នៅស្រុកខ្មែរយើងទំនងជាមិនសូវមាននរណាបានឃើញ ឬទទួលទាន ផ្កាខាត់ណាពណ៌លឿងទេ។ តាមពិតទៅបើសិនជាអ្នកមានពេលទំនេរដើរទៅក្នុងហាងទំនើបធំៗប្រាកដជាប្រទះជាមិនខានឡើយ។ យ៉ាងណាមិញ វាមានរសជាតិមិនខុសគ្នានឹងផ្កាខាត់ណាយើងធម្មតាទេ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះ ខ្ញុំសូមបង្ហាញអត្ថប្រយោជន៍មួយចំនួនដែលផ្កាខាត់ណាពណ៌លឿងអាចផ្តល់ឲ្យចំពោះសុខភាពយើង៖

ពង្រឹងដល់សុខភាពភ្នែក

ផ្កាខាត់ណាពណ៌លឿងនឹងជួយបង្កើនចំនួនវីតាមីន A ក្នុងខ្លួន ដោយសារតែសារធាតុផ្តល់ពណ៌លឿងដល់រុក្ខជាតិនេះតែម្តង។  ដូច្នេះវានឹងផ្តល់ថាមពលដល់សុខភាពភ្នែកកាន់តែល្អជាងផ្កាខាត់ណាធម្មតាបាន។ ការដែលបញ្ចូលអាហារពណ៌លឿងនេះក្នុងរបបអាហារប្រចាំថ្ងៃ ក៏ជួយថែរក្សាភ្នែកកុំឲ្យមានជំងឺផ្សេងៗដូចជា ភ្នែកឡើងបាយ និងខ្វាក់មាន់ជាដើម។ 

ពង្រឹងដល់ប្រព័ន្ធភាពស៊ាំ

ក្រៅពីវីតាមីន A ផ្កាខាត់ណាពណ៌លឿងក៏មានវីតាមីន C ផងដែរ ដែលអាចជួយជំរុញដល់ប្រព័ន្ធភាពស៊ាំកាន់តែរឹងមាំ បើសិនជាញ៉ាំជាទៀងទាត់។ នៅពេលមានជំងឺផ្តាសាយ យកល្អគួរតែព្យាយាមញ៉ាំអាហារបែបនេះឲ្យបានច្រើន នោះនឹងឆាប់ជាដែរ។ 

ផ្តល់ភាពស្រស់ស្អាតដល់ស្បែក និងស្នាមញញឹម

វីតាមីន C ក៏សំខាន់ក្នុងការថែរក្សាភាពញញឹមរបស់អ្នកដែរ។ វីតាមីន C សំខាន់សម្រាប់សុខភាពអញ្ចាញធ្មេញ ដែលអាចជួយថែរក្សាសម្រស់របស់ធ្មេញកាន់តែល្អថែមមួយកម្រិតទៀត។ វីតាមីន C ក៏ជួយធ្វើឲ្យស្បែកមើលទៅស្រស់ស្អាត ដោយសារតែវាជួយប្រឆាំងនឹងរ៉ាឌីកាលសេរី ព្រមទាំងជំរុញដល់ការផលិតកូឡាជែនដល់ស្បែកកាន់តែច្រើន។ 

បន្ថយការប្រឈមនឹងការលើសសម្ពាធឈាម

ការញ៉ាំផ្កាខាត់ណាពណ៌លឿង ក៏ទទួលបានជាតិប៉ូតាស្យូមច្រើនដែរ។ ជាមួយគ្នានឹងប្រភពនៃជាតិសរសៃថែមទៀតនោះ ផ្កាខាត់ណាពណ៌លឿងអាចជួយបន្ថយការកើតជំងឺបេះដូង គាំងបេះដូង និងដាច់សរសៃឈាមខួរក្បាលបានយ៉ាងល្អ។ 

ពង្រឹងដល់ប្រព័ន្ធរំលាយអាហារ

និយាយដល់ជាតិសរសៃ កាលណាដែលញ៉ាំបានទៀងទាត់ពីផ្កាខាត់ណានេះ វានឹងជួយបង្កើនសុខភាពដល់ប្រព័ន្ធរំលាយយ៉ាងម៉ាអ៊ែម នេះដោយសារតែជាតិសរសៃនឹងជំរុញដល់ការផលិតអង់ស៊ីមរំលាយអាហារ បូករួមនឹងបាក់តេរីល្អៗថែមទៀត។ ជាតិសរសៃនឹងជួយការពារមិនឲ្យមានបញ្ហាទល់លាមកផងដែរ។ 

ច្រោះជាតិពុលក្នុងរាងកាយ

ថ្វីបើវាមានពណ៌ខុសគេក៏ដោយ តែផ្កាខាត់ណាពណ៌លឿងនេះនៅតែជាអាហារជំរុញដល់ការបន្សាបជាតិពុលយ៉ាងអស្ចារ្យសម្រាប់រាងកាយមនុស្សយើង។ (អាន:ថ្នាំងងុយគេង ពេលអ្នកគួរប្រើ)អត្ថប្រយោជន៍របស់បន្លែមួយនេះក៏មិនសូវខុសគ្នានឹងស្ពៃក្តោប និងប្រូខូលីប៉ុន្មានឡើយក្នុងការកំចាត់ជាតិពុលពីក្នុងរាងកាយ៕