ធ្លាប់ឆ្ងល់ទេថាតើយើងគួរកក់សក់ប៉ុន្មានដងក្នងមួយសប្តាហ៍ទើបជារឿង​ប្រសើរ? តើអ្នកមានទម្លាប់កក់សក់ជារៀងរាល់ថ្ងៃមែនទេ? ពេលខ្លះ ២ដងក្នុងមួយថ្ងៃ? មិនអាចទ្រាំជាមួយបញ្ហាសក់ឡើងប្រេងខ្លាំងនៅថ្ងៃបន្ទាប់ឬ? ធ្លាប់ដឹងទេថាការកក់សម្អាតសក់រាល់ថ្ងៃ គឺផ្ដល់នូវផលអាក្រក់ច្រើនជាងល្អ?  (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដើម្បីរក្សាបាននូវសុខភាពសក់ល្អប្រសើរ អ្នកគួរកក់សម្អាតសក់ត្រឹមតែ ៣ ដងក្នុងមួយសប្តាហ៍បានហើយ។ ក៏ព្រោះប្រសិនបើអ្នកកក់វាញឹកពេកគឺវាអាចនឹងបំផ្លាញជាតិប្រេងធម្មជាតិពីសក់អ្នក។ ខាងក្រោមវេបសាយសុខភាព Health.com.kh នឹងបង្ហាញអោយដឹងពីវិធីត្រឹមត្រូវក្នុងការកក់សក់ ៖

១. បន្សើមសក់របស់អ្នក

២. ប្រើប្រាស់សាប៊ូ ហើយប្រញាប់ញីអោយសព្វចូលស្បែកក្បាល

៣. លាងសម្អាតចេញអោយស្អាតជាការស្រេច។

ការជ្រើសរើសសាប៊ូដែលត្រឹមត្រូវក៏ជារឿងសំខាន់ផងដែរ ប្រសិនបើអ្នកមានសក់ស្ងួតគួរជ្រើសរើស សាប៊ូដែលអាចផ្តល់សំណើមដល់សក់។ ការប្រកាន់ខ្ជាប់នូវទម្លាប់កក់សក់ត្រឹមពី ៣ ទៅ ៤ ដងក្នុងមួយសប្តាហ៍ គឺប្រសើរបំផុត។ ទម្លាប់នេះជួយរក្សាសុខភាពសក់ រួមទាំងស្បែកក្បាលដោយមិនធ្វើអោយសក់ស្ងួត ហើយងាយនឹងទទួលរងការបំផ្លាញ។ ប្រសិនបើសក់របស់អ្នកឡើងប្រេងខ្លាំង ចូរប្រើប្រាស់រូបមន្តបែបធម្មជាតិ ឬសាកល្បងផលិតផលសាប៊ូស្ងួត៕