ខាងក្រោមនេះ យើងខ្ញុំនឹងបង្ហាញអ្នកពីអត្ថប្រយោជន៍នៃតែក្រហមដែលអ្នកអាចទទួលបានក្រោយពេលដែលពិសារ។ តើមានអ្វីខ្លះទៅ?

1. នៅពេលដែលអ្នកពិសារតែក្រហមរួច វានឹងជួយធ្វើឲ្យអ្នកនោមច្រើន។ ដូចនេះ ជាតិពុលដែលមានក្នុងរាងកាយអ្នក នឹងអាចបញ្ចេញមកក្រៅអស់តាមរយៈទឹកនោមរបស់អ្នក។ ជាពិសេស សារធាតុប្រៃដែលមានច្រើនក្នុងរាងកាយអ្នក នឹងអាចបញ្ចេញមកក្រៅអស់ ដោយធ្វើឲ្យសម្ពាធឈាមអ្នកមិនងាយឡើងឡើយ។

2. ក្រោយពេលដែលអ្នកញ៉ាំតែក្រហមរួច វានឹងជួយសម្លាប់មេរោគទាំងឡាយក្នុងរាងកាយអ្នក ដោយមិនធ្វើឲ្យអ្នកងាយប្រឈមមុខនឹងជំងឺផ្សេងៗយ៉ាងងាយឡើយ។ ជាពិសេស ក៏អាចធ្វើឲ្យរបួសអ្នកឆាប់ជាផងដែរ។

3. នៅពេលដែលអ្នកមានអារម្មណ៍ថាហត់នឿយ អ្នកអាចពិសារតែក្រហមនេះបាន នោះវានឹងធ្វើឲ្យអ្នកមានអារម្មណ៍ស្រស់ស្រាយឡើងវិញបាន។ ជាពិសេស តែក្រហមនេះ នឹងអាចជួយបង្កើនការចងចាំរបស់អ្នក មិនងាយធ្វើឲ្យអ្នកភ្លេចនោះទេ។

4. តែក្រហមនេះ នឹងជួយធ្វើឲ្យក្រពះ និងពោះវៀនអ្នកដំណើរការល្អ ជួយពន្យារភាពចាស់ ជួយបញ្ចុះជាតិស្ករ ជួយបញ្ចុះសម្ពាធឈាម ថែមទាំងជួយការពារអ្នកមិនឲ្យប្រឈមមុខនឹងជំងឺមហារីកឡើយ។ ដូចនេះ អ្នកអាចប្រើតែក្រហមនេះមកធ្វើជាភេសជ្ជៈបាន នោះអ្នកនឹងអាចទទួលបានប្រយោជន៍យ៉ាងច្រើនចូលមក៕