ជំងឺរលាកសន្លាក់ គឺជាស្ថានភាពមួយដែលបង្កឡើងដោយការរលាកនៃសន្លាក់ក្នុងរាងកាយ ហើយជាធម្មតាមានអមមកជាមួយនូវអាការៈហើម, រឹងសន្លាក់ និងឈឺចាប់។ ជាទូទៅបញ្ហានេះច្រើនតែកើតមានលើមនុស្សចាស់ និងព្យាបាលដោយការប្រើប្រាស់ថ្នាំប្រឆាំងការរលាក។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែតើអ្នកធ្លាប់ដឹងទេថា មានឱសថបែបធម្មជាតិងាយៗ ប៉ុន្តែអាចព្យាបាលការឈឺចាប់ និងកាត់បន្ថយអាការៈរលាកសន្លាក់ដែលបង្កឡើងដោយជំងឺរលាកសន្លាក់បានប្រកបដោយប្រសិទ្ធិភាពខ្ពស់? ហើយឱសថធម្មជាតិនោះគឺ ខ្ញី ! មិនត្រឹមតែប្រើប្រាស់ជាអាហារប៉ុណ្ណោះទេ ប៉ុន្តែខ្ញីក៏មានប្រយោជន៍ព្យាបាលអាការៈនៃជំងឺរលាកសន្លាក់ផងដែរតាមរយៈលក្ខណៈសម្បត្តិប្រឆាំងការរលាក រួមទាំងសារធាតុ gingerols និង shogaols។ ខាងក្រោមវេបសាយសុខភាព Health.com.kh នឹងបង្ហាញអោយដឹងពីរបៀបងាយៗក្នុងការប្រើប្រាស់ខ្ញីព្យាបាលអាការៈឈឺចាប់សន្លាក់ ៖
១. បន្ថែមខ្ញីក្នុងអាហារ
ងាយណាស់! អ្វីដែលអ្នកត្រូវធ្វើ គឺគ្រាន់តែបន្ថែមខ្ញីដែលហាន់ជាចំណិតតូចៗ ឬម្ស៉ៅខ្ញីប្រហែលពី ២ ទៅ ៣ ស្លាបព្រាក្នុងអាហារប្រចាំថ្ងៃជាការស្រេច។
២. តែខ្ញី
គ្រឿងផ្សំ ៖ ទឹកក្រូចឆ្មារស្រស់ចំនួន ២ ស្លាបព្រាបាយ, ទឹកធម្មតា ១ ពែង, ខ្ញីទំហំល្មមហាន់ជាចំណិតតូចៗចំនួន ១ មើម និងទឹកឃ្មុំ ១ ស្លាបព្រាកាហ្វេ។
របៀបធ្វើ ៖ ដាក់ចំណិតខ្ញីចូលទឹក រួមដាំរហូតដល់ពុះសម្រាប់រយៈពេលប្រមាណ ១០ នាទី។ ស្រស់កាកខ្ញីចេញ រួចបន្ថែមទឹកក្រូចឆា្មរ និងទឹកឃ្មុំចូល។ កូរអោយសព្វ សឹមទទួលទានអោយទាន់ក្ដៅឧណ្ហៗជាការស្រេច។ បន្តទទួលទានតែខ្ញីអោយបានពី ២ ទៅ ៣ ពែងរាល់ថ្ងៃ រហូលដល់ការឈឺចាប់បានធូរស្បើយ។
៣. ម៉ាស្សាជាមួយប្រេងខ្ញី
អ្វីដែលអ្នកត្រូវធ្វើ គឺកម្ដៅប្រេងអូលីវសុទ្ធចំនួន ២ ស្លាបព្រាបាយសម្រាប់រយៈពេលពី ២ ទៅ ៣ នាទី។ បន្ទាប់មកបន្ថែមប្រេងខ្ញីពី ៣ ទៅ ៤ ដំណក់ចូល។ កូរអោយសព្វ រួចទុកអោយប្រេងចុះត្រជាក់បន្តិច សឹមប្រើលាបម៉ាស្សាលើសន្លាក់ និងសាច់ដុំដែលឈឺចាប់សម្រាប់រយៈពេលពី ១០ ទៅ ១៥ នាទីជាការស្រេច។ អនុវត្តអោយបានយ៉ាងហោចណាស់ ២ ដងក្នុងមួយថ្ងៃជាប្រចាំ៕