អាជ្ញាធររដ្ឋកាលីហ្វញ៉ាខាងត្បូង បានដកហូតកាំភ្លើងជាង ៥០០ ដើមក្រោយឆែកឆេរផ្ទះពីរកន្លែងបន្ទាប់ពីមានរបាយការណ៍ពីការលាក់អាវុធ។
យោងតាមមន្ត្រីឲ្យដឹងកាលពីថ្ងៃ ចន្ទថាពួកគេបានរកឃើញកាំភ្លើងខ្លី និងវែងចំនួន ៤៣២ ដើមក្នុងផ្ទះមួយនៅផ្លូវ Caprock។ លុះថ្ងៃបន្ទាប់ពួកគេបានដកហូតកាំភ្លើង ៩១ ដើមទៀត និងឈានដល់ការឆែកឆេរផ្ទះមួយកន្លែងទៀតក្នុងក្រុង Agua Dulce ដកហូតបានកាំភ្លើង ៣០ដើម។ ជាមួយគ្នាដែរ ប៉ូលិសក៏បានចាប់ខ្លួនបុរសវ័យ ៦០ឆ្នាំម្នាក់ឈ្មោះ Manuel Fenandez ក្នុងប្រតិបត្តិការនេះ។
យ៉ាងណាមិញ បុរសរូបនេះត្រូវបានចាប់ខ្លួនពីបទលាក់ទុកអាវុធដ៏ច្រើនលើសលប់ដោយខុសច្បាប់ ប៉ុន្តែលោកបានបង់ប្រាក់ពិន័យចំនួន ៣៥ ០០០ ដុល្លារដើម្បីស្នាក់នៅក្រៅឃុំ៕
ប្រភព៖ sabay.com.kh
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
