នារីក្រោយសម្រាលកូនរួច រឿងទាំងនេះ ប្រយ័ត្នឲ្យខ្ពស់

ខាងក្រោមនេះ Health.com.kh យើងខ្ញុំនឹងបង្ហាញអ្នកពីរឿងដែលអ្នកគួរតែប្រយ័ត្នពេលដែលសម្រាលកូនរួច។ តើមានអ្វីខ្លះទៅ?
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

1. ក្រោយពេលដែលអ្នកសម្រាលកូនរួច អ្នកគួរតែប្រយ័ត្នពីរបបអាហាររបស់អ្នក ដោយអ្នកគួរតែពិសារតិចប៉ុន្តែច្រើនពេល ទើបមិនផ្តល់សម្ពាធដល់រាងកាយអ្នក ថែមទាំងមិនធ្វើឲ្យអ្នកធាត់ខ្លាំង។
2. ក្នុងពេលដែលអ្នកកូនខ្ចី អ្នកមិនគួរគេងតែលើគ្រែទេ ដោយអ្នកគួរតែចុះមកធ្វើចលនាខ្លះ ព្រោះបើអ្នកគេងច្រើនពេក អាចធ្វើឲ្យប៉ះពាល់ដល់សុខភាពអ្នកខ្លាំងណាស់។ ជាពិសេស អាចធ្វើឲ្យប៉ះពាល់ដល់សសៃឈាមអ្នកផងដែរ។
3. អ្នកម្តាយគួរតែបំបៅទឹកដោះអ្នកដល់កូន ព្រោះទឹកដោះអ្នកម្តាយមានសារធាតុដែលទឹកដោះគោម្សៅមិនមានឡើយ។ ដូចនេះ អ្នកម្តាយគួរតែឲ្យកូនបៅដោះអ្នក ទើបអាចធ្វើឲ្យកូនមានសុខភាពរឹងមាំ មិនងាយមានជំងឺ។
4. អ្នកម្តាយគួរតែប្រយ័ត្នពីការដកដង្ហើមរបស់កូន ប្រយ័ត្នពីការបៅរបស់កូន និងចលនារបស់កូន ដោយអ្នកគួរតែសង្កេតឲ្យបានល្អ ទើបអាចកាត់បន្ថយគ្រោះថ្នាក់មួយចំនួនដែលអាចកើតលើខ្លួនរបស់កូនបាន។ ជាពិសេស អ្នកគួរតែនាំកូនទៅពិនិត្យឲ្យបានទៀងពេល ទើបអាចការពារសុខភាពកូនបានល្អ៕
   (អាន:ថ្នាំងងុយគេង ពេលអ្នកគួរប្រើ)