តម្រងនោមដើរតួនាទីយ៉ាងសំខាន់នៅក្នុងការរក្សាសុខភាពរាងកាយល្អប្រសើរ។ វាជួយផលិតកោសិកាគ្រាប់ឈាមក្រហម, គ្រប់គ្រងកម្រិតនៃសម្ពាធឈាម, បន្សាបជាតិពុលសរីរាង្គខាងក្នុង, បញ្ចេញជាតិទឹក ឬសារធាតុរាវដែលលើស, បញ្ចេញកាកសំណល់តាមរយៈទឹកនោម, ច្រោះឈាម, ផលិតអ័រម៉ូន និងគ្រប់គ្រងកម្រិតនៃជាតិរ៉ែចាំបាច់ទាំងអស់ក្នុងឈាម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទាំងនេះហើយជាមូលហេតុដែលអ្នកគួរព្យាយាមធ្វើយ៉ាងណាកាត់បន្ថយហានិភ័យនៃជំងឺតម្រងនោមដោយជៀសវាងការទទួលទានអាហារមួយចំនួនជាបន្ទាន់ និងជំនួសដោយអាហារដែលល្អសម្រាប់សុខភាពតម្រងនោមវិញ។ ថាតើអាហារអ្វីខ្លះទៅដែលជួយលាងសម្អាត និងថែរក្សាតម្រងនោម? ខាងក្រោមវេបសាយសុខភាព Health.com.kh នឹងបង្ហាញឲ្យដឹងពីអាហារដែលគួរទទួលទានឱ្យបានច្រើន ប្រសិនបើចង់រក្សាបាននូវសុខភាពតម្រងនោមល្អប្រសើរ ៖

១. ម្ទេសប្លោកក្រហម

នោះក៏ព្រោះតែវាមានផ្ទុកសម្បូរទៅដោយសារធាតុប្រឆាំងអុកស៊ីតកម្ម lycopene ដែលល្អសម្រាប់សុខភាពតម្រងនោម។ សារធាតុ lycopene ក៏មានលក្ខណៈសម្បត្តិប្រឆាំងនឹងជំងឺមហារីកដែលជួយទប់ស្កាត់កាត់បន្ថយហានិភ័យនៃជំងឺមហារីកតម្រងនោមផងដែរ។

២. ស្ពៃក្ដោប និងបន្លែ cruciferous

ស្ពៃក្ដោបមានផ្ទុកសម្បូរទៅដោយសារធាតុ រួមទាំងជាតិសសៃដែលបង្កើនសុខភាពតម្រង
នោមល្អប្រសើរ។ ខណៈដែលបន្លែ cruciferous រួមមាន ផ្កាខាត់ណា, ប្រូខូលី, ផ្កាស្ពៃ, ពន្លកផ្កាស្ពៃ និងស្ពៃក្រញាញ់ ជាដើមមានផ្ទុកសារធាតុ phytochemicals និងសមាសធាតុស្ពាន់ធ័រ ដែលបញ្ឈប់សកម្មភាពបំផ្លាញនៃរ៉ាឌីកាល់សេរីបង្កជំងឺមហារីក ព្រមទាំងជួយកម្ចាត់ជាតិពុលផ្សេងៗផងដែរ។

៣. ខ្ទឹមស និងខ្ទឹមបារាំង

ជាឱសថបែបធម្មជាតិដ៏មានប្រសិទ្ធិភាពខ្ពស់បំផុតមួយជួយព្យាបាលបញ្ហាផ្សេងៗនៃតម្រង
នោម។ ខ្ទឹមស និងខ្ទឹមបារាំងក៏ជាប្រភពដ៏ប្រសើរនៃសារធាតុ allicin ដែលជួយក្នុងការសម្អាតតម្រងនោមបានយ៉ាងប្រសើរ រួមជាមួយនឹងលក្ខណៈសម្បត្តិប្រឆាំងការរលាក, សម្លាប់មេរោគបាក់តេរី និងកម្ចាត់រោគផ្សិត។

៤. ខ្ញី

ខ្ញី មានផ្ទុកសារធាតុ Gingerols ដែលជាភ្នាក់ងារប្រឆាំងមេរោគបាក់តេរីជួយរារាំងការរីករាលដាលនៃពពួកបាក់តេរីក្នុងតម្រងនោម។ ដូច្នេះកុំភ្លេចបន្ថែមខ្ញីក្នុងរបបអាហារប្រចាំថ្ងៃរបស់អ្នក។

៥. ត្រីសម្បូរខ្លាញ់

ប្រូតេអ៊ីន គឺសំខាន់ណាស់មិនត្រឹមតែចំពោះសាច់ដុំរឹងមាំប៉ុណ្ណោះទេ ប៉ុន្តែក៏សម្រាប់សុខភាពតម្រងនោមល្អប្រសើរផងដែរ។ ប្រភពដ៏ល្អបំផុតនៃប្រូតេអ៊ីន គឺត្រីសម្បូរខ្លាញ់ រួមមានត្រីធូណា, ត្រីសាលម៉ុន, ត្រីសាឌីន, ត្រី mackerel, ត្រី herring ជាដើម។ ត្រីសម្បូរខ្លាញ់ក៏មានផ្ទុកបរិមាណខ្ពស់នៃអាស៊ីតខ្លាញ់អូមេហ្គា ៣ ដែលមានប្រយោជន៍មិនមែនតែសម្រាប់រក្សាសុខភាពសសៃឈាមបេះដូងឡើយ ប៉ុន្តែក៏ប្រសើរចំពោះតម្រងនោមគួរអោយកត់សម្គាល់៕