ការដើរ និងរត់សុទ្ធតែជាមធ្យោបាយដ៏ពេញនិយមក្នុងការហាត់ប្រាណ។ ប៉ុន្តែការដើរលឿនៗពិតជាលំហាត់ប្រាណមួយដ៏ល្អ ព្រោះតែវាធ្វើឲ្យបែកញើស ហើយបេះដូងលោតល្អទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមការស្រាវជ្រាវបានឲ្យដឹងថា ការដើរល្អដូចគ្នានឹងការរត់ដែរនៅពេលនិយាយអំពីការកាត់បន្ថយការប្រឈមជំងឺបេះដូង។ អ្នកស្រាវជ្រាវបានវិភាគឃើញថា ការដើរល្បឿនលឿនអាចបន្ថយការប្រឈមនឹងជំងឺទឹកនោមផ្អែម លើសកូឡេស្តេរ៉ុល និងសម្ពាធឈាម បានច្រើនដូចការរត់ដែរ។ 

ចុះអ្វីទៅជាភាពខុសគ្នា? 

អ្នកត្រូវការចំណាយពេលដើរយូរជាង និងច្រើនជាងការរត់ទើបទទួលបានអត្ថប្រយោជន៍ដូចគ្នា។ (អាន:ថ្នាំងងុយគេង ពេលអ្នកគួរប្រើ)ឧទាហរណ៍ ការរត់យឺតៗ ១៥នាទី អាចរំលាយកាឡូរីក្នុងខ្លួនដូចគ្នានឹងការដើរលឿនរយៈពេលកន្លះម៉ោង។ ចូរចាំថា ការដែលប្រើមធ្យោបាយរត់ដើម្បីហាត់ប្រាណអាចមានរបួសច្រើនជាងការដើរ ព្រោះវាដាក់សម្ពាធលើរាងកាយច្រើន ជាពិសេសសន្លាក់ជើងតែម្តង៕