ឪពុកចិនម្នាក់នេះសុខចិត្តតែងខ្លួនជា “កូនក្រមុំ” ប្រគល់ឱ្យនរណាក៏បានឱ្យតែអាចជួយចេញលុយព្យាយាលជំងឺមហារីកកូនស្រីរបស់គាត់។
លោក គូ អានឈួន គឺជាជាងឈើអាយុ ៤៥ ឆ្នាំមកពីទីក្រុងជីកុង ខេត្តស៊ីឈាន់ និងបានតស៊ូលំបាកអស់រយៈពេល ៥ ឆ្នាំហើយដើម្បីរ៉ាប់រងលើថ្លៃពេទ្យសម្រាប់ព្យាបាលជំងឺកូនស្រីអាយុ ៩ ឆ្នាំឈ្មោះ គូ យូទីង។ នេះបើតាមវេបសាយ Cover News ផ្សាយតាមរយៈកាសែតអនឡាញ The South China Morning Post កាលពីថ្ងៃទី ៩ ខែមិថុនា។
យូទី ត្រូវបានធ្វើរោគវិនិច្ឆ័យឃើញកើតជំងឺមហារីកឈាមធ្ងន់ធ្ងរ កាលពីឆ្នាំ ២០១៣។ ជំងឺនេះធ្វើឱ្យខួរឆ្អឹងរបស់នាងផលិតកោសិកាឈាមសច្រើនពេក។
តាំងពីពេលនោះមក លោកអានឈួនបានខ្ចីលុយជាង ២០ម៉ឺនយ័ន (៤១.៨០៥ ដុល្លារអាមេរិក) ពីសាច់ញាតិរបស់គាត់ ដែលចំនួនទឹកប្រាក់សម្រាប់រ៉ាប់រងការព្យាបាលដោយវិធីសាស្ត្រគីមីបានចំនួន ៨ លើក។ នាងហាក់ដូចជាធូរស្បើយបានច្រើន បន្ទាប់ពីការព្យាបាល ប៉ុន្តែចាប់ផ្តើមលាប់ជំងឺជាថ្មីម្តងទៀតនៅដើមឆ្នាំ ២០១៨។ ចាប់តាំងពីពេលនោះមក លោកអានឈួនពិបាកដើរខ្ចីលុយគេណាស់ ដូច្នេះគាត់បានសម្រេចចិត្តធ្វើជាកូនក្រមុំបម្រើគេតាមផ្ទះ សម្រាប់អ្នកដែលមានបំណងបង់លុយឱ្យគាត់។
លោកអានឈួន និយាយថា “ភាពថ្លៃថ្នូរគឺគ្មានន័យអ្វីទាំងអស់សម្រាប់ខ្ញុំ។ ខ្ញុំនឹងធ្វើអ្វីៗគ្រប់យ៉ាងដែលខ្ញុំអាចធ្វើបាន ដើម្បីជួយសង្គ្រោះកូនរបស់ខ្ញុំ”៕
ប្រភព៖ rasmeinews.com