ស្មានមិនដល់សោះថាត្រឹម “តែស្លឹកគ្រៃ” ១ពែង ផ្ដល់អត្ថប្រយោជន៍អស្ចារ្យទាំងនេះចំពោះសុខភាព ទប់ស្កាត់សូម្បីមហារីក

ស្លឹកគ្រៃ គឺមិនត្រឹមតែជាគ្រឿងផ្សំបង្កើនរសជាតិអាហារ និងផ្ដល់ក្លិនឈ្ងុយប៉ុណ្ណោះទេ ប៉ុន្តែក៏ជាឱសថបែបធម្មជាតិប្រយុទ្ធប្រឆាំងព្យាបាលជំងឺជាច្រើនផងដែរ។​​​ ( អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ស្លឹកគ្រៃ គឺជាប្រភពដ៏សម្បូរបែបមួយនៃវីតាមីន A , វីតាមីន C, វីតាមីន B, អាស៊ីត folic, ម៉ាញ៉េស្យូម, ស័ង្កសី, ផូស្វ័រ, ប៉ូតាស្យូម, ជាតិដែក, កាល់ស្យូម និងទង់ដែង ដែលសុទ្ធសឹងតែជាសារធាតុល្អចាំបាច់ចំពោះរាងកាយ។ ស្លឹកគ្រៃអាចត្រូវបានយកមកឆុងជាតែដែលផ្ដល់អត្ថប្រយោជន៍គួរអោយភ្ញាក់ផ្អើលចំពោះសុខភាព។ ខាងក្រោមវេបសាយសុខភាព Health.com.kh នឹងបង្ហាញអោយដឹងពីអត្ថប្រយោជន៍ដ៏ប្រសើរមិនគួរឲ្យជឿមួយចំនួននៃតែស្លឹកគ្រៃក្នុងការទប់ស្កាត់ ក៏ដូចព្យាបាលបញ្ហាសុខភាពផ្សេងៗ និងរបៀបឆុង ៖

១. ជួយអោយគេងលក់បានស្រួល

អ្នកអាចទទួលទានតែស្លឹកគ្រៃមួយពែងនៅមុនពេលចូលគេងដើម្បីជួយអោយឆាប់គេងលក់បានស្រួលនិងស្កប់។ នេះគឺដោយសារតែ “តែស្លឹកគ្រៃ” មានឥទ្ធិពលសម្រួលដល់ប្រព័ន្ធប្រសាទ។

២. សម្អាតរាងកាយ

ត្រឹមមួយពែងនៃតែស្លឹកគ្រៃអាចជួយកម្ចាត់ជាតិពុលផ្សេងៗពីរាងកាយបានយ៉ាងប្រសើរ។ វាក៏ជួយ
សម្អាតថ្លើម, តម្រងនោម, ផ្លោកនោម និងលំពែងផងដែរ។ នោះក៏ព្រោះតែស្លឹកគ្រៃមានប្រសិទ្ធិភាពជម្រុញការឈឺនោម ឬធ្វើអោយនោមញឹកដែលល្អក្នុងការបញ្ចេញជាតិពុលផ្សេងៗ, អាស៊ីតអ៊ុយរិក និងកូឡេស្តេរ៉ូលអាក្រក់ពីក្នុងចរន្តឈាម។ នេះគឺសំខាន់ណាស់សម្រាប់បង្កើនសុខភាពរាងកាយទាំង
មូល។ 

៣. ព្យាបាលជំងឺផ្ដាសាយ ឬគ្រុនផ្ដាសាយ

ស្លឹកគ្រៃមានលក្ខណៈសម្បត្តិ​ប្រឆាំងបាក់តេរី និងមេរោគផ្សិត ហេតុនេះវានឹងជួយឲ្យរាងកាយបន្សាំខ្លួនទប់ទល់ទៅនឹងអាការៈក្អក,​ ក្ដៅខ្លួន, ផ្ដាសាយធម្មតា ឬជំងឺគ្រុនផ្ដាសាយ។ លើសពីនេះទៅទៀត ស្លឹកគ្រៃ មានផ្ទុកសម្បូរទៅដោយវីតាមីន C ដូច្នេះវាក៏ជួយបង្កើនប្រព័ន្ធភាពស៊ាំឲ្យមានលក្ខណៈកាន់តែប្រសើរឡើង និងកាត់បន្ថយហានិភ័យនៃរោគឆ្លងផងដែរ។ ការទទួលទានតែស្លឹកគ្រៃមានឥទ្ធិពលជួយបំបែកស្លេស ក៏ដូចជាសំបោរដែលកើតឡើងនៅពេលមានជំងឺផ្ដាសាយទៀតផង។

៤. បង្កើនការរំលាយអាហារ

ស្លឹកគ្រៃ គឺជាជំនួយការដល់ល្អបំផុតមួយក្នុងដំណើរការនៃការរំលាយអាហារ។ លក្ខណៈសម្បិត្តសម្លាប់មេរោគរបស់ស្លឹកគ្រៃនឹងសម្លាប់ពពួកបាក់តេរី ក៏ដូចជាប៉ារ៉ាស៊ីតដែលបង្កផលប៉ះពាល់ដល់បំពង់រំលាយអាហារ ឬពោះវៀនធំ។ ឥទ្ធិពលវិជ្ជមាននៃស្លឹកគ្រៃ គឺជួយក្នុងការព្យាបាលបញ្ហាទូទៅទាក់ទងនឹងការរំលាយអាហារដូចជាទល់លាមក ពិបាករំលាយអាហារ ក្រហាយទ្រូង ហើមពោះ ក្អួត និងឈឺចាប់រមួលក្នុងពោះ។ ដើម្បីទទួលបានលទ្ធផលល្អប្រសើរ ចូរព្យាយាមទទួលទានតែស្លឹកគ្រៃជាប្រចាំ។ ទោះជាយ៉ាងណាតែស្លឹកគ្រៃមិនសាកសមសម្រាប់កុមារទទួលទានឡើយ។

៥. ប្រយុទ្ធប្រឆាំងនឹងជំងឺមហារីក

នោះក៏ព្រោះតែស្លឹកគ្រៃមានផ្ទុកនូវសមាសធាតុមួយហៅថា citral stimulates apoptosis ដែលសម្លាប់កោសិកាមហារីកដោយមិនផ្ដល់ផលប៉ះពាល់ណាមួយលើកោសិកាសុខភាពល្អ។ មិនត្រឹមតែប៉ុណ្ណឹងទេ ស្លឹកគ្រៃ ក៏មានផ្ទុកនូវសារធាតុប្រឆាំងអុកស៊ីតកម្មដែលជួយក្នុងការកាត់បន្ថយហា
និភ័យនៃជំងឺមហារីកផងដែរ​ តាមរយៈការសម្លាប់រ៉ាឌីកាល់សេរី។

៦. ព្យាបាលជំងឺរលាកសន្លាក់

លក្ខណៈសម្បត្តិប្រឆាំងការរលាកនិងបំបាត់ការឈឺចាប់នៃស្លឹកគ្រៃ ធ្វើអោយវាក្លាយជាឱសថបែបធម្មជាតិដ៏ប្រសើរបំផុតសម្រាប់អ្នកដែលជួបប្រទះបញ្ហាផ្សេងៗទាក់ទងជាមួយសន្លាក់ឆ្អឹង។ លក្ខណៈ
សម្បត្តិប្រឆាំងការរលាកនៃស្លឹកគ្រៃជួយក្នុងការកាត់បន្ថយសកម្មភាពនៃអង់ស៊ីមដែលបង្កការឈឺចាប់ និងរលាកក្នុងសន្លាក់។

៧. គ្រប់គ្រងកម្រិតកូឡេស្តេរ៉ូល

ស្លឹកគ្រៃមានផ្ទុកលក្ខណៈសម្បត្តិប្រឆាំងកូឡេស្តេរ៉ូលមិនល្អ ដោយកាត់បន្ថយការស្រូបយកអត្រានៃជាតិកូឡេស្តេរ៉ូលតាមរយៈពោះវៀន។ លើសពីនេះទៅទៀត ស្លឹកគ្រៃក៏ជួយក្នុងដំណើរការអុកស៊ីដង់នៃកូឡេស្តេរ៉ូលមិនល្អក្នុងចរន្តឈាមផងដែរ ដូច្នេះវានឹងកាត់បន្ថយហានិភ័យនៃបញ្ហាស្ទះសសៃឈាម។ អ្វីដែលសំខាន់នោះ គឺស្លឹកគ្រៃមានប្រសិទ្ធិភាពធ្វើអោយសម្ពាធឈាមស្ថិតក្នុងកម្រិតធម្មតាតាមរយៈ
សារធាតុប៉ូតាស្យូមខ្ពស់ដែលវាមានផ្ទុក។

របៀបឆុងតែស្លឹកគ្រៃ

អ្វីដែលអ្នកត្រូវការ គឺទឹកធម្មតា ៤ ពែង, គល់ស្លឹកគ្រៃហាន់រួច ២ ពែង, ស្ករស ឬទឹកឃ្មុំ និងទឹកក្រូចឆ្មារស្រស់។

អ្វីដែលអ្នកត្រូវធ្វើ គឺគ្រាន់តែដាក់ដាំទឹកអោយពុះដោយប្រើភ្លើងខ្លាំង។ បន្ថែមស្លឹកគ្រៃចូល និងទុកដល់ពុះសម្រាប់រយៈពេល ៥ នាទី។ បន្ទាប់មកបន្ថយភ្លើង និងរម្ងាស់សម្រាប់រយៈពេល ៥ នាទីទៀត 
សឹមស្រកកាកស្លឹកគ្រៃចេញ រួចចាក់ស្ករ ឬទឹកឃ្មុំចូលកូរអោយសព្វ ហើយទទួលទានអោយទាន់នៅក្ដៅឧណ្ហៗ។ អ្នកក៏អាចបន្ថែមទឹកក្រូចឆ្មារចូលបន្តិចដើម្បីបង្កើនរសជាតិ៕