​លោក​Samen Kondorura អ្នកស្រុក​ម្នាក់​នៅ​ខេត្ត South Sulawesi​ប្រទេស​ឥណ្ឌូនេស៊ី​បាន​ស្លាប់​ដោយសារ​របួស​ក្បាល​ធ្ងន់ធ្ងរ​បន្ទាប់ពី​មឈូស​​ដ៏​ធ្ងន់​មួយ​ដែល​ដាក់​ម្តាយ​សព​របស់គាត់​បាន​ធ្លាក់​លើ​ពួក​អ្នក​ជួយ​សែង​មឈូស​នេះ នៅ​ពិធី​បុណ្យសព​កាលពី​ថ្ងៃ​សុក្រ​ទី​១៥​មិថុនា​។​

​លោក Samen Kondorura បាន​ស្ថិតនៅ​ក្នុងចំណោម​មនុស្ស​បួនដប់​នាក់​ដែល​បាន​សែង​ក្តារ​មឈូស​ម្តាយ​របស់គាត់​យកទៅដាក់​លើ​អាសនៈ​មួយ​សំរាប់​តម្កល់សព​​អំឡុង​ពិ​ធិ​បុណ្យសព​តាម​ប្រពៃណី​។

​តាម​រូបភាព​វីដេអូ បានបង្ហាញ​ថា​ពួក​អ្នក​សែង​មឈូស បាន​ឡើង​តាម​ជណ្តើ​ឫស្សី​មួយ​ដើម្បី​ដាក់​ក្តារ​មឈូស​នេះ​នៅ​ខាងក្នុង​ផ្ទះ​ដាក់​សព​នៅ​ទី​ខ្ពស់​នោះ ស្រាប់​​តែ​ជណ្តើរ​បាន​រអិល​ចុះ​នាំអោយ​ធ្លាក់​ទាំង​មឈូស​និង​អ្នក​សែង​មក​ដី​។​

​លោក Samen Kondorura បាន​ស្លាប់​នៅតាម​ផ្លូវ​ទៅកាន់​មន្ទីរពេទ្យ​៕​

ប្រភព៖  rasmeinews.com