អាហារ និងភេសជ្ជៈប្រឆាំងការរលាកក្នុងរាងកាយ ដែលអ្នកគួរទទួលទានជាប្រចាំ

ការរលាកក្នុងរាងកាយ គឺជាប្រតិកម្មរបស់ប្រព័ន្ធភាពស៊ាំតបតទៅនឹងរបួស ឬការឆ្លងមេរោគ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ជាធម្មតាការរលាកក្នុងរាងកាយមិននាំអោយមានផលអាក្រក់អ្វីឡើយ ប៉ុន្តែប្រសិនបើការរលាកមានលក្ខណៈរ៉ាំរ៉ៃអាចបង្កជំងផ្សេងៗ និងឡើងទម្ងន់។ ទោះជាយ៉ាងណា កុំបារម្ភ! ខាងក្រោម
វេបសាយសុខភាព Health.com.kh នឹងបង្ហាញឱ្យដឹងពីអាហារដែលជួយប្រឆាំងការរលាក ៖

១. ផ្លែបឺរ

មានផ្ទុកជាតិខ្លាញ់ល្អ monounsaturated, ជាតិសសៃ, វីតាមីន, ម៉ាញ៉េស្យូម និងប៉ូតាស្យូម ដែលជួយទប់ស្កាត់ប្រយុទ្ធប្រឆាំងការរលាកក្នុងរាងកាយបានយ៉ាងប្រសើរ។ 

២. ខ្ញី

មានផ្ទុកសម្បូរទៅដោយសារធាតុ cytokines ដែលជួយប្រយុទ្ធប្រឆាំងការរលាករ៉ាំរ៉ៃក្នុងរាងកាយបានយ៉ាងប្រសើរ។

៣. ក្រូច

មានផ្ទុកជាតិប៉ូតាស្យូម, វីតាមីន C, កាល់ស្យូម, ជាតិសសៃ និងសារធាតុ folate ដែលមិនត្រឹម
តែជួយរក្សាសុខភាពបេះដូង និងសសៃឈាមល្អប្រសើរប៉ុណ្ណោះទេ ប៉ុន្តែក៏ជួយពង្រឹងប្រព័ន្ធភាពស៊ាំ កាត់បន្ថយការរលាកក្នុងរាងកាយផងដែរ។

៤. ត្រីសម្បូរខ្លាញ់

ជាប្រភពដ៏ល្អបំផុតមួយនៃអាស៊ីតខ្លាញ់អូមេហ្គា ៣ និងវីតាមីន B ដែលមិនត្រឹមតែមានប្រសិទ្ធិភាពកាត់បន្ថយរលាកប៉ុណ្ណោះទេ ប៉ុន្តែក៏បង្កើនពង្រឹងសុខភាពបេះដូង និងខួរក្បាល។ ដូច្នេះចូរព្យាយាមទទួលទានត្រីសម្បូរខ្លាញ់អោយបាន ២ ដងក្នុងមួយសប្តាហ៍។

៥. តែបៃតង

តែបៃតងមានផ្ទុកសម្បូរទៅដោយសារធាតុ epigallocatechin-3-gallate និង polyphenols ជួយប្រយុទ្ធប្រឆាំងការរលាកក្នុងរាងកាយគួរអោយកត់សម្គាល់។

៦. ម្នាស់

ជាប្រភពដ៏ប្រសើរនៃសារធាតុ bromelain ដែលជួយបំបាត់ការឈឺចាប់ និងកាត់បន្ថយការរលាក។

៧. ស្រាក្រហម

មានផ្ទុកសារធាតុម្យ៉ាងហៅថា resveratrol ជួយប្រយុទ្ធប្រឆាំងនឹងការរលាក។ ការទទួលទានស្រាក្រហមជាប្រចាំអាចកាត់បន្ថយហានិភ័យនៃជំងឺរលាកសន្លាក់បានយ៉ាងប្រសើរ។ ប៉ុន្តែអ្នកត្រូវទទួលទានវាក្នុងកម្រិតមធ្យម គឺ ១ កែវក្នុងមួយថ្ងៃសម្រាប់ស្ត្រី និង ២ កែវ សម្រាប់បុរស។

៨. សណ្ដែកសៀង

ក៏ជាប្រភពដ៏ល្អបំផុតមួយនៃអាស៊ីតខ្លាញ់អូមេហ្គា ៣ ដែលមានប្រសិទ្ធិភាពទប់ស្កាត់ និងកាត់បន្ថយអាការៈនៃការរលាកក្នុងរាងកាយ៕