ការដោះស្រាយជាមួយនឹងការលើសជាតិស្ករក្នុងឈាមក្នុងពេលត្រៀមនឹងកើតជំងឺទឹកនោមផ្អែមអាចជារឿងធ្វេសប្រហេស ទោះបីជាការលើសជាតិស្ករក្នុងឈាមខ្លាំងធ្វើឲ្យអ្នកកើតជំងឺទឹកនោមផ្អែមពេញលេញក៏ដោយ។ ជំងឺនេះមិនត្រឹមតែកើតឡើងលើមនុស្សធំទេ តែមនុស្សវ័យក្មេងក៏អាចកើតឡើងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាអ្នករកឃើញជំងឺទឹកនោមផ្អែមលឿន ហើយមានការប្រុងប្រយ័ត្នខ្ពស់ នោះអ្នកនឹងមានឱកាសច្រើនក្នុងការធ្វើឲ្យជាតិស្ករក្នុងឈាមត្រឡប់មកធម្មតាវិញ ប៉ុន្តែរឿងនេះមិនមែនមានន័យថាអ្នកគួរតែរងចាំដល់គ្រូពេទ្យកំណត់រោគវិនិច្ឆ័យសិនចាំថែខ្លួននោះទេ។ បើសិនជាគ្រួសារអ្នកមានប្រវត្តិកើតជំងឺទឹកនោមផ្អែម អ្នកគួរតែប្រើវិធីព្យាបាលដោយខ្លួនឯងដូចខាងក្រោមនេះដើម្បីជួយឲ្យជាតិស្ករក្នុងឈាមស្ថិតក្នុងកម្រិតធម្មតារហូត។ 

ផ្លែម្រះ

ម្រះ

ផ្លែម្រះផ្ទុកទៅដោយសារធាតុ Charanthin ដែលជាសារធាតុគីមីមួយប្រភេទអាចបញ្ចុះជាតិស្ករក្នុងឈាមបាន។ នៅពេលញ៉ាំ បន្លែមួយនេះនឹងជួយបង្កើនចំនួនអាំងស៊ុយលីនចេញពីលំពែង ដែលរាងកាយកំពុងតែខ្វះខាត។ អ្នកជំនាញខាងអាហារូបត្ថម្ភបានណែនាំបន្លែនេះទៅដល់អ្នកមានជំងឺទឹកនោមផ្អែមញ៉ាំព្រោះវាអាចជួយគ្រប់គ្រងជាតិស្ករក្នុងឈាមបាន។ 

ប្រទាលកន្ទុយក្រពើ

ប្រទាលកន្ទុយក្រពើ

រុក្ខជាតិមួយនេះត្រូវបានគេប្រើប្រាស់ជាញឹកញាប់ក្នុងការព្យាបាលបញ្ហាសក់ និងស្បែក ប៉ុន្តែវាក៏ត្រូវបានគេប្រើប្រាស់ក្នុងការសម្របសម្រួលដល់ជាតិស្ករក្នុងឈាមផងដែរ។ វាផ្ទុកទៅដោយសារធាតុ Phytosterols ដែលអាចជួយបន្ថយជាតិស្ករក្នុងឈាមបានយ៉ាងមានសុវត្ថិភាព។ អ្នកអាចប្រើប្រាស់វាជាមួយគ្នានឹងរមៀត បានក្នុងការបញ្ចុះជាតិស្ករក្នុងឈាម។ 

ពោតបារាំង

ពោតបារាំង

ពោតបារាំងគឺជាបន្លែផ្តល់សុខភាពមួយផ្សេងទៀតដែលអាចជួយអ្នកដោះស្រាយបញ្ហាលើសជាតិស្ករក្នុងឈាមបាន។ ចូរកាត់ពោតបារាំងជាពាក់កណ្តាល និងត្រាំវាក្នុងទឹកពេញមួយយប់។(អាន:ថ្នាំងងុយគេង ពេលអ្នកគួរប្រើ) ចូរញ៉ាំទឹកនេះនៅពេលពោះទទេនៅពេលព្រឹក ព្រោះវាអាចជួយបង្កើនសមត្ថភាពនៃការរំលាយអាហារបាន៕