ដបព័រសឺឡែនរាងមូលដូចព្រះចន្ទដ៏កម្រ ដែលជាកម្មសិទ្ធិរបស់អធិរាជឈានឡុង ក្នុងសតវត្សទី ១៨ ត្រូវបានលក់ក្នុងតម្លៃ ៤,៨ លានដុល្លារអាមេរិក បន្ទាប់ពីសង្គ្រាមដេញថ្លៃមួយនៅឯការលក់ដេញថ្លៃនៅក្នុងប្រទេសបារាំង កាលពីថ្ងៃអាទិត្យទី១០មិថុនា។
ដបព័រសឺឡែនពណ៌ខៀវលាយសអាយុជាង ២០០ ឆ្នាំនេះត្រូវបានទិញដោយស្ត្រីជនជាតិបារាំងម្នាក់ ដែលផ្តួលអ្នកទិញជនជាតិចិន ១៧ នាក់ទៀត។ នេះបើយោងតាមពួកអ្នកលក់ដេញថ្លៃ ដែលបានពណ៌នាការទិញនេះថាជា “ប្រវត្តិសាស្ត្រ និង អស្ចារ្យ”។
ការលក់ចុងក្រោយរួមទាំងថ្លៃឈ្នួលសរុបជាង ៥ លានអឺរ៉ូ (ជិត ៦ លានដុល្លារ) ស្មើ ១០ ដងនៃតម្លៃដេញថ្លៃបើកឆាក ចំនួន ៥០០.០០០ អឺរ៉ូ។
អធិរាជឈានឡុង ដែលជាអធិរាជចិនកាន់អំណាចយូរមួយអង្គអំឡុងសតវត្សទី ១៨ គឺជាអ្នកប្រមូលយកវត្ថុសិល្បៈដ៏វីវក់។
ដបមូលនេះមានរូបព្រះពុទ្ធ៨អង្គពែនភ្នែនលើផ្កាឈូក និងមានរូបត្រារបស់អធិរាជ។ ដបនេះត្រូវបានរកឃើញដោយចៃដន្យកាលពីខែមេសានៅក្នុងប្រាសាទបារាំងមួយអំឡុងពេលនៃការវាយតម្លៃវត្ថុបុរាណ ហើយម្ចាស់ដើមរបស់វានៅមិនទាន់ដឹងទេ៕
ប្រភព៖ rasmeinews.com