ស្ត្រីថៃម្នាក់ជួបថ្ងៃស៊យដោយខ្មៅដៃគូរចិញ្ចើមចាក់ចូលក្នុងភ្នែករបស់នាងក្នុងពេលផាត់ម្សៅនិងគូរចិញ្ចើមនៅកៅអៅក្រោយនៃរថយន្តតាក់ស៊ី ពេលវាបុកគូថរថយន្តនៅពីមុខ។
អ្នកដំណើរ វ័យខ្ទង់២០ឆ្នាំ បានកំពុងអង្គុយនៅកៅអីក្រោយនៃរថយន្តតាក់ស៊ីនៅលើផ្លូវក្រុងបាងកកដែលស្ទះចរាចរណ៍និងកំពុងគូរចិញ្ចើមក្នុងពេលធ្វើដំណើរទៅជួបមិត្តភ័ក្តិ។តែអ្នកបើកតាក់ស៊ី បានបុកគូថរថយន្តពិអាប់នៅពីមុខ ជាហេតុនាំអោយស្ត្រីរងគ្រោះហក់ទៅមុខទាំងមិនដឹងខ្លួនហើយជង់នឹងខ្មៅដៃដែលដាក់ជាប់នឹងភ្នែកស្រាប់។
ខ្មៅដៃបានបុកចូលភ្នែកឆ្វេងរបស់នាងដោយចៃដន្យ តែខុសផ្នែកសំខាន់នៃភ្នែករបស់នាងពោលមិនប៉ះពាល់ប្រស្រីភ្នែកទេ។
ស្ត្រីដែលសុំមិនបញ្ចេញឈ្មោះនេះ នៅដឹងស្មារតីពេលត្រូវបានបញ្ជូនទៅកាន់មន្ទីរពេទ្យ កន្លែងដែលពេទ្យបានដកខ្មៅដៃចេញពីភ្នែករបស់នាង។
នេះបានជាការព្រមានដល់ស្រីៗកុំគូរចិញ្ចើមធ្វើមុខពេលរថយន្តកំពុងបើកដោយសារគ្រោះថ្នាក់មើលមិនឃើញ៕
ប្រភព៖ rasmeinews.com
