បន្ទាយកណ្តាលទឹកជាប្រវត្តិ សាស្ត្រមួយ កំពុងត្រូវគេដាក់ដេញថ្លៃក្នុងតម្លៃថោកជាងផ្ទះល្វែង មានបន្ទប់ គេងមួយនៅទីក្រុងឡុងដ៍ ប្រទេស អង់គ្លេស ទៅទៀត ។
បន្ទាយ ស្តេក រ៉ុក (Stack Rock Fort) ដែលមានភូមិសាស្ត្រស្ថិតនៅ កណ្តាលទឹក នៅមីលហ្វដ ហាវិន (Milford Haven) សង្កាត់ផេមប្រូកសៀ (Pembrokeshire) វ៉េលស៍ ត្រូវបាន កសាងឡើង ដើម្បីការពារចក្រភព អង់គ្លេស ពីការឈ្លានពានពីសំណាក់ អធិរាជណាប៉ូឡេអុង ទី៣ របស់បារាំង។
ដោយមានកម្ពស់បីជាន់ និង មានកាំជណ្តើរកាច់ឡើងទៅជាន់ នីមួយៗ មានបន្ទប់បាញ់កាំភ្លើងធំ ព្រម ទាំងកន្លែងដាក់គ្រែទាហានដេកជាជួរ បន្ទាយដែលសាងសង់នៅចន្លោះឆ្នាំ ១៨៥០-១៨៥២ ខាងលើនេះ អាចឱ្យ អ្នកគយគន់ទេសភាពយ៉ាងស្រស់ស្អាត ប្រៀបដូចជាឋានសួគ៌ ។
យោងតាមរដ្ឋបាលចុះបញ្ជី ដីធ្លី និងអចលនទ្រព្យរបស់ចក្រភព អង់គ្លេស បានឱ្យដឹងថា តម្លៃផ្ទះក្នុង ទីក្រុងឡុងដ៍ ជាមធ្យមមួយ៦៣០.០០០ ដុល្លារអាមេរិក ហើយតម្លៃជាមធ្យម នៅវ៉េលស៍ មួយ ២០០.០០០ដុល្លារ អាមេរិក ៕
ប្រភព៖ rasmeinews.com
