ទោះបីជាភាគច្រើននៃពួកយើងសុទ្ធតែស្គាល់ “សណ្ដែកខៀវ” និងឧស្សាហ៍ទទួលទានបង្អែមសណ្ដែកខៀវ ឬទឹកសណ្ដែកខៀវ ប៉ុន្តែប្រហែលជាមិនធ្លាប់ចាប់អារម្មណ៍ទេថា សណ្ដែកនេះអាចផ្ដល់អត្ថប្រយោជន៍ជាច្រើនចំពោះសុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើសណ្ដែកខៀវប្រសើរយ៉ាងណាខ្លះទៅ? ថ្ងៃនេះវេបសាយសុខភាព Health.com.kh នឹងបង្ហាញអោយដឹងពីឥទ្ធិពលវិជ្ជមានដ៏គួរអោយភ្ញាក់ផ្អើលនៃការទទួលសណ្ដែកខៀវ ៖

១. ប្រយុទ្ធប្រឆាំងជំងឺមហារីក

“សណ្ដែកខៀវ” ផ្ទុកសម្បូរទៅដោយវីតាមីន C, អាស៊ីតអាមីណូ រួមបញ្ចូលទាំង polyphenols និង oligosaccharides ដែលសុទ្ធតែជាសារធាតុប្រឆាំងអុកស៊ីតកម្មដ៏មានឥទ្ធិពលអាចជួយប្រឆាំងទប់ស្កាត់ជំងឺមហារីកគួរអោយកត់សម្គាល់។

២. ការពារថ្លើម

ប្រូតេអ៊ីនមិនត្រឹមតែសំខាន់សម្រាប់សាច់ដុំ និងសុខភាពឆ្អឹងប៉ុណ្ណោះទេ ប៉ុន្តែក៏ចាំបាច់ក្នុងការជួយការពារថ្លើមពីការខូចខាតផងដែរ។ ហើយសណ្ដែកខៀវ គឺជាប្រភពដ៏ល្អបំផុតមួយនៃជាតិប្រូតេអ៊ីន។ ដូច្នេះដើម្បីអាចរក្សាបាននូវសុខភាពថ្លើមរឹងមាំជៀសផុតពីបញ្ហាផ្សេង រួមទាំងជំងឺខាន់លឿង ចូរទទួលទានសណ្ដែកខៀវជាប្រចាំ។

៣. ទប់ស្កាត់ជំងឺទឹកនោមផ្អែមប្រភេទទី ២

នោះក៏ព្រោះតែសណ្ដែកខៀវមានផ្ទុកសារធាតុ vitexin និង isovitexin ដែលជួយបញ្ចុះកម្រិតនៃជាតិស្ករក្នុងឈាម និងធ្វើអោយអាំងស៊ុយលីនដំណើរកាន់តែមានប្រសិទ្ធភាពអាចទប់ស្កាត់ហានិភ័យនៃជំងឺទឹកនោមផ្អែមបានយ៉ាងប្រសើរ។

៤. កាត់បន្ថយហានិភ័យនៃជំងឺបេះដូង

សណ្ដែកខៀវ ជាប្រភពដ៏ប្រសើរនៃជាតិសសៃ និងសារធាតុប្រឆាំងអុកស៊ីតកម្មដែលមានប្រសិទ្ធភាពបញ្ចុះកម្រិតនៃជាតិកូឡេស្តេរ៉ូលមិនល្អ ព្រមទាំងកាត់បន្ថយការរលាកក្នុងរាងកាយ និងការពារសសៃ
ឈាមពីការបំផ្លាញ។ កូឡេស្តេរ៉ូលមិនល្អជាកត្តាចម្បងបំផុតដែលបង្កបញ្ហាស្ទះសសៃឈាមបេះដូង។ ដូច្នេះការទទួលទានសណ្ដែកខៀវអាចទប់ស្កាត់កាត់បន្ថយហានិភ័យនៃជំងឺបេះដូងគួរអោយកត់
សម្គាល់៕