អ្នកប្រហែលជាមិនធ្លាប់ដឹងទេថា បញ្ហាប្រតិកម្មអាឡែកហ្ស៊ីអាចត្រូវបានដោះស្រាយ និងទប់ស្កាត់យ៉ាងងាយដោយគ្រាន់តែទទួលទានអាហារមួយចំនួន? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលមានប្រសិទ្ធិភាពប្រយុទ្ធប្រឆាំងប្រតិកម្ម
អាឡែកហ្ស៊ី ៖
១. ផ្លែប៉ោម
នោះក៏ព្រោះតែផ្លែប៉ោមមានផ្ទុកសម្បូរទៅដោយសារធាតុ quercetin ដែលជួយទប់ស្កាត់ ក៏ដូចជាប្រយុទ្ធប្រឆាំងនឹងប្រតិកម្មអាឡែកហ្ស៊ីបានយ៉ាងប្រសើរ។
២. ខ្ទឹមស
ជាប្រភពដ៏ល្អបំផុត thromboxanes និង prostaglandins ដែលមានឥទ្ធិពលប្រយុទ្ធប្រឆាំងបញ្ហាប្រតិកម្មអាឡែកហ្ស៊ី។ ដូច្នេះអ្នកគួរទទួលទានខ្ទឹមសជាប្រចាំ។
៣. ទឹកឃ្មុំ
នោះក៏ព្រោះតែទឹកឃ្មុំមានផ្ទុកលក្ខណៈសម្បត្តិប្រឆាំងប្រតិកម្មអាឡែកហ្ស៊ី។ ដូច្នេះដើម្បីទប់ស្កាត់ ក៏ដូចជាដោះស្រាយបញ្ហាប្រតិកម្មអាឡែកហ្ស៊ីនោះ ចូរព្យាយាមទទួលទានទឹកឃ្មុំចំនួន ២ ស្លាបព្រាកាហ្វេក្នុងមួយថ្ងៃ។
៤. ត្រីសាលម៉ុន
ជាប្រភពដ៏ប្រសើរនៃអាស៊ីខ្លាញ់អូមេហ្គា ៣ ដែលប្រយុទ្ធប្រឆាំងការរលាក ដូចច្នេះវានឹងជួយសម្រាលអាការៈប្រតិកម្មអាឡែកហ្ស៊ី។
៥. ដំឡូងផ្អែម
មានផ្ទុកសារធាតុ beta-carotene ដែលជួយប្រយុទ្ធប្រឆាំងប្រតិកម្មអាឡែកហ្ស៊ីគួរអោយកត់
សម្គាល់។
៦. រមៀត
រមៀត ជាប្រភពនៃសារធាតុ curcumin ដែលប្រឆាំងការរលាក និងប្រតិកម្មអាឡែកហ្ស៊ី។ អ្វីដែលអ្នកត្រូវធ្វើ គឺគ្រាន់តែលាយម្ស៉ៅរមៀត ១ ស្លាបព្រាកាហ្វេក្នុងទឹកដោះគោក្ដៅៗ ១ កែវ កូរអោយសព្វ សឹមទទួលទានម្ដងក្នុងមួយថ្ងៃជាប្រចាំ៕