ដូចប្រិយមិត្តបានដឹងហើយកាលពីម្សិលមិញនេះ កូនប្រុសថៅកែល្ខោន ភី សុគន្ធធី ដែលជាអតីតគូដណ្ដឹង កញ្ញា នីឡា បានភ្ជាប់ពាក្យជាមួយស្រីថ្មីហើយ ដែលមានសម្រស់មិនចាញ់តារាឡើយ។ លោក សុវណ្ណរិទ្ធី ហៅ តាវ៉ិចទ័រ ដែលជាមិត្តភ័ក្ដិជិតស្និទ្ធជាមួយថៅកែល្ខោន ភី សុគន្ធធី ហើយដល់ថ្នាក់ធ្វើដន្លងជាមួយគ្នា តែមិនបានសម្រេចនោះ បានថ្លែងឲ្យដឹងថា លោកគ្មានអ្វីក្រៅពីជូនពរឲ្យអ្នកទាំង២ឲ្យទទួលបានភាពសុខសាន្តចម្រុងចម្រើនក្នុងជីវិតជារៀងរហូត។
លោក សុវណ្ណរិទ្ធី ហៅ តាវ៉ិចទ័រ
អ្នកដឹកនាំក្រុមកំប្លែងល្បីឈ្មោះរូបនេះ បានបន្តឲ្យដឹងថា ទោះបីជា លោក ផន រង្សី អតីតគូដណ្ដឹងកូនស្រីរបស់លោក បានភ្ជាប់ពាក្យជាមួយអ្នកថ្មីក៏ពិតមែន ក៏មិនអាចកាត់ផ្ដាច់ទំនាក់ទំនងរវាងគ្រួសារលោក និងថៅកែល្ខោន ភីសុគន្ធធី ដែលរក្សាជាច្រើនឆ្នាំមកហើយនោះទេ គឺនៅតែរក្សាទំនាក់ទំនងល្អដដែល។
នីឡា កូនស្រីលោក សុវណ្ណរិទ្ធី ហៅ តាវ៉ិចទ័រ
រឿងអនាគត នីឡា បន្តទៀត នឹងត្រូវរៀបចំបែបណានោះ លោក សុវណ្ណរិទ្ធី បានប្រាប់យ៉ាងខ្លីថា គឺគ្មានអ្វីពិបាកនោះទេ ព្រោះកូនស្រីរបស់លោកមានអាណាព្យាបាលគ្រប់គ្រង រាល់ការធ្វើអ្វីស្ថិតនៅក្រោមការគ្រប់គ្រងរបស់ឪពុកម្ដាយ។ “ចំពោះអនាគតកូនស្រីខ្ញុំ វាងាយស្រួលទេប្អូន ព្រោះថាកូនខ្ញុំវាមានសំបុក វាមានអ្នកឃុំគ្រង អីចឹងកូនខ្ញុំធ្វើអី គឺស្ថិតការគ្រប់គ្រងឪពុកម្ដាយ” តាវ៉ិចទ័រ លើកឡើង។
លោក ផន រង្សី និងគូដណ្តឹង កញ្ញា ហ៊ុន អាប៉ូ (រូបភាពពីហ្វេសប៊ុក DaraVuth Deb)
លោក ផន រង្សី និង នីឡា បានផ្ដាច់កាលថ្ងៃទី១៩ ខែ ឧសភា ឆ្នាំ២០១៦ កន្លងទៅ ហើយបានផ្ដាច់ពាក្យវិញកាល អំឡុងឆ្នាំ២០១៧ ក្រោមហេតុផលមិនចុះសម្រុងគ្នា។ ។ កូនប្រុសថៅកែល្ខោនល្បីឈ្មោះប្រចាំខេត្តតាកែវរូបនេះបានភ្ជាប់ពាក្យហើយនៅកាលពីម្សិលមិញនេះ ជាមួយកញ្ញា ហ៊ុន អាប៉ូ ជាអ្នកលក់ផលិតផលតាម Online និងជានិស្សិតឆ្នាំទី៤ ផ្នែកគណនេយ្យ។ គូដណ្ដឹងលោក ផន រង្សី ជាកូនអ្នកភ្នំពេញ ហើយអ្នកទាំងពីរគ្រោងចូលរោងការនៅ ខែមីនា ឆ្នាំ ២០១៩ ខាងមុខនេះ៕
ប្រភព៖ sabay.com.kh