វាពិតជាមិនមានអ្វីទាស់ខុសឡើយក្នុងការញ៉ាំទឹកក្រូចកូកាកូឡារាល់ថ្ងៃ ជាពិេសសនៅពេលលាយជាមួយទឹក ព្រមទាំងភេសជ្ជៈផ្តល់សុខភាពផ្សេងៗទៀត។ ប៉ុន្តែវាអាចក្លាយទៅជារឿងខុសគ្នាដាច់បើសិនជាអ្នកញ៉ាំតែទឹកក្រូចកូកាកូឡាសុទ្ធរាល់ថ្ងៃ។ អ្នកវិទ្យាសាស្រ្តបាននិយាយថា កាលណាអ្នកញ៉ាំទឹកក្រូចកូកាកូឡាសុទ្ធរាល់ថ្ងៃ វាអាចបង្កជាបញ្ហាដល់សុខភាពខុសៗគ្នាច្រើន ហើយមួយក្នុងចំណោមនោះគឺជាការខ្សោយឆ្អឹងតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការខ្សោយឆ្អឹងនេះមិនខុសគ្នានឹងការពុកឆ្អឹងឡើយ គឺងាយនឹងធ្វើឲ្យបាក់បែកខ្លាំងណាស់។
តាមរយៈអត្ថបទមួយនេះ ខ្ញុំនឹងបង្ហាញអំពីហេតុផលញឹកញាប់បំផុតមួយចំនួនដែលឲ្យការញ៉ាំទឹកក្រូចកូកាកូឡាច្រើននាំឲ្យខ្សោយឆ្អឹង ឬពុកឆ្អឹង។
អាស៊ីតផូស្វ័ររិច
រោងចក្រផលិតទឹកក្រូចកូកាកូឡានឹងបន្ថែមអាស៊ីតផូស្វ័រិកក្នុងផលិតផលរបស់ខ្លួនដើម្បីឲ្យវាមានរសជាតិខ្លាំង។ ប៉ុន្តែសារធាតុអាស៊ីតមួយនេះនឹងធ្វើឲ្យកម្រិត pH ក្នុងខ្លួនថយចុះ។ ដូច្នេះដើម្បីដោះស្រាយរឿងនេះ រាងកាយនឹងទាញជាតិកាលស្យូមពីក្នុងឆ្អឹងដើម្បីធ្វើឲ្យរាងកាយមានលក្ខណៈជាអាលកាឡាំងវិញ។ ដូច្នេះឆ្អឹងទើបជាជនរងគ្រោះ។
មានជាតិកាហ្វេអ៊ីន
ក្នុងទឹកក្រូចកូកាកូឡាក៏មានជាតិកាហ្វេអ៊ីនដែរ ហើយវាក៏មានឥទ្ធិពលបញ្ចុះទឹកនោម ដែលមានន័យថា អាចបង្កើនការនោមកាន់តែច្រើ។ កាលណាអ្នកនោម វានឹងធ្វើឲ្យជាតិកាលស្យូមមួយចំនួនចេញតាមទឹកនោមដែរ។(អាន:ថ្នាំងងុយគេង ពេលអ្នកគួរប្រើ) ហេតុដូច្នេះហើយ បើសិនជាការញ៉ាំជាតិកាហ្វេអ៊ីននេះច្រើនទាំងពីកាហ្វេ និងកូកាកូឡា សុទ្ធតែអាចបង្កើនឱកាសនៃការពុកឆ្អឹងកាន់តែលឿននៅថ្ងៃអនាគត។
អ្នកជំនាញនិយាយថា បើសិនជាអ្នកដឹងហើយថាកូកាកូឡាជាភេសជ្ជៈមិនផ្តល់សុខភាពហើយ ដូច្នេះវាពិតជាមិនមានអ្វីពិបាកឡើយក្នុងការប្តូរទម្លាប់មកញ៉ាំភេសជ្ជៈណាដែលមានប្រយោជន៍វិញដូចជា ទឹកដោគោ ឬទឹកផ្លែឈើវិញ ព្រោះវាអាចបន្ថយការប្រឈមនឹងជំងឺពុកឆ្អឹងបាន៕