ខាងក្រោមនេះ Health.com.kh យើងខ្ញុំនឹងបង្ហាញអ្នកពីវិធីក្នុងការធ្វើឲ្យអ្នកមិនសូវឈឺពេលសម្រាលកូន។ តើមានអ្វីខ្លះទៅ?
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

  1. ពេលដែលអ្នកជិតដល់ខែ អ្នកគួរតែដើរកាន់ដៃស្វាមីអ្នកដើរឲ្យបានច្រើន ឬទប់ជញ្ជាំងដើរក៏បានដែរ ព្រោះការដើរច្រើន នឹងធ្វើឲ្យអ្នកឆាប់កើតជាងការគេងលើតែគ្រែ។
  2. នៅពេលដែលអ្នកម្តាយរងចាំចូលទៅសម្រាលកូន ស្វាមីគួរតែជួយម៉ាស្សាប្រពន្ធ ដើម្បីឲ្យប្រពន្ធអាចបន្ធូលអារម្មណ៍ និងអាចបំបាត់អាការៈឈឺចុកចាប់បានខ្លះ មិនសូវឈឺខ្លាំង។
  3. អ្នកម្តាយអាចស្រែកបានពេលដែលឈឺខ្លាំង ព្រោះអាចធ្វើឲ្យអ្នកមិនសូវឈឺ។ ជាពិសេស អ្នកក៏អាចស្តាប់ចម្រៀងខ្លះ ដើម្បីបង្វែលចំណាប់អារម្មណ៍ផងដែរ ដោយមិនសូវដឹងថាស្បូនកំពុងបើកឡើយ។
  4. ដើម្បីកាត់បន្ថយមិនឲ្យអ្នកឈឺកាន់តែខ្លាំង អ្នកអាចប្រើការស្រមើលស្រមៃដើម្បីបង្វែលចំណាប់អារម្មណ៍របស់អ្នក ព្រោះនៅពេលដែលអ្នកគិតអ្វីផ្សេង អ្នកនឹងមិនដឹងថាអ្នកកំពុងតែធ្វើអ្វីឡើយ ដោយអាចធ្វើឲ្យអ្នកមិនសូវឈឺ។ ដូចនេះ អ្នកអាចប្រើវិធីទាំងនេះ ដើម្បីជួយអ្នកមិនសូវឈឺពេលសម្រាលកូន៕
    (អាន:ថ្នាំងងុយគេង ពេលអ្នកគួរប្រើ)