រាងកាយរបស់មនុស្សយើងត្រូវបានបង្កើតឡើងដោយជាតិទឹកប្រហែល ៦០ភាគរយ ហើយជាតិទឹកទាំងនោះក៏បានមកពីអ្វីដែលអ្នកញ៉ាំផងដែរ។ បើសិនជារបៀបនៃការញ៉ាំរបស់អ្នកច្រើនតែមានជាតិប្រៃច្រើន នោះកោសិកាអាចនឹងទាញទឹកចូល ដែលជាហេតុធ្វើឲ្យអ្នកមានអារម្មណ៍ថាហើមៗក្នុងពោះតែម្តង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) រឿងនេះក៏អាចនាំឲ្យហើមនៅប្រអប់ដៃ ជើង ប្រអប់ជើង និងកែងជើងដែរ។ 

ថ្វីបើការធាត់ដោយសារតែហើមជាតិទឹកនេះមិនមែនជារឿងគ្រោះថ្នាក់ក៏ដោយ តែវាក៏ធ្វើឲ្យអ្នកមិនមានផាសុកភាព ហើមពោះ និងពិបាកក្នុងការសម្រកទម្ងន់ដែរ។ ដូច្នេះបើសិនជាអ្នកកំពុងតែជួបបញ្ហាខាងលើ ហើយចង់សម្រកទម្ងន់ទៀតនោះ អ្នកអាចសាកល្បងវិធីខាងក្រោមនេះបាន៖

បន្ថយការញ៉ាំប្រៃ

មធ្យោបាយមួយក្នុងការបន្ថយជាតិទឹកក្នុងរាងកាយ គឺបន្ថយការញ៉ាំប្រៃ។ ចូរជ្រើសរើសអាហារណាមានជាតិប្រៃតិច។ បើសិនជាពិបាកក្នុងការបន្ថយប្រៃ អ្នកអាចបន្ថយវាបន្តិចម្តងៗបាន។ 

ញ៉ាំទឹកជាទៀតទាត់

ដើម្បីបង្ការការហើមដោយសារច្រាលជាតិទឹក អ្នកគួរតែធ្វើយ៉ាងណាញ៉ាំទឹកជាទៀងទាត់។ នៅពេលរាងកាយមានជាតិទឹកគ្រប់គ្រាន់ វានឹងមិនអាចមានការហើមបានទៀតឡើយ។ ការដែលញ៉ាំទឹកបានគ្រប់ រាងកាយនឹងជួយខ្លួនឯងក្នុងការបញ្ចេញជាតិទឹកដែលលើសចេញពីរាងកាយវិញ។ រឿងមួយទៀតដែលអ្នកគួរតែចាំនៅពេលញ៉ាំទឹកដែរនោះគឺថា វានឹងលើកទឹកចិត្តដល់ថ្លើម និងតម្រងនោមធ្វើការកាន់តែល្អជាងមុនទៀត ក្នុងការច្រោះជាតិទឹក និងប្រៃចេញពីរាងកាយ។ 

ហាត់ប្រាណទៀងទាត់

ថ្វីបើការហាត់ប្រាណខ្លាំងក្លាអាចធ្វើឲ្យច្រាលជាតិទឹកដោយសារតែសាច់ដុំជួសជុលក៏ដោយ តែការហាត់ប្រាណនឹងជួយភ្ញោចដល់លំហូរឈាមក្នុងរាងកាយ ដែលអាចបំបាត់ការកើនឡើងជាតិទឹកក្នុងប្រព័ន្ធទឹករងៃបាន។ ករណីដែលអ្នកឃើញមានការហើមក្រោយពីហាត់ប្រាណខ្លាំងក្លារួច ចូរកុំបារម្ភអី ព្រោះវានឹងបាត់ទៅវិញទេ។ 

ជ្រើសរើសកាបូអ៊ីដ្រាតដែលផ្តល់សុខភាព

ការកាត់បន្ថយជាតិកាបូអ៊ីដ្រាតប្រហែលជាជួយកំចាត់ចោលនូវការឡើងទម្ងន់ដោយសារច្រាលជាតិទឹក តែរឿងនេះក៏នាំឲ្យមិនសូវមានកម្លាំងកំហែងដែរ។ នៅពេលដែលកង្វះជាតិកាបូអ៊ីដ្រាតក្នុងរបបអាហារ ការញ៉ាំខ្លាញ់ និងប្រូតេអ៊ីននឹងកើនឡើង។ ដំណឹងល្អនោះគឺថា ក្រៅពីទទួលបានថាមពល ទាំងប្រូតេអ៊ីន និងខ្លាញ់នឹងជំរុញដល់ការស្រកទម្ងន់ដោយសារចាលជាតិទឹកបាន។ 

ញ៉ាំជាតិម៉ាញ៉េស្យូមក្នុងពេលមករដូវ

ស្រ្តីច្រើនតែងាយនឹងឃ្លានជាតិកាបូអ៊ីដ្រាត និងខ្លាញ់ក្នុងពាក់កណ្តាលនៃវដ្តរដូវរបស់នាង ដែលជាហេតុនាំឲ្យពួកគេមានអារម្មណ៍ថាហើមពោះក្នុងពេលនេះ។ បើសិនជាអ្នកមានបំណងមិនចង់ឲ្យឡើងទម្ងន់ទេ ការញ៉ាំថ្នាំបំប៉នជាតិម៉ាញ៉េស្យូមអាចជួយអ្នកបាន។(អាន:ថ្នាំងងុយគេង ពេលអ្នកគួរប្រើ) ម៉ាញ៉េស្យូមនឹងជួយបន្ថយការច្រាលជាតិទឹកក្នុងខ្លួន។ អ្នកក៏អាចញ៉ាំកាហ្វេខ្មៅ ឬតែក្នុងពេលមករដូវ ដោយសារតែវាត្រូវបានគេចាត់ទុកថាជាភ្នាក់ងារបញ្ចុះទឹកនោម៕