ស្នេហាគឺជារឿងដែលស្មុគស្មាញបំផុត ព្រោះអ្នកមិនអាចមើលដឹងពីចិត្តរបស់សង្សារអ្នកឡើយ ជួនកាលគេនៅជាមួយអ្នកដោយសារតែអាណិតអ្នកប៉ុណ្ណោះ តាមពិតចិត្តរបស់គេមិនស្រលាញ់អ្នកឡើយ ដូចនេះតើគួរតែមើលដូចម្តេចទើបដឹងថា ព្រោះតែអាណិត ហើយចិត្តមិននៅលើអ្នកនោះ?

1. គេមិនចង់ឲ្យអ្នកដទៃដឹងពីទំនាក់ទំនងរវាងអ្នក និងគេឡើយ ដោយគេមិនណែនាំប្រាប់មិត្តរបស់គេ ថែមទាំងមិនចង់ដាក់នៅក្នុងហ្វេសបុកឲ្យអ្នកដទៃឃើញ និងដឹងពីទំនាក់ទំនងមួយនេះទេ។

2. គេតែងតែមានអារម្មណ៍ថា មិនដឹងគួរតែល្អចំពោះអ្នក ឬអាក្រក់ចំពោះអ្នក ដូចនេះនៅចំពោះមុខអ្នក ជួនគេធ្វើល្អ ជួនគេមិនរវល់នឹងអ្នកក៏មាន ជួនគេផ្ញើសារឲ្យអ្នក ជួយគេមិនតបសាររបស់អ្នកក៏មានដែរ។

3. គេតែងតែនឹកគិតជារៀងរាល់ថ្ងៃថាតើពេលណាជាពេលវេលាដែលស័ក្តិសមក្នុងការបែកគ្នា ព្រោះគេមិនចង់បន្តមនោសញ្ចេតនានេះទៀតទេ ដោយសារតែគេមិនស្រលាញ់អ្នក។

4. នៅពេលដែលគេថើបអ្នកដោយគ្មានអារម្មណ៍ នោះបញ្ជាក់ថាគេមិនស្រលាញ់អ្នកទេ តែគេគ្រាន់តែមិនចង់ឲ្យអ្នកមើលដឹងថាគេមិនស្រលាញ់អ្នកប៉ុណ្ណោះ។

5. នៅពេលដែលគេណាត់ជួបជាមួយអ្នក គេនៅមិនស្ងៀមឡើយ គេតែងតែមើលនាឡិកា ហើយចង់ត្រឡប់ទៅផ្ទះវិញជានិច្ច។

6. នៅពេលដែលមិត្តរបស់គេសួរគេថា គេស្រលាញ់អ្នកឬទេ ចម្លើយរបស់គេមានតែមួយម៉ាត់ប៉ុណ្ណោះ នោះគឺអ្នកល្អចំពោះគេណាស់ ដោយមិនបញ្ចេញពាក្យថាស្រលាញ់ឡើយ នោះអាចបញ្ជាក់បានថា គេមិនស្រលាញ់អ្នកទេ៕