្មណ៍ក្នុងរាងកាយ គេងកាន់តែលក់ស្រួល និងពង្រឹងដល់មុខងារជាច្រើនក្នុងរាងកាយទៀតផង។ ចូរព្យាយាមធ្វើបែបនេះរយៈពេលពីរបីថ្ងៃ នោះអ្នកនឹងមើលឃើញភាពខុសគ្នានៃការគេងពីមុន និងឥឡូវហើយ។
ងូតទឹកក្តៅឧណ្ហៗ
ការគេងក្រោយពីងូតទឹករួចអាចនឹងជួយឲ្យមានអារម្មណ៍ធូរស្រាលជាងចូលគេងភ្លាមៗក្រោយពីធ្វើការងារនឿយហត់ពេញមួយថ្ងៃ។ អ្នកអាចបន្ធូរអារម្មណ៍នឿយហត់បានតាមរយៈការងូតទឹកក្តៅឧណ្ហៗ។ រាងកាយមនុស្សយើងនឹងទៅជាក្តៅតិចៗនៅពេលគេង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហេតុដូច្នេះហើយ បើសិនជាអាកាសធាតុក្តៅបន្តិច វានឹងជួយឲ្យយើងគេងលក់កាន់តែលឿនជាងអាកាសធាតុត្រជាក់។ ការងូតទឹកក្តៅឧណ្ហៗមុនគេងពិតជាជួយឲ្យអ្នកគេងលក់បានលឿន ហើយអារម្មណ៍ធូរស្រាលច្រើនទៀតផង។
រួមភេទ
ការរួមភេទអាចជួយផលិតអ័រម៉ូនអុកស៊ីតូស៊ីន ដែលជាអារម្មណ៍ផ្តល់អារម្មណ៍ល្អ និងកាត់បន្ថយអ័រម៉ូន Cortisol ដែលជាស្រ្តេសអ័រម៉ូននោះបានទៀតផ។ អុកស៊ីតូស៊ីនអាចធ្វើឲ្យអារម្មណ៍ធូរស្រាល និងជួយឲ្យគេងលក់ស្រួលទៀត។ ក្រៅពីនេះ ការរួមភេទមានប្រយោជន៍ចំពោះសុខភាពច្រើននាស់ដូចជា ពង្រឹងដល់លំហូរឈាម និងមុខងារបេះដូង។ បើសិនជាអ្នកគ្មានដៃគូរួមភេទទេ ការជួយខ្លួនឯងដ៏អាចដោះស្រាយបានដែរ៕