ជំងឺសសៃឈាមបេះដូងកើនឡើងជាលំដាប់មកទល់សព្វថ្ងៃនេះ ហើយកត្តាហានិភ័យចម្បងមួយនៃជំងឺនេះបណ្ដាលមកពីការកើនឡើងនូវកូឡេស្តេរ៉ូលខ្ពស់ក្នុងឈាម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែកុំបារម្ភ! ក៏ព្រោះអ្នកអាចទប់ស្កាត់ និងបញ្ចុះកូឡេស្តេរ៉ូលដោយគ្រាន់តែទទួលទានអាហារ និងភេសជ្ជៈមួយចំនួន។ ថាតើបន្លែផ្លែឈើទាំងនោះមានអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារ និងភេសជ្ជៈដែលមានប្រសិទ្ធិភាពបញ្ចុះកម្រិតកូឡេស្តេរ៉ូលមិនល្អ ហើយទប់ស្កាត់ជំងឺសសៃឈាមបេះដូង ៖
១. គ្រាប់ធញ្ញជាតិ
ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ និងអាស៊ីតខ្លាញ់ល្អ monounsaturated ដែលជួយកាត់បន្ថយកម្រិតនៃជាតិកូឡេស្តេរ៉ូលគួរអោយកត់សម្គាល់។ គ្រាប់ធញ្ញជាតិក៏មានប្រសិទ្ធិភាពកាត់បន្ថយការរលាក និងធ្វើអោយមុខងារសសៃឈាមក្នុងរាងកាយកាន់តែមានលក្ខណៈប្រសើរឡើងផងដែរ។
២. ប្រេងអូលីវ
មានផ្ទុកសម្បូរទៅដោយអាស៊ីតខ្លាញ់ល្អដែលជួយកាត់បន្ថយការរលាក ក៏ដូចជាកម្រិតកូឡេស្តេរ៉ូលទប់ស្កាត់ហានិភ័យនៃបញ្ហាស្ទះសសៃឈាម។
៣. ស្រាក្រហម
ការទទួលទានស្រាក្រហមត្រឹម ១កែវ នៅពេលយប់ជាប្រចាំអាចកាត់បន្ថយកម្រិតនៃកូឡេស្តេរ៉ូលបានយ៉ាងប្រសើរ ដោយស្រាក្រហមមានផ្ទុកសារធាតុ Tempranillo។
៤. ទឹកក្រូចស្រស់
ជាប្រភពដ៏ល្អបំផុតមួយនៃវីតាមីន C, ម៉ាញ៉េស្យូម, សារធាតុ folate, វីតាមីន B, វីតាមីន A និងប៉ូតាស្យូមដែលជួយគ្រប់គ្រងកម្រិតនៃជាតិកូឡេស្តេរ៉ូលទប់ស្កាត់ហានិភ័យនៃបញ្ហាសសៃឈាម និងជំងឺបេះដូង។ ដូច្នេះចូរទទួលទានទឹកក្រូចស្រស់ជាប្រចាំ។
៥. ខ្ទឹមបារាំង និងខ្ទឹមស
មានផ្ទុកសម្បូរទៅដោយសារធាតុ flavonoid quercetin ដែលជួយទប់ស្កាត់ ក៏ដូចជាកាត់បន្ថយកម្រិតនៃកូឡេស្តេរ៉ូលមិនល្អក្នុងឈាមបានយ៉ាងប្រសើរ។ លើសពីនេះទៅទៀត ខ្ទឹមបារាំង ក៏ជាប្រភពនៃសារធាតុ sulphides ដែលជួយកាត់បន្ថយហានិភ័យនៃជំងឺមហារីកក្រពះ និងពោះវៀនធំផងដែរ។ រីឯខ្ទឹមសវិញ ជួយរក្សាសុខភាពសសៃឈាមបេះដូងល្អប្រសើរ ដោយវាមានផ្ទុកសារធាតុប្រឆាំងអុកស៊ីតកម្ម និងការរលាកដែលជួយកាត់បន្ថយបញ្ហារលាកផ្សេងៗក្នុងសសៃឈាម ក៏ដូចជាកម្រិតនៃកូឡេស្តេរ៉ូលមិនល្អ ព្រមទាំងទប់ស្កាត់ការបំផ្លាញដល់ជញ្ចាំងខាងក្នុងនៃសសៃឈាមផងដែរ។
៦. សូកូឡាខ្មៅ
សូកូឡាខ្មៅ ក៏ជាប្រភេទនៃអាហារដែលល្អសម្រាប់សុខភាពបេះដូង និងកាត់បន្ថយទប់ស្កាត់ការកើនឡើងនូវកម្រិតកូឡេស្តេរ៉ូលផងដែរ។ សូកូឡាខ្មៅ មានផ្ទុកនូវសមាសធាតុម្យ៉ាងហៅថា flavonol ដែលជួយបង្កើនសុខភាពបេះដូង និងកាត់បន្ថយហានិភ័យនៃជំងឺបេះដូងផ្សេងៗ។ ប៉ុន្តែត្រូវប្រាកថា អ្នកបានជ្រើសរើសទទួលទាននូវសូកូឡាដែលផ្សំឡើងពីកាកាវ ៧០ ភាគរយ និងមិនទទួលទានច្រើនលើសពេកត្រឹម ១ ឬ២ ចំណិតជាប្រចាំបានហើយ៕