មេងៗងាយនឹងមានបញ្ហាស្បែកណាស់ក្នុងរយៈពេលពីរបីឆ្នាំដំបូងនៃជីវិតដោយសារតែពួកគេមិនទាន់មានការលូតលាស់ពេញលេញ។ នេះគឺជាហេតុផលមួយដែលធ្វើឲ្យពួកគេងាយនឹងមានការរលាក និងឡើងកន្ទួលរមាស់នៅពេលប៉ះពាល់នឹងសារធាតុបង្កអាឡែហ្ស៊ីដូចជា ទឹកក្រអូបបោកខោអាវ សាប៊ូកក់សក់កូនក្មេង និងខោទឹកនោមជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នៅពេលកន្ទួលរមាស់ចាប់ផ្តើមកើតមាន អ្នកនឹងត្រូវការការព្យាបាលឲ្យបានលឿនបំផុតដើម្បីជួយបំបាត់ការមិនមានផាសុកភាពរបស់ពួកគេ។ សំណាងដែរ ខ្ញុំមានវិធីធម្មជាតិបីយ៉ាងដែលអ្នកអាចប្រើប្រាស់បាន។ 

ប្រេងអូលីវ

ទារកប្រហែលជាងាយនឹងកើតកមនៅស្បែកក្បាលដោយសារតែស្បែកក្បាលមិនទាន់ផលិតជាតិប្រេងបានច្រើន។ រឿងនេះអាចនាំឲ្យស្បែករបកៗរហូតដល់ត្រចៀក ចិញ្ចើម និងច្រមុះផង។ មធ្យោបាយដ៏ល្អក្នុងការបំបាត់កន្ទួលបែបនេះគឺលាបប្រេងអូលីវដើម្បីជួយបន្ទន់ស្បែកដែលស្ងួតនោះ។ 

ប្រទាលកន្ទុយក្រពើ

បើសិនជាអ្នកមានដាំប្រទាលកន្ទុយក្រពើក្នុងផ្ទះ អ្នកអាចប្រើវាដើម្បីព្យាបាលបញ្ហាកន្ទួលរមាស់លើស្បែកទារកបានយ៉ាងងាយ។ អ្នកគ្រាន់តែចិតយកជែលខាងក្នុងរបស់ស្លឹកប្រទាលកន្ទុយក្រពើ ហើយលាបវានៅកន្លែងដែលមានបញ្ហានោះជាការស្រេចហើយ។ ចូរទុកចោលពីរបីនាទី ឬដល់វាស្ងួតចាំលាងចេញ។ វិធីនេះនឹងជួយបន្ថយការហើម និងរលាកបានយ៉ាងល្អ។ 

ប្រេងដូង

វាមិនខុសគ្នានឹងប្រេងអូលីវទេ ប្រេងដូងគឺមានប្រសិទ្ធភាពល្អក្នុងការដោះស្រាយបញ្ហាការកើតកមនៅលើស្បែកក្បាល។ (អាន:ថ្នាំងងុយគេង ពេលអ្នកគួរប្រើ)ចូរម៉ាស្សាប្រេងអូលីវបន្តិចនៅលើស្បែកក្បាល និងទុកវាចោលពីរបីនាទី។ បន្ទាប់មក ចូរងូតទឹកឲ្យកូន ហើយធ្វើការបោសថ្នមៗនូវស្បែកដែលរបកៗនោះ៕