កូនចូលចិត្តញ៉ាំស្ករ និងទឹកក្រូច គួរតែចាត់ការបែបណា?

ខាងក្រោមនេះ Health.com.kh យើងខ្ញុំនឹងបង្ហាញអ្នកពីរបៀបក្នុងការឃាត់កុំឲ្យកូនញ៉ាំស្ករ និងទឹកក្រូចច្រើន។ តើមានអ្វីខ្លះទៅ?
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ទម្លាប់មួយនេះរបស់កូន គួរតែចាប់ផ្តើមផ្លាស់ប្តូរពីអ្នកទៅ ដោយអ្នកមិនគួរទិញនំ ស្ករគ្រាប់ និងទឹកក្រូចទុកក្នុងផ្ទះច្រើនឡើយ ព្រោះបើអ្នកទិញមកច្រើន ហើយកូនឃើញ គេនឹងអាចទារញ៉ាំជាមិនខានឡើយ។ នៅពេលដែលកូនទៅសាលា អ្នកមិនគួរឲ្យលុយកូនទៅចាយច្រើនឡើយ ព្រោះបើគេមានលុយច្រើនក្នុងដៃ នឹងអាចយកទៅទិញចំណីទាំងនេះញ៉ាំ ដោយធ្វើឲ្យប៉ះពាល់ដល់សុខភាពកូនជាខ្លាំង។ ជាពិសេស អ្នកគួរតែចម្អិនម្ហូបឲ្យកូនញ៉ាំឲ្យឆ្អែត ទើបទៅសាល។ ការធ្វើបែបនេះ អាចធ្វើឲ្យកូនឆ្អែត មិនមានអារម្មណ៍ចង់ទៅញ៉ាំស្ករគ្រាប់ ឬទឹកក្រូចឡើយ។ ចុងក្រោយ អ្នកគួរតែឲ្យកូនយកចំណីដែលអ្នកចម្អិនទៅសាលារៀនញ៉ាំ ព្រោះការធ្វើបែបនេះនឹងធ្វើឲ្យកូនគ្មានឱកាសក្នុងការទិញនំ ស្ករគ្រាប់ ឬទឹកក្រូចមកញ៉ាំនោះទេ៕
(អាន:ថ្នាំងងុយគេង ពេលអ្នកគួរប្រើ)