ក្រោយពីអ្នកមានបញ្ហាក្អករយៈពេលយូរមក អ្នកប្រហែលជាធ្លាប់លឺគេនិយាយថា តិចក្អកធ្លាក់សួតមកក្រៅទៅ ! ដូច្នេះតើវាអាចកើតឡើងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដោយសារតែបំបង់ខ្យល់របស់មនុស្សយើងមានទំហំតូច ដូច្នេះ វាមិនអាចធ្វើឲ្យសួតដ៏ធំមួយលូនចេញមកខាងក្រៅបានឡើយ។
ខណៈពេលដែលរាងកាយរបស់យើងមិនអាចធ្វើឲ្យក្អកធ្លាក់សួតមកខាងក្រៅបាន ប៉ុន្តែ មានការសិក្សាមួយដែលចុះផ្សាយក្នុងឆ្នាំ ២០១២ ដែលធ្វើទៅលើស្រ្តីអាយុ ៤០ឆ្នាំម្នាក់ មានជំងឺហឺត ហើយគាត់បានក្អកខ្លាំងរយៈពេលពីរសប្តាហ៍។ ការក្អករបស់គាត់គឺខ្លាំងក្លារហូតដល់មានក្លននៅសួតខាងស្តាំ តាមរយៈការរហែកសាច់ដុំឆ្អឹងជំនី នៅចន្លោះឆ្អឹងជំនីពីរខាងក្រោមរបស់គាត់ឯណោះ។
ទោះបីជាយ៉ាងណាក៏ដោយ ការមានរបួសបន្ថែមដោយសារតែក្អកខ្លាំង និងញឹកញាប់នោះមានដូចជា៖
- ក្អកធ្លាក់ឈាម
- ឈឺសាច់ដុំ
- ខូចសរសៃឈាមតូចៗ
- ខូចជាលិកាបំពង់ក
- ប្រេះឆ្អឹងជំនី
- រហែកសាច់ដុំខណ្ឌទ្រូងនិងពោះ។
ការក្អកអាចបង្កឡើងដោយមូលហេតុច្រើនប្រភេទដូចជា៖
- ជំងឺក្អកមាន់
- ជំងឺហឺត
- រលាកទងសួត
- បំពង់សួតរីកធំ
- ជំងឺរលាកសួត
- ជំងឺរបេង
- ជំងឺច្រាលទឹកអាស៊ីតពីក្រពះមកបំពង់ករ
- ខូចសួតដោយសារតែ ស្រូបផ្សែងបារី ការប៉ះទង្គិច ការប្រើប្រាស់ថ្នាំ។
បើសិនជាអ្នកមានបញ្ហាក្អកដោយមិនដឹងមូលហេតុរយៈពេលច្រើនជាងមួយសប្តាហ៍ យកល្អគួរតែទៅជួបគ្រូពេទ្យដើមម្បីពិនិត្យ។ (អាន:ថ្នាំងងុយគេង ពេលអ្នកគួរប្រើ)អ្នកក៏គួរតែទៅជួបគ្រូពេទ្យដែរបើសិនជាមានអាការៈខាងក្រោមនេះកើតឡើងជាមួយនឹងការក្អក៖
- ក្តៅខ្លួន
- ឈឺទ្រូង
- បេះដូងលោតញ៉ាប់
- ពិបាកដកដង្ហើម
- ឈឺពោះធ្ងន់ធ្ងរ
- បែកញើសខ្លាំង ឬគ្រុន
- ក្អកធ្លាក់ឈាមច្រើនៗ៕