ភាគច្រើននៃពួកយើងសុទ្ធតែដឹងហើយថា ផ្លែឈើ គឺប្រសើរណាស់ចំពោះសុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ផ្លែឈើមិនត្រឹមតែជួយរក្សាសុខភាពល្អប្រសើរប៉ុណ្ណោះទេ ប៉ុន្តែក៏ផ្ដល់អត្ថប្រយោជន៍ទប់ស្កាត់ជំងឺគួរអោយព្រួយបារម្ភផ្សេងៗ រួមទាំងជំងឺបេះដូង និងសូម្បីតែជំងឺមហារីកផងដែរ។ ទោះជាយ៉ាងណា មិនមែនគ្រប់ផ្លែឈើទាំងអស់សុទ្ធតែមានផ្ទុកសារធាតុសំខាន់ៗក្នុងបរិមាណស្មើគ្នាឡើយ។ ថ្ងៃនេះវេបសាយសុខភាព Health.com.kh នឹងបង្ហាញអោយដឹងពីប្រភេទនៃផ្លែឈើដែលមានផ្ទុកសម្បូរទៅដោយសារធាតុចិញ្ចឹមសំខាន់ៗ ៖
១. ផ្លែបឺរ
ជាផ្លែឈើដែលផ្ដល់សុខភាពល្អបំផុតមួយដោយវាមានផ្ទុកសម្បូរទៅដោយសារធាតុចិញ្ចឹមជាច្រើនប្រភេទ រួមបញ្ចូលទាំងជាតិសសៃ, សារធាតុ Pantothenic acid, វីតាមីន K, សារធាតុ Folate, ជាតិប៉ូតាស្យូម, វីតាមីន C, វីតាមីន B5 និង B6។ ទោះយ៉ាងណា អ្នកមិនគួរទទួលទានលលើសកម្រិតពេកឡើយ ក៏ព្រោះផ្លែឈើនេះមានផ្ទុកជាតិខ្លាញ់ saturated ខ្ពស់។
២. ផ្លែគីវី
ផ្លែឈើនេះមានផ្ទុកវីតាមីន C ច្រើនជាងផ្លែក្រូចទៅទៀត។ ហើយក្រៅពីវីតាមីននេះ ផ្លែគីវី ក៏ជាប្រភពដ៏ប្រសើរនៃជាតិម៉ាញ៉េស្យូម, ប៉ូតាស្យូម, ជាតិសសៃ និងវីតាមីន A ផងដែរ។
៣. ផ្លែទទឹម
ជាប្រភពដ៏ល្អបំផុតមួយនៃសារធាតុចិញ្ចឹមចាំបាច់សម្រាប់រក្សាសុខភាព។ ផ្លែទទឹមមានផ្ទុកសម្បូរទៅដោយសារធាតុប្រឆាំងអុកស៊ីតកម្មច្រើនជាង ផ្លែប្ល៊ូបឺរី, តែបៃតង និងស្រាក្រហម ទៅទៀត។
៤. ផ្លែឈើរី
ជាជម្រើសនៃផ្លែឈើដ៏ប្រសើរសម្រាប់អ្នកដែលមានបញ្ហាទាក់ទងនឹងការគេងនៅពេលយប់។ ឈើរី មានផ្ទុកសារធាតុប្រឆាំងអុកស៊ីតកម្ម លក្ខណៈសម្បត្តិប្រឆាំងការរលាក និងជាតិទឹកដែលធ្វើអោយវាក្លាយជាអាហារសម្រន់ល្អបំផុតក្រោយពេលធ្វើលំហាត់ប្រាណ។
៥. ផ្លែចេក
មានផ្ទុកជាតិប៉ូតាស្យូម, ជាតិសសៃ និងវីតាមីន B6 ខ្ពស់ ដែលធ្វើអោយវាក្លាយជាអាហារសម្រន់ប្រសើរបំផុតសម្រាប់អ្នកដែលចង់រក្សាបាននូវសុខភាពល្អរឹងមាំ។ ការទទួលទានចេកជាប្រចាំក៏ជួយកាត់បន្ថយសម្ពាធឈាម និងបង្កើនសុខភាពភ្នែកគួរអោយកត់សម្គាល់។
៦. ទំពាំងបាយជូរក្រហម
ជាប្រភពនៃសារធាតុ resveratrol ដែលមានលក្ខណៈសម្បត្តិប្រឆាំងអុកស៊ីតកម្ម និងការរលាកក្នុងរាងកាយ។ ទំពាំងបាយជូរក្រហមអាចកាត់បន្ថយហានិភ័យនៃជំងឺបេះដូង និងជួយថ្លើមកម្ចាត់ជាតិពុលផ្សេងពីក្នុងរាងកាយ។
៧. ផ្លែក្រូច
ជាប្រភពដ៏ល្អនៃវីតាមីន C រួមទាំងសារធាតុ Folate, ជាតិសសៃ, ប៉ូតាស្យូម, Thiamin, កាល់ស្យូម និង Niacin ដែលល្អសម្រាប់សុខភាពរាងកាយទប់ស្កាត់ជំងឺ។
៨. ផ្លែប៉ោម
មានផ្ទុកសារធាតុប្រឆាំងអុកស៊ីតកម្មសំខាន់ៗ និងជាតិសសៃដែលចាំបាច់សម្រាប់សុខភាពជួយកាត់បន្ថយហានិភ័យនៃជំងឺគួរអោយព្រួយបារម្ភជាច្រើន រួមទាំងជំងឺបេះដូង, ដាច់សសៃឈាមក្នុងខួរក្បាល, ជំងឺ Parkinson’s និងសូម្បីតែជំងឺមហារីក។
សរុបមកការទទួលទានផ្លែឈើ រួមជាមួយនឹងបន្លែអាចជួយអោយអ្នករក្សាបាននូវសុខភាពល្អរឹងមាំ និងទប់ស្កាត់ជំងឺបានជាច្រើន សូម្បីតែជំងឺកាចសាហាវដូចជាមហារីក៕