ភ្នំភ្លើង Kilauea នៅកោះហាវ៉ៃបានផ្ទុះបាញ់ត្បូងពណ៌បៃតងដ៏មួយតម្លៃយ៉ាងច្រើនពាសពេញផ្លូវ និងឆ្នេរខ្សាច់នៅលើកោះ។
ត្បូងទាំងនោះ ត្រូវបានគេរកឃើញនៅក្នុងថ្មភ្នំភ្លើង និងដីជុំវិញកោះហាវ៉ៃដែលវាត្រូវបានបាញ់ចេញពីបន្ទុះភ្នំភ្លើង Kilauea។ អ្នករស់នៅក្នុងតំបន់មួយចំនួន បាននាំរើសត្បូងទាំងនេះពីតាមផ្លូវ និងឆ្នេរខ្សាច់ហើយរក្សាទុកដោយសារតែវាជារបស់មានតម្លៃ។ យោងតាមបុរសម្នាក់ឲ្យដឹងថា ត្បូងនេះត្រូវបានគេប្រើប្រាស់សម្រាប់គ្រឿងអលង្ការហើយវាអាចមានតម្លៃដល់ ៤៥០ ដុល្លារឯណោះក្នុងមួយការ៉ាត់។
គួរឲ្យដឹងថា កាលពីថ្ងៃទី៥ ខែឧសភា ឆ្នាំ២០១៨ អាជ្ញាធររដ្ឋហាវ៉ៃ បានប្រកាសអាសន្នខ្ពស់បន្ទាប់ពីភ្នំភ្លើង Kilauea បានព្រួសកម្អែភ្នំភ្លើងទៅតំបន់ប្រជាជនដោយបានបង្ខំឱ្យមនុស្សរាប់រយនាក់ត្រូវជម្លៀសចេញ៕
ប្រភព៖ sabay.com.kh