ជាទូទៅ អាហារកំប៉ុងត្រូវបានកំណត់ពេលវេលាច្បាស់លាស់នៃការប្រើប្រាស់។ មានន័យថា វាអាចញ៉ាំបានក្នុងពេលដែលបញ្ជាក់ថាស្ថិតក្នុងពេលវេលាត្រឹមត្រូវប៉ុណ្ណោះទើបមិនប៉ះពាល់ដល់សុខភាព។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែអ្នកជំនាញនិយាយថា វាពិតជាមិនអីសោះឡើយក្នុងការញ៉ាំអាហារកំប៉ុងទោះបីជាវាហួសកាលបរិច្ឆេទហើយក៏ដោយបើសិនជាមិនមានការខូចខាតកំប៉ុងនោះទេ។
តាមពិតទៅ អាហារកំប៉ុងមានបន្ថែមជាតិអាស៊ីតដែលអាចទុកញ៉ាំបានប្រហែល ២ឆ្នាំឯណោះក្រោយពីហួសកាលបរិច្ឆេទហើយក៏ដោយ ខណៈពេលដែលអាហារកំប៉ុងដែលមានអាស៊ីតតិច ឬគ្មានអាចទុកបន្តញ៉ាំបានចាប់ពី ៥ឆ្នាំឡើងទៅក្រោយពីហួសកាលបរិច្ឆេទ។ ដូច្នេះហេតុអ្វីត្រូវចោលអាហារកំប៉ុងអស់ដោយវានៅតែញ៉ាំបានទោះបីជាហួសកាលបរិច្ឆេទបែបនេះ? ប៉ុន្តែមុនពេលញ៉ាំអាហារកំប៉ុងចូរប្រាកដថាអ្នកបានពិនិត្យមើលកំប៉ុងរបស់វាយ៉ាងប្រុងប្រយ័ត្ន។បើសិនជាមិនមានការខូចទ្រង់ទ្រាយខាងក្រៅអ្វីទេការញ៉ាំពិតជាមានសុវត្ថិភាពល្អ។ចំពោះអាហារក្នុងកំប៉ុងវិញបើសិនជាមានឃើញពពុះតូចៗក្នុងនោះមានក្លិនចម្លែកឬពណ៌ល្អក់ចូរកុំស្តាយក្នុងការចោលវាអី។
ទោះបីជាយ៉ាងណាក៏ដោយ វាគ្មានប្រយោជន៍អ្វីដែលអ្នកត្រូវប្រថុយសុខភាពរបស់អ្នកដើម្បីសន្សំលុយនោះទេ។ បើសិនជាអ្នកយល់ថាអាហារកំប៉ុងដែលហួសកាលបរិច្ឆេតនោះមិនមានសុវត្ថិភាពក្នុងការទទួលទានទេ ចូរទុកចិត្តលើអ្វីដែលអ្នកយល់ឃើញ ហើយចោលវាទៅ។ ខាងក្រោមនេះគឺជារឿងខ្លះៗដែលអាចកើតឡើងបើសិនជាអ្នកញ៉ាំអាហារកំប៉ុងដែលហួសកាលបរិច្ឆេទដែលសមិនសមនឹងទទួលទាន ដែលផ្អែកទៅលើការបកស្រាយខាងលើ។
ចង្អោ និងក្អួត
រឿងគ្រប់យ៉ាងដែលដែលអ្នកដាក់ចូលក្នុងពោះ ហើយក្រពះមិនចូលចិត្ត វាអាចបង្កជាការចង្អោ រហូតដល់ក្អួតបាន។ ករណីដែលអាចចង្អោរហូតដល់ក្អួតនោះដោយសារតែអាហារកំប៉ុងហួសកាលបរិច្ឆេទលើសពីអ្វីដែលបានបកស្រាយខាងលើ។ កាលណាក្អួតបែបនេះវាអាចបង្កជាផលវិបាកបន្ថែមដូចជា រលាកបំពង់ករ ឬងាយពុកធ្មេញ។
ខ្សោះជាតិទឹក
ផលវិបាកមួយទៀតនៃការក្អួតគឺខ្សោះជាតិទឹក។ នៅពេលក្អយត អ្នកនឹងបាត់បង់ជាតិទឹក ដោយភាគច្រើនគឺអេឡិចត្រូលីត្រតែម្តង។ ដូច្នេះអ្នកត្រូវតែញ៉ាំទឹកឲ្យបាន ៨កែវ ឬពីរលីត្រក្នុងមួយថ្ងៃដើម្បីបង្គ្រប់ជាតិទឹកឡើងវិញ។
រាករូស
អ្នកក៏អាចនឹងរាករូសដែរក្រោយពីញ៉ាំអាហារកំប៉ុងដែលហួសកាលបរិច្ឆេទរួច ព្រោះវាជារបៀបដែលរាងកាយព្យាយាមបញ្ចេញអ្វីមកខាងក្រៅចំពោះអ្វីដែលមិនសមនៅក្នុងពោះ។ វាក៏មិនខុសគ្នានឹងការក្អួតដែរ ដោយសារតែការរាករូសអាចធ្វើឲ្យខ្សោះជាតិទឹក។
ពុល
រឿងមួយដែលគ្រោះថ្នាក់បំផុតនៃការញ៉ាំអាហារកំប៉ុងហួសកាលបរិច្ឆេទដែលខូចទ្រង់ទ្រាយកំប៉ុងនោះគឺ ការពុលមេរោគ Botulism។ វាបង្កឡើងដោយបាក់តេរីមយយប្រភេទដែលត្រូវបានគេស្គាល់ថាជា Clostridium Botulinum។ (អាន:ថ្នាំងងុយគេង ពេលអ្នកគួរប្រើ)អាការៈនៃការពុលមេរោគនេះមានច្រើនប្រភេទខុសៗគ្នា ក្នុងនោះក៏មានស្លាប់មួយចំហៀងខ្លួនដែរ។ ការស្លាប់មួយចំហៀងខ្លួននេះអាចធ្វើឲ្យខូចការដកដង្ហើម និងស្លាប់បានបើសិនជាព្យាបាលមិនទាន់៕