ភាគច្រើននៃពួកយើងសុទ្ធតែបានដឹងពាក់ព័ន្ធទៅនឹងការហាមប្រាមមិនឱ្យងូតទឹកភា្លមៗ បន្ទាប់ពីទទួលទានអាហាររួច ក៏ព្រោះវាអាចបង្កផលប៉ះពាលចំពោះសុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីជាយើងបានធ្វើតាមរហូតមកក្ដី ប៉ុន្តែប្រហែលជាមិនធ្លាប់បានដឹងពីមូលហេតុពិតប្រាកដនៃការហាមនេះឡើយ។ ថ្ងៃនេះវេបសាយសុខភាព Health.com.kh នឹងបង្ហាញអោយដឹងពីមូលហេតុដែលអ្នកមិនគួរងូតទឹកភ្លាមៗក្រោយអាហារ ៖

  • ដំណើរការរំលាយអាហារ ត្រូវការចរន្តឈាម

នៅពេលដែលយើងទទួលទានអាហារក្នុងមាត់ភ្លាម ប្រព័ន្ធរំលាយអាហារក៏ចាប់ផ្ដើមដំណើរការដែរ ដោយក្រពះនឹងបញ្ចេញជាតិអាស៊ីត hydrochloric រួមជាមួយអង់ស៊ីមរំលាយអាហារគ្រប់ប្រភេទដើម្បីធ្វើការបំបែករំលាយអាហារ។ ដើម្បីប្រាកដបានថា ប្រព័ន្ធរំលាយអាហាររបស់អ្នកដំណើរការមុខងារត្រឹមត្រូវ ហើយសារធាតុចិញ្ចឹមពីអាហារដែលអ្នកទទួលទាននឹងត្រូវបញ្ជូនទៅកាន់គ្រប់កោសិកា និងជាលិកា នោះដុំឈាមដ៏ធំមួយរបស់អ្នក គឺត្រូវបានបង្វែរទៅរកប្រព័ន្ធរំលាយអាហារ។ ដូច្នេះហើយទើបភាពប្រែប្រួលគួរអោយកត់សម្គាល់មួយចំនួនដែលទាក់ទងនឹងប្រព័ន្ធឈាមរត់ ឬចរន្តឈាមកើតមានឡើងក្នុងកំឡុងពេល និងជាពិសេសក្រោយពេលទទួលទានអាហារ។ ចង្វាក់បេះដូងលោតញាប់ជាងមុនដើម្បីដឹកនាំឈាមបន្ថែមទៅកាន់ប្រព័ន្ធរំលាយអាហារ ហើយសម្ពាធឈាមធ្លាក់ចុះបន្តិច គឺជាភាពប្រែប្រួលគួរអោយកត់សម្គាល់ពាក់ព័ន្ធនឹងចរន្តឈាម។

  • ការងូតទឹក គឺផ្ដល់ភាពត្រជាក់

ពិតណាស់បន្ទាប់ពីយើងងូតទឹករួច យើងនឹងមានអារម្មណ៍ថាត្រជាក់ ដោយទឹកជួយបន្ថយកម្ដៅរាងកាយគួរអោយកត់សម្គាល់ ដូច្នេះហើយទើបអ្នកអាចទទួលបាននូវអារម្មណ៍ស្រស់ស្រាយ និងត្រជាក់ស្រួលខ្លួនជាងមុនក្រោយងូតទឹករួចនៅពេលក្ដៅ។ ទោះជាយ៉ាងណា អ្នកគួរចាំថារាងកាយ គឺត្រូវការសីតុណ្ហភាពសមល្មមមួយមិនប្រែប្រួល ដោយវាបានកំណត់សីតុណ្ហភាពស្នូលរួចទៅហើយ។ នេះមាន
ន័យថានៅពេលសីតុណ្ហភាពរាងកាយចាប់ផ្ដើមធ្លាក់ចុះ ដោយសារការងូតទឹក ឬសកម្មភាពផ្សេងៗ ឬកត្តាបរិយាកាសខាងក្រៅ នោះវានឹងបញ្ចេញសកម្មភាពភ្លាមៗដើម្បីនាំយកសីតុណ្ហភាពស្នូលត្រឡប់
មកដូចធម្មតាវិញ។ ហើយដើម្បីរក្សាបាននូវសីតុណ្ហភាពប្រក្រតី រាងកាយនឹងធ្វើអោយសសៃឈាមជិតស្បែករីកធំជាងមុន ក៏ព្រោះតែឈាម គឺមានកម្ដៅ ដូច្នេះការព​​​ង្រីកសសៃឈាមដែលនៅជិតស្បែកនឹងជួយរក្សាសីតុណ្ហភាពស្នូលនៃរាងកាយបានឆាប់រហ័ស។

  • ចំនុចអវិជ្ជមាន

បញ្ហាកើតឡើងនៅពេលដែលឈាមជាច្រើនត្រូវបានបញ្ជូនទៅកាន់ស្បែក ដើម្បីរក្សាសីតុណ្ហភាពស្នូលនៃរាងកាយដែលធ្វើអោយខ្វះខាតឈាមផ្គត់ផ្គង់ដល់ប្រព័ន្ធរំលាយអាហារ។ មានន័យថា ប្រព័ន្ធរំលាយអាហារនឹងមិនអាចទទួលបានការផ្គត់ផ្គង់ឈាមគ្រប់គ្រាន់ឡើយ ដើម្បីដំណើរការមុខងារប្រក្រតី។ ហើយជាលទ្ធផលបញ្ហាពិបាករំលាយអាហារនឹងកើតមានឡើង។ ការងូតទឹកក្ដៅក៏មិនល្អដែរក្រោយពេលទទួលទានអាហាររួចភ្លាម!

ដូច្នេះដើម្បីជាការប្រសើរជៀសផុតពីបញ្ហាពិបាករំលាយអាហារ អ្នកគួរងូតទឹកនៅរយៈពេល ៣០ នាទី ឬ១ ម៉ោង បន្ទាប់ពីទទួលទានអាហារ ជាពិសេសប្រសិនបើអ្នកទទួលទានច្រើន ឬឆ្អែតខ្លាំង៕