មីកញ្ចប់គឺជាអាហារសម្រន់ដែលថោក និងងាយស្រួលរៀបចំញ៉ាំ ហេតុដូច្នេះហើយទើបវាមានភាពពេញនិយមបំផុតសម្រាប់មនុស្សទូទៅនាពេលបច្ចុប្បន្ន និងមិនត្រូវការពេលវេលាយូរក្នុងការធ្វើម្ហូបញ៉ាំ។ ជាអកុសល សម្រាប់ផលិតផលអាហារដែលមានការវិចខ្ចប់បានយ៉ាងល្អ និងជាទីពេញចិត្តបំផុតសម្រាប់មនុស្សគ្រប់គ្នាមួយនេះ មានគ្រោះថ្នាក់ច្រើនចំពោះសុខភាព ហើយអ្នកដែលចូលចិត្តញ៉ាំវាជាទៀងទាត់នោះ ក៏គួរតែដឹងអំពីរឿងនេះដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខ្ញុំសូមបង្ហាញហេតុផលមួយចំនួនដែលអ្នកគួរតែព្យាយាមចៀសវាងការញ៉ាំមីកញ្ចប់បើសិនជាមិនចង់កើតរឿងទាំងនេះទេ។

បង្កើនការប្រឈមនឹងជំងឺមហារីក

បង្កើនការប្រឈមនឹងជំងឺមហារីក

មីកញ្ចប់ផ្ទុកទៅដោយសារធាតុថែរក្សាផលិតផលឲ្យទុកបានយូរ ក្នុងនោះដែរមានសារធាតុប្រភេទនេះពីរយ៉ាងគឺ T-butylhydroquinone (TBHQ) និង Butylated Hydroxyanisole (BHA)។ ខណៈពេលដែលចំនួនសារធាតុទាំងពីរនេះតិចតួចត្រូវបានអ្នកវិទ្យាសាស្រ្តអះអាងថាមិនមានអ្វីគ្រោះថ្នាក់ដល់សុខភាព តែវាពិតជារឿងមួយខុសគ្នាដាច់វិញបើសិនជាអ្នកនិយមញ៉ាំអាហារមានសារធាតុទាំងនេះច្រើនៗ ព្រោះវាអាចបង្កើនការប្រឈមនឹងជំងឺមហារីកបាន។ 

ឈឺក្រពះ

ឈឺក្រពះ

មីកញ្ចប់ប្រហែលជាជម្រើសមុនគេរបស់អ្នកក្នុងការទទួលទានអាហារ ប៉ុន្តែវាពិតជាមិនអាចធ្វើឲ្យក្រពះរំលាយវាបានដូចអាហារដទៃឡើយ។ ប្រហែលជាអ្នកធ្លាប់ដឹងអំពីរឿងនេះច្រើនហើយតាមរយៈប្រព័ន្ធអ៊ីនធើណេតនានា ទាក់ទងនឹងការញ៉ាំមីធ្វើឲ្យក្រពះចំណាយពេលកាន់តែយូរក្នុងការរំលាយ។ យ៉ាងណាមិញ ក្រពះរបស់មនុស្សយើងមិនត្រូវបានបង្កើតឡើងដើម្បីរំលាយអាហារកៃឆ្នៃដូចជាមីកញ្ចប់នេះឡើយ ដូច្នេះវាពិតជាងាយនឹងធ្វើឲ្យឈឺក្រពះបានក្រោយពីញ៉ាំមីរួច៕

អាការៈមិនស្រួលផ្សេងៗទៀត

ស្ពឹកមុខ

ហេតុផលមួយផ្សេងទៀតដែលធ្វើឲ្យអ្នកមិនស្រួលក្នុងក្រពះក្រោយពីញ៉ាំមីរួចគឺដោយសារតែវត្តមានសារធាតុ MSG ឬ Monosodium Glutamate ដែលជាសារធាតុផ្តល់រសជាតិដល់អាហារដ៏ពេញនិយមបំផុត ជាពិសេសផលិតផលអាហារធ្វើក្នុងប្រទេសចិនតែម្តង។ មីកញ្ចប់ភាគច្រើនដែលដាក់លក់នៅលើទីផ្សាសព្វថ្ងៃគឺមានសារធាតុ MSG ដើម្បីជំរុញឲ្យអាហារមានរសជាតិឆ្ងាញ់។ ប៉ុន្តែការញ៉ាំអាហារមានសារធាតុនេះច្រើន វាអាចធ្វើឲ្យចង្អោ ឈឺក្បាល ស្ពឹកមុខ ញ័រដើមទ្រូង និងឈឺទ្រូងបាន។ 

លើសសម្ពាធឈាម

លើសសម្ពាធឈាម

នរណាក៏ធ្លាប់ដឹងហើយថា អាហារកៃឆ្នៃ ឬមីកញ្ចប់ផ្ទុកទោដោយជាតិសូដ្យូមខ្ពស់ ហេតុដូច្នេះហើយការញ៉ាំមីច្រើននឹងធ្វើឲ្យសម្ពាធឈាមឡើងខ្ពស់បាន។ (អាន:ថ្នាំងងុយគេង ពេលអ្នកគួរប្រើ)ម៉្យាងវិញទៀត មីកញ្ចប់គួរតែជាអាហារត្រូវហាមប្រាមសម្រាប់អ្នកជំងឺបេះដូង លើសសម្ពាធឈាម ឬអ្នកដែលប្រឈមខ្ពស់នឹងជំងឺទាំងនេះ៕