ក្រោយសម្រាលកូនដោយវះកាត់ អ្នកម្តាយគួរតែប្រយ័ត្នពីរឿងទាំងនេះ

ខាងក្រោមនេះ Health.com.kh យើងខ្ញុំនឹងបង្ហាញអ្នកពីរឿងដែលអ្នកម្តាយគួរតែប្រយ័ត្នពេលដែលសម្រាលកូនដោយវះកាត់រួច។ តើមានអ្វីខ្លះទៅ?
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

1. ក្រោយពេលដែលអ្នកវះកាត់រួច អ្នកមិនគួរគេងផ្ងារឡើយ ព្រោះអាចធ្វើឲ្យអ្នកឈឺមុខរបួសបានក្រោយពេលដែលអស់ថ្នាំស្ពឹក។ ដូចនេះ អ្នកគួរតែគេងមកចំហៀង ទើបធ្វើឲ្យអ្នកមិនសូវឈឺមុខរបួស។
2. ក្រោយវះកាត់បាន២៤ម៉ោង អ្នកមិនគួរគេងតែលើគ្រែទេ ដោយអ្នកគួរតែរៀនប្រែខ្លួនចុះឡើង និងងើបឡើងមកអង្គុយ។ ប្រសិនជាអាច អ្នកគួរតែចុះពីលើគ្រែមកដើរ។ ការធ្វើបែបនេះ ដើម្បីឲ្យអ្នកដើរខ្យល់បានលភន ថែមទាំងជួយឲ្យក្រពះ និងពោះវៀងអ្នកដំណើរការបានល្អ។
3. ក្រោយវះកាត់រួច អ្នកមិនគួរញ៉ាំឆ្អែតពេកទេ ព្រោះអាចធ្វើឲ្យប៉ះពាល់ដល់សុខភាពអ្នកជាខ្លាំង។ ដូចនេះ ក្រោយវះកាត់បាន៦ម៉ោង អ្នកមិនគួរញ៉ាំអាហារឡើយ ដោយអ្នកគួរតែចាំដល់ពេលសុខភាពអ្នករាងរឹងមាំ ទើបអ្នកអាចបរិភោគអាហាររាងច្រើនបាន។
4. ក្រោយវះកាត់រួច អ្នកមិនគួរមិនហ៊ានបត់ជើងធំ និងតូចទេ ព្រោះខ្លាចឈឺមុខរបួស។ អ្នកគួរតែបត់ជើងធំ និងតូចឲ្យបានកាន់តែលឿនកាន់តែល្អ ទើបល្អចំពោះសុខភាពអ្នកម្តាយ។
5. អ្នកគួរតែការពារខ្លួនអ្នកពីជំងឺផ្តាសាយក្រោយពេលដែលវះកាត់រួច ព្រោះបើអ្នកផ្តាសាយ ហើយក្អក អាចធ្វើឲ្យប្រេះមុខរបួសអ្នកយ៉ាងងាយ។ ដូចនេះ អ្នកគួរតែការពារខ្លួនអ្នកពីជំងឺផ្តាសាយនេះឲ្យបានកាន់តែឆ្ងាយកាន់តែល្អ៕
   (អាន:ថ្នាំងងុយគេង ពេលអ្នកគួរប្រើ)