ការញ៉ាំអាហារមានកាឡូរីច្រើនៗ និងការរស់នៅគ្មានភាពសកម្ម សុទ្ធតែជាមូលហេតុច្បាស់លាស់មួយធ្វើឲ្យមនុស្សគ្រប់គ្នាឡើងទម្ងន់។ ប៉ុន្តែហេតុអ្វីបានជាមនុស្សមួយចំនួននៅតែឡើងទម្ងន់ទៀតទោះបីជាពួកគេញ៉ាំអាហារដោយប្រុងប្រយ័ត្នហើយ ឬមានទម្លាប់ហាត់ប្រាណជាប្រចាំហើយ? មែនហើយ រឿងនេះអាចកើតឡើងដោយសារតែហេតុផលមួយចំនួនដែលធ្វើឲ្យឡើងទម្ងន់ដោយមិនដឹងខ្លួន ហើយមិនសូវមាននរណាដឹងឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តើមានអ្វីខ្លះទៅជាហេតុផលអាថ៌កំបាំង?
បន្លែ និងផ្លែឈើមិនមែនសរីរាង្គ
របបអាហារប្រចាំថ្ងៃរបស់អ្នក ថ្វីបើមានបន្លែ និងផ្លែឈើទាំងអស់មែន ប៉ុន្តែមិនមានន័យថា វានឹងជួយឲ្យអ្នកស្រកទម្ងន់ទាំងអស់ឡើយ បើសិនជាបន្លែ និងផ្លែឈើទាំងនោះមិនមែនជាសរីរាង្គទេ ឬជាអាហារមានជាតិគីមី។ សារធាតុគីមីដែលមានលក្ខណៈសម្លាប់សត្វល្អិត នឹងទៅរំខានដល់ប្រព័ន្ធបញ្ចេញក្នុង រហូតដល់ធ្វើឲ្យអតុល្យភាពអ័រម៉ូនក្នុងខ្លួន ហើយក៏ជាដើមហេតុនាំឲ្យឡើងទម្ងន់ដោយមិនដឹងខ្លួនផងដែឬ។
អាហារមានជាតិខ្លាញ់ទាប ឬគ្មានជាតិខ្លាញ់
អ្នកជំនាញនិយាយថា ការញ៉ាំអាហារមានជាតិខ្លាញ់ទាប និងគ្មានជាតិខ្លាញ់សោះ អាចធ្វើឲ្យអ្នករីករាយ។ ថ្វីបើវាពិតជារឿងល្អមួយដែលធ្វើឲ្យអ្នកទទួលបានជាតិខ្លាញ់តិចតួចពីអាហារក៏ដោយ តែវាពិតជាមិនអាចធ្វើឲ្យអ្នកញ៉ាំឆ្ងាញ់បានឡើយ។ ជាធម្មតាជាតិខ្លាញ់ជាសារជាតិជួយឲ្យមានអារម្មណ៍ថាឆ្ងាញ់។ ដូច្នេះករណីដែលញ៉ាំមិនបានឆ្ងាញ់ទេ អ្នកពិតជាងាយនឹងញ៉ាំច្រើនជ្រុលជាមិនខាន។
មិនបានញ៉ាំអាហារ
បើសិនជាអ្នកគិតថា ការនៅឆ្ងាយពីអាហារអាចធ្វើឲ្យអ្នកឆាប់ស្គមមែននោះ ចូរគិតម្តងទៀតទៅ ព្រោះថាការមិនបានញ៉ាំគ្រប់គ្រាន់អាចធ្វើឲ្យអ្នកកាន់តែពីបាកសម្រកទម្ងន់ថែមទៀត។ យើងទាំងអស់គ្នាដឹងហើយថា កាលណារាងកាយមានការពិបាករំលាយអាហារ វាកាន់តែពិបាកដល់ការសម្រកទម្ងន់ជាពិសេសពេលមិនញ៉ាំអាហារតែម្តង។
កំពុងតែស្រ្តេសខ្លាំងពេក
ហេតុផលពីរយ៉ាងដែលស្រ្តេសធ្វើឲ្យមនុស្សកាន់តែធាត់។ ទីមួយ ស្រ្តេសច្រើនអាចរំខានដល់តុល្យភាពអ័រម៉ូន និងបង្កជាការឡើងទម្ងន់។ ទីពីរ ការដែលស្រ្តេសជាប់រហូតអាចធ្វើឲ្យជាតិស្ករក្នុងឈាមឡើងខ្ពស់ ហើយក៏នឹងធ្វើឲ្យឃ្លានតែរបស់មានកាឡូរីខ្ពស់ និងខ្លាញ់ខ្ពស់តែម្តង។
គេងមិនបានគ្រប់គ្រាន់នៅពេលយប់
តើអ្នកចូលចិត្តកម្មវិធីជប់លៀងទេ ឬកំពុងតែជួបបញ្ហាគេងមិនលក់ដោយសារតែស្រ្តេស ឬថប់អារម្មណ៍ទេ? ដូច្នេះវាពិតជាគ្មានអ្វីភ្ញាក់ផ្អើលឡើយដែលអ្នកជួបបញ្ហាឡើងទម្ងន់ ដោយសារតែគេងមិនបានគ្រប់ពី ៧ ទៅ ៩ម៉ោងនោះ។ (អាន:ថ្នាំងងុយគេង ពេលអ្នកគួរប្រើ)នេះដោយសារតែ ការគេងអាចធ្វើឲ្យរាងកាយរក្សាតុល្យភាពអ័រម៉ូនបាន ព្រមទាំងគ្រប់គ្រងការឃ្លានបានយ៉ាងល្អ។ ប៉ុន្តែវានឹងមានបញ្ហាបញ្ច្រាស់វិញបើសិនជាការគេងមិនបានគ្រប់គ្រាន់៕