តម្រងនោមដើរតួនាទីយ៉ាងសំខាន់នៅក្នុងការរក្សាសុខភាពរាងកាយល្អប្រសើរ។ វាជួយផលិតកោសិកាគ្រាប់ឈាមក្រហម, គ្រប់គ្រងកម្រិតនៃសម្ពាធឈាម, បន្សាបជាតិពុលសរីរាង្គខាងក្នុង, បញ្ចេញជាតិទឹក ឬសារធាតុរាវដែលលើស, បញ្ចេញកាកសំណល់តាមរយៈទឹកនោម, ច្រោះឈាម, ផលិតអ័រម៉ូន និងគ្រប់គ្រងកម្រិតនៃជាតិរ៉ែចាំបាច់ទាំងអស់ក្នុងឈាម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទាំងនេះហើយជាមូលហេតុដែលអ្នកគួរព្យាយាមធ្វើយ៉ាងណាកាត់បន្ថយហានិភ័យនៃជំងឺតម្រងនោមដោយជៀសវាងការទទួលទានអាហារមួយចំនួនជាបន្ទាន់ និងជំនួសដោយអាហារដែលល្អសម្រាប់សុខភាពតម្រងនោមវិញ។ ថាតើអាហារអ្វីខ្លះទៅដែលជួយលាងសម្អាត និងថែរក្សាតម្រងនោម? ខាងក្រោមវេបសាយសុខភាព Health.com.kh នឹងបង្ហាញឲ្យដឹងពីអាហារដែលគួរទទួលទានឱ្យបានច្រើន ប្រសិនបើចង់រក្សាបាននូវសុខភាពតម្រងនោមល្អប្រសើរ ៖
១. ផ្លែប៉ោម
ជាប្រភពដ៏ល្អបំផុតមួយនៃជាតិសសៃដែលមានប្រសិទ្ធិភាពកម្ចាត់ជាតិពុលពីបំពង់រំលាយអាហារនៅមុនពេលរាងកាយ ហើយដំណើរការនេះជួយសម្រាលបន្ទុកលើតម្រងនោម។ ផ្លែប៉ោមក៏ជួយកាត់បន្ថយកម្រិតកូឡេស្តេរ៉ូល និងការរលាកផ្សេងៗក្នុងរាងកាយផងដែរ។
២. ត្រីសម្បូរខ្លាញ់
ប្រូតេអ៊ីន គឺសំខាន់ណាស់មិនត្រឹមតែចំពោះសាច់ដុំរឹងមាំប៉ុណ្ណោះទេ ប៉ុន្តែក៏សម្រាប់សុខភាពតម្រងនោមល្អប្រសើរផងដែរ។ ប្រភពដ៏ល្អបំផុតនៃប្រូតេអ៊ីន គឺត្រីសម្បូរខ្លាញ់ រួមមានត្រីធូណា, ត្រីសាលម៉ុន, ត្រីសាឌីន, ត្រី mackerel, ត្រី herringជាដើម។ ត្រីសម្បូរខ្លាញ់ក៏មានផ្ទុកបរិមាណខ្ពស់នៃអាស៊ីតខ្លាញ់អូមេហ្គា ៣ ដែលមានប្រយោជន៍មិនមែនតែសម្រាប់រក្សាសុខភាពសសៃឈាមបេះដូងឡើយ ប៉ុន្តែក៏ប្រសើរចំពោះតម្រងនោមគួរអោយកត់សម្គាល់។
៣. ខ្ទឹមសខ
ជាឱសថបែបធម្មជាតិដ៏មានប្រសិទ្ធិភាពខ្ពស់បំផុតមួយជួយព្យាបាលបញ្ហាផ្សេងៗនៃតម្រងនោម។
ខ្ទឹមសក៏ជាប្រភពដ៏ប្រសើរនៃសារធាតុ allicin ដែលជួយក្នុងការសម្អាតតម្រងនោមបានយ៉ាងប្រសើរ រួមជាមួយនឹងលក្ខណៈសម្បត្តិប្រឆាំងការរលាក, សម្លាប់មេរោគបាក់តេរី និងកម្ចាត់រោគផ្សិត។
៤. ខ្ញី
សារធាតុ Gingerols នៃខ្ញី គឺជាភ្នាក់ងារប្រឆាំងមេរោគបាក់តេរីជួយរារាំងការរីករាលដាលនៃពពួកបាក់តេរីក្នុងតម្រងនោម។
៥. បន្លែបៃតង
ជាប្រភពដ៏ប្រសើរនៃសារធាតុ folate, វីតាមីន C, វីតាមីន K, ជាតិសសៃ និងសារធាតុចិញ្ចឹម phytonutrients ដែលជួយកាត់បន្ថយសម្ពាធឈាម ព្រមទាំងភាពតានតឹងលើតម្រងនោម, ប្រយុទ្ធប្រឆាំងការរលាក, រក្សាតុល្យភាពនៃជាតិស្ករក្នុងឈាម, បង្កើនការផលិតទឹកនោម ហើយក៏លាងសម្អាតតម្រងនោមគួរអោយកត់សម្គាល់ផងដែរ។
៦. ម្ទេសផ្លោកក្រហម
មានផ្ទុកសម្បូរទៅដោយសារធាតុប្រឆាំងអុកស៊ីតកម្ម lycopene ដែលល្អសម្រាប់សុខភាពតម្រងនោម។ សារធាតុ lycopene ក៏មានលក្ខណៈសម្បត្តិប្រឆាំងនឹងជំងឺមហារីកដែលជួយ
ទប់ស្កាត់កាត់បន្ថយហានិភ័យនៃជំងឺមហារីកតម្រងនោមផងដែរ៕