ការរីកចម្រើននៃទូរស័ព្ទចល័តច្រើនតែធ្វើឲ្យមនុស្សគ្រប់រូបខ្លាចបាត់បង់វា និងត្រូវការមានប្រើជាប់រហូត។ រឿងនេះអាចធ្វើឲ្យអ្នកប្រើងាយនឹងថប់អារម្មណ៍ និងស្រ្តេស។ យ៉ាងណាមិញ ការប្រើប្រាស់ទូរស័ព្ទរយៈពេលយូរអាចបណ្តាលឲ្យបាក់ទឹកចិត្ត ថយចុះការផ្ចង់អារម្មណ៍ និងរំខានដល់ការរៀនសូត្រថែមទៀតផង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វាក៏រំខានដល់គំហើញរបស់មនុស្សយើង ធ្វើឲ្យជំហររាងកាយមិនបានត្រឹមត្រូវ និងរំខានដល់ការគេង។ ទោះបីជាយ៉ាងណាក៏ដោយ ការដែលញៀននឹងការកាន់ប្រើទូរស័ព្ទដៃពេក អាចបង្កជាឲទ្ធិពលគ្រោះថ្នាក់ជាច្រើនដល់សុខភាព។ ខាងក្រោមនេះខ្ញុំសូមបង្ហាញអំពីអាការៈដែលអាចបញ្ជាក់ថា អ្នកកំពុងតែញៀននឹងការប្រើទូរស័ព្ទហើយ ជាពិសេសទូរស័ព្ទឆ្លាតវៃសម័យបច្ចុប្បន្នេះតែម្តង។
ធ្វើឲ្យស្រ្តេស ថប់អារម្មណ៍ និងបាក់ទឹកចិត្ត
ការសិក្សាខ្លះបានភ្ជាប់ទំនាក់ទំនងនៃការប្រើប្រាស់ទូរស័ព្ទឆ្លាតវៃច្រើនពេកជាមួយនឹងការញៀនគ្រឿងស្រវឹង ជក់បារី និងអាកប្បកិរិយាឆេវឆាវ។ រឿងនេះអាចនាំឲ្យមានផលវិបាកច្រើនដល់សុខភាពផ្លូវចិត្តដូចជា មិនសូវស្រឡាញ់ខ្លួនឯង និងបាក់ទឹកចិត្តជាមួយនឹងការញៀននឹងទូរស័ព្ទឆ្លាតវៃតែម្តង។ អ្នកស្រាវជ្រាវបានរកឃើញថា មនុស្សយើងអាចនឹងថប់អារម្មណ៍ជាប់នៅពេលនិយាយអំពីការប្រើប្រាស់ទូស័ព្ទរបស់ខ្លួន។
រំខានដល់ការគេង
កាលពីមុន អ្វីដែលធ្វើឲ្យយុវវ័យងងុយគេងជាគេងគឺគេងទាំងសៀវភៅនៅមុខ ឬកាន់ជាប់ដៃ។ ឥឡូវនេះបើសិនជារឿងចុងក្រោយដែលអ្នកធ្វើមុនពេលចូលគេងគឺជាការចុចទូរស័ព្ទ ហើយភ្ញាក់ដំបូងគេងក៏ជាទូរស័ព្ទដែរនោះ មានន័យថាអ្នកជិតនឹងគេងលែងលក់ស្រួលហើយ។ ការសិក្សាបានបង្ហាញថា ការប៉ះពាល់នឹងពន្លឺដែលចេញពីទូរស័ព្ទឆ្លាតវៃយូរពេក អាចនាំឲ្យការគេងមានរយៈពេលខ្លី និងពន្យាពេលការគេងលក់ថែមទៀតផង។
បន្ថយការយកចិត្តទុកដាក់ ឬផ្ចង់អារម្មណ៍
អ្នកស្រាវជ្រាវបានរកឃើញថា កាលណាដែលមានវត្តមានទូរស័ព្ទឆ្លាតវៃនៅជិតខ្លួន អាចធ្វើឲ្យកម្រិតនៃការផ្ចង់អារម្មណ៍ និងការយកចិត្តទុកដាក់រៀនសូត្រត្រូវបានថយចុះ។ ទោះបីជាពួកគេព្យាយាមចៀសវាងការចុចទូរស័ព្ទក៏ដោយ ក៏មានឥទ្ធិពលដូចគ្នាដែរ។ ហេតុដូច្នេះហើយវាអាចនឹងថយចុះការរៀនសូត្រនៅសាលាបាន។
ជំហរកាន់តែអាក្រក់
ភាគច្រើនរបៀបនៃការមើលទូរស័ព្ទដៃច្រើនតែមានឥទ្ធិពលអវិជ្ជមានទៅលើជំហររាងកាយ។ ការសិក្សាបានបង្ហាញថា ការដែលអោនក្បាលទៅមុខដើម្បីមើលទូរស័ព្ទពេក រយៈពេលយូរ អាចបណ្តាលឲ្យខូចខាតដល់រចនាសម្ព័ន្ធរបស់ឆ្អឹងកងខ្នង និងចង្កេះ ព្រមទាំងសរសៃចងឆ្អឹងថែមទៀត។
ប្រឈមខ្ពស់នឹងជំងឺមហារីក
ជំងឺមហារីកគឺជាក្តីបារម្ភធំបំផុតដែលមនុស្សយើងភ័យខ្លាច និងនិយាយច្រើន ជាពិសេសនពៅេលប្រើប្រាស់ទូរស័ព្ទឆ្លាតវៃច្រើន ហើយមូលហេតុរបស់វាអាចត្រូវគ្នាហើយនៅពេលនេះ។ (អាន:ថ្នាំងងុយគេង ពេលអ្នកគួរប្រើ)ទូរស័ព្ទឆ្លាតវៃនឹងបញ្ចេញរលកវិទ្យុសកម្មដែលធ្វើឲ្យជាលិកាក្បែរនោះអាចបឺតស្រូបបាន ហើយវាក៏ជាទម្រងមួយដែលដើរតួនាទីជាភ្នាក់ងារបង្កជំងឺមហារីកថែមទៀតដែរ។ ករណីនេះ ក្មេងៗប្រហែលជាប្រឈមខ្ពស់ជាងមនុស្សធំ៕