ខាងក្រោមនេះ Health.com.kh យើងខ្ញុំនឹងបង្ហាញអ្នកពីអ្នកម្តាយដែលងាយកើតមុនខែ។ តើមានបុគ្គលណាខ្លះទៅ?
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

  1. នៅពេលដែលអ្នកម្តាយជក់បារី ឬញ៉ាំស្រាក្នុងកំឡុងពេលមានផ្ទៃពោះ នឹងងាយជួបនឹងបញ្ហាកើតមុនខែខ្លាំងណាស់។ ជាពិសេស បើធ្ងន់ធ្ងរ ទារកអាចនឹងស្លាប់ក្នុងផ្ទៃដោយមិនដឹងខ្លួន។
  2. អ្នកម្តាយដែលមិនចូលចិត្តញ៉ាំគ្រប់មុខ ដោយរើសអាហារច្រើន ធ្វើឲ្យខ្វះសារធាតុចិញ្ចឹមធ្ងន់ធ្ងរ។ ដូចនេះ អ្នកនឹងអាចជួបនឹងអាការៈកើតមុនខែយ៉ាងងាយ ព្រោះអ្នកគ្មានអ្វីដើម្បីចិញ្ចឹមកូនក្នុងផ្ទៃឡើយ។
  3. អ្នកម្តាយដែលមានទម្ងន់លើសខ្លាំង នឹងធ្វើឲ្យអ្នកប្រឈមមុខនឹងអាការៈកើតមុនខែ។ ដូចនេះ អ្នកគួរតែគ្រប់គ្រងទម្ងន់អ្នកឲ្យបានល្អ ទើបអាចធានាពីសុវត្ថិភាពរបស់អ្នក និងកូនក្នុងផ្ទៃ។
  4. អ្នកម្តាយដែលអង្គុយច្រើន ឬធ្វើការនឿយហត់ខ្លាំង ក៏អាចកើតមុនខែដែរ។ ដូចនេះ អ្នកគួរតែងើបឡើងមកឈរខ្លះរៀងរាល់មួយម៉ោង ហើយអ្នកគួរតែធ្វើការឲ្យមានពេលសម្រាក ទើបកូនក្នុងផ្ទៃមិនជួបនឹងគ្រោះថ្នាក់ព្រោះតែអ្នក។
  5. នៅពេលដែលអ្នកម្តាយគេងមិនគ្រប់ម៉ោង គេងមិនលក់ នឹងធ្វើឲ្យប៉ះពាល់ដល់កូនក្នុងផ្ទៃជាខ្លាំង ដោយអាចធ្វើឲ្យគេចង់ចេញមកមុនខែ។ ដូចនេះ អ្នកគួរតែគេងឲ្យគ្រប់ ដោយរក្សាចិត្ត និងអារម្មណ៍ឲ្យសប្បាយ ទើបអ្នកអាចចៀសពីការកើតមុនខែ៕
    (អាន:ថ្នាំងងុយគេង ពេលអ្នកគួរប្រើ)