តើអ្នកចូលចិត្តច្រៀងលេងក្នុងពេលមេឃកំពុងតែភ្លៀងទេ? ដូច្នេះចូរប្រាកដថា ប្រព័ន្ធភាពស៊ាំអ្នកកំពុងតែខ្លាំង និងធ្វើការល្អហើយ ដូច្នេះអ្នកនឹងមិនងាយឈឺដោយសារតែមេឃភ្លៀងឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ខ្ញុំសូមណែនាំវិធីខ្លះៗក្នុងការពង្រឹងប្រព័ន្ធភាពស៊ាំដូចខាងក្រោមនេះសម្រាប់ការរស់នៅក្នុងរដូវភ្លៀង៖
ញ៉ាំតែខ្ញី
តែខ្ញីមិនត្រឹមតែល្អសម្រាប់ទប់ស្កាត់ការចង្អោ និងក្រពះមិនកិនអាហារទេ តែវាក៏ជួយឲ្យប្រព័ន្ធភាពស៊ាំកាន់តែខ្លាំងជាងមុនដែរ។ គ្រូពេទ្យនិយាយថា ការរលាកអាចធ្វើឲ្យមនុស្សម្នាក់ងាយនឹងរងការបង្ករោគ និងបញ្ហាសុខភាពផ្សេងៗ ប៉ុន្តែតែខ្ញីមានសមត្ថភាពប្រឆាំងនឹងការរលាក។
ញ៉ាំទឹកឲ្យគ្រប់គ្រាន់
ដោយសារតែមេឃអាចភ្លៀងគ្រប់កន្លែងនៅរដូវភ្លៀងក៏ដោយ តែមិនមែនមានន័យថា អ្នកត្រូវតមការញ៉ាំទឹកឡើយ។ ដូច្នេះចូរប្រាកដថា អ្នកញ៉ាំទឹកប្រហែល ២លីត្រក្នុងមួយថ្ងៃ។ ការញ៉ាំទឹកច្រើនអាចជួយការពារអ្នកពីការបង្ករោគបាន ដោយសារតែវាទៅច្រោះជាតិពុលក្នុងខ្លួន និងមិនឲ្យប្រព័ន្ធភាពស៊ាំចុះខ្សោយបាន។
ញ៉ាំស៊ុប
មធ្យោបាយដ៏ល្អមួយក្នុងការធានាថា អ្នកញ៉ាំទឹកបានច្រើននោះគឺ ការញ៉ាំស៊ុបជាប្រចាំ។ ក្នុងករណីដែលប្រព័ន្ធភាពស៊ាំចុះខ្សោយ មធ្យោបាយដ៏ល្អបំផុតក្នុងការជំរុញឲ្យប្រព័ន្ធនេះធ្វើការល្អវិញគឺការញ៉ាំស៊ុបមាន់។ ស៊ុបមាន់ត្រូវបានគេរកឃើញថាជួយទប់ស្កាត់ការបង្ករោគនៅផ្លូវដង្ហើមខាងលើ ជាពិសេសជំងឺផ្តាសាយតែម្តង។
ញ៉ាំខ្ទឹមសច្រើន
ខ្ទឹមសមានសមត្ថភាពសម្លាប់មេរោគគ្រប់ប្រភេទ ហេតុដូច្នេះហើយ អ្នកគួរតែបញ្ចូលខ្ទឹមសឲ្យបានច្រើនក្នុងរបបអាហារ។ ក្រោយមកអ្នកនឹងទទួលបានប្រព័ន្ធភាពស៊ាំកាន់តែខ្លាំង។
បន្ថយស្រ្តេស
គ្មានអ្វីអាចធ្វើឲ្យប្រព័ន្ធភាពស៊ាំចុះខ្សោយជាងការដែលរស់នៅក្នុងជីវិតប្រកបដោយភាពស្រ្តេសរាល់ថ្ងៃនោះទេ។ កាលណាស្រ្តេសកាន់តែខ្លាំង អ្នកកាន់តែងាយឈឺក្នុងរដូវភ្លៀង។ ដូច្នេះដើម្បីល្អចំពោះសុខភាព អ្នកត្រូវតែចៀសវាងអ្វីដែលនាំឲ្យស្រ្តេស និងធ្វើរឿងគ្រប់យ៉ាងដើម្បីបន្ថយស្រ្តេសផង។
គេងឲ្យលក់ល្អនៅពេលយប់
មនុស្សគ្រប់គ្នាដឹងហើយថា ការគេងលក់ច្រើនម៉ោងចាប់ពី ៧ទៅ ៩ម៉ោងឡើងវិញនៅរដូវភ្លៀងគឺគេអាចធ្វើបានយ៉ាងស្រួល។ មែនហើយ ការគេងច្រើនៗនៅបែបនេះសំខាន់ណាស់សម្រាប់ប្រព័ន្ធភាពស៊ាំខ្លាំង។ កាលណាអ្នកគេងតិចជាង ៧ម៉ោងក្នុងមួយប់ នោះអ្នកនឹងប្រឈមកាន់តែខ្លាំងនឹងជំងឺផ្តាសាយរហូតដល់ ៣ដងឯណោះ។
ព្យាយាមកុំប៉ះពាល់នឹងទឹកភ្លៀង
ចូរប្រាកដថា អ្នកបានការពារខ្លួនពីការភ្លៀងផងបើសិនជាអ្នកចង់ការពារខ្លួនកុំឲ្យចុះខ្សោយកម្លាំងជាមួយនឹងការបង្ករោគណាមួយ។ ក្នុងករណីដែលទទឹកទឹកភ្លៀង ចូរផ្លាស់ប្តូរខោអាវភ្លាមៗ។ (អាន:ថ្នាំងងុយគេង ពេលអ្នកគួរប្រើ)អ្នកជំនាញនិយាយថា អ្នកគួរតែងូតទឹកក្តៅឧណ្ហៗដើម្បីបន្ថយការប្រឈមនឹងការមានជំងឺ៕