អជ្ញាធរខាងផ្នែកសុខាពិបាលបានបញ្ជាក់រួចហើយថា ការថត និងផូសរូបថតសេលហ្វីច្រើន មិនត្រឹមតែរំខានដល់គ្រួសារ និងមិត្តភក្តិទេ តែក៏ធ្វើឲ្យសុខភាពអ្នកប្រឈមនឹងគ្រោះថ្នាក់ដែរ ទាំងសុខភាពផ្លូវកាយ និងចិត្ត។ ប្រហែលជាវាមិនមានអ្វីខុសប្រក្រតីឡើយក្នុងការចែករំលែងរូបភាពសេលហ្វីទៅតាមបណ្តាញសង្គមមួយ ឬពីរក្នុងមួយសប្តាហ៍។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែវាអាចជារឿងខុសគ្នាដាច់បើសិនជាអ្នកមានអារម្មណ៍ថាថប់អារម្មណ៍ក្នុងការដែឡមិនបានផូសរូបសេលហ្វីរបស់ខ្លួនជាងរៀងរាល់ ១៥នាទីម្តង។ អ្នកជំនាញនិយាយថា ការដែលញៀននឹងការថតរូបសេលហ្វីច្រើនអាចប៉ះពាល់ដល់សុខភាពផ្លូវកាយ និងចិត្តយ៉ាងខ្លាំងបាន។ ខាងក្រោមនេះគឺជាការពិតមួយចំនួនក្នុងការដែលអ្នកមានទម្លាប់ញៀននឹងការចែករំលែងរូបសេលហ្វីរបស់ខ្លួនច្រើនៗតាមបណ្តាញសង្គម៖
ការរលាកឆ្អឹងកូយដៃខាងក្នុង
រឿងនេះកើតឡើងដោយសារតែអ្នកឧស្សាហ៍ប្រើដៃដើម្បីចុចទូរស័ព្ទថតសេលហ្វីពេក។ ករណីដែលចូលចិត្តធម្មតាៗមិនមែនជាបញ្ហាទេ តែបើសិនវាកើតឡើងជាលក្ខណៈខ្វះមិនបាន និងច្រើនជ្រុល វានឹងដាក់សម្ពាធកាន់តែខ្លាំងទៅលើសាច់ដុំនៅកូយដៃខាងក្នុងរហូតដល់មានការលាកជាមិនខាន។ ករណីបែបនេះអ្នកអាចដោះស្រាយបានជាមួយនឹងការប្រើដងថតសេលហ្វីជំនួសវិញ។
បាក់ទឹកចិត្ត
វាគ្មានអ្វីប្លែកឡើយដែលមនុស្សជាច្រើននៅលើពិភពលោកយើងនេះមានការចាប់អារម្មណ៍ខ្លាំងទៅលើមុខរបស់ខ្លួន ហើយថ្មីៗនេះតាមបណ្តាញសង្គម Instagram ក៏មានអ្នកថតរូបមុខខ្លួនឯងរាប់លាននាក់ផូសផងដែរ។ ណាមួយក្រុមហ៊ុនផលិតទូរស័ព្ទឆ្លាតវៃនាពេលបច្ចុប្បន្ននេះកំពុងតែព្យាយាមសម្រិតសម្រាងផលិតផលរបស់ខ្លួនដោយធ្វើយ៉ាងណាថតរូបសេលហ្វីបានស្អាត។ ហេតុដូច្នេះហើយវាអាចនឹងធ្វើឲ្យអ្នកប្រើប្រាស់ ជាពិសេសអ្នកញៀននឹងការថតសេលហ្វីងាយនឹងបាក់ទឹកចិត្ត កាលណាពួកគេថតរូបខ្លួនឯងមិនបានស្អាតដើម្បីផូសក្នុងបណ្តាញសង្គម។
ញៀន
ការថតសេលហ្វីច្រើនពេកអាចជារឿងពិតមួយដែលបញ្ជាក់អំពីសញ្ញានៃការញៀននឹងថតសេលហ្វី ហើយរឿងនេះអាចនឹងធ្វើឲ្យប៉ះពាល់ដល់ការងារប្រចាំថ្ងៃបាន។ កាលដែលញៀនបែបនេះ អាចធ្វើឲ្យអ្នកប្រើប្រឈមនឹងការឈប់ទៅរៀន និងចំណាយពេលកាន់តែច្រើនលើការថតរូបសេលហ្វីខ្លួនឯងឲ្យបានល្អបំផុត។ (អាន:ថ្នាំងងុយគេង ពេលអ្នកគួរប្រើ)ការញៀននេះមិនសូវខុសគ្នានឹងការញឿនគ្រឿងស្រវឹង ថ្នាំញៀន ល្បែក និងមើលរឿងអាសអាភាសដែរ៕