ក្រខុប ជាផ្លែឈើមួយប្រភេទដែលមានរសជាតិផ្អែម ហើយអាចទទួលទានបានទាំងសំបក និងសម្បូរណាស់ក្នុងប្រទេសកម្ពុជា។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ភាគច្រើននៃពួកយើងសុទ្ធតែស្គាល់ ហើយឧស្សាហ៍ទទួលទានផ្លែក្រខុប ប៉ុន្តែប្រហែលជាមិនធ្លាប់ចាប់អារម្មណ៍ទេថា ផ្លែឈើតូចៗនេះអាចផ្ដល់អត្ថប្រយោជន៍គួរអោយភ្ញាក់ផ្អើលចំពោះសុខភាព។ ថ្ងៃនេះវេបសាយសុខភាព Health.com.kh នឹងបង្ហាញឱ្យពីឥទ្ធិពលវិជ្ជមាននៃការទទួលទានផ្លែក្រខុប ៖
១. ប្រយុទ្ធប្រឆាំងនឹងបាក់តេរី
ទោះបីរាងកាយមានរបៀបធម្មជាតិរបស់វាក្នុងការប្រឆាំងទៅនឹងបាក់តេរី ប៉ុន្តែក៏នៅតែត្រូវការជំនួយពីប្រភពផ្សេងៗទៀត រួមបញ្ចូលទាំងអាហារដែលអ្នកទទួលទាន។ “ក្រខុប” មានផ្ទុកលក្ខណៈសម្បត្តិប្រឆាំងបាក់តេរីបានយ៉ាងប្រសើរដែលធ្វើអោយវាក្លាយជាជម្រើសនៃផ្លែឈើដ៏ល្អបំផុតមួយសម្រាប់អ្នក។
2. ជួយដល់មុខងារខួរក្បាល
ក្រខុបមានផ្ទុកសម្បូរទៅដោយសារធាតុ flavanone ដែលអាចជួយក្នុងការអភិវឌ្ឍ និងដំណើរការមុខងារបានត្រឹមត្រូវនៃខួរក្បាល។ ការទទួលទានផ្លែក្រខុបទៀងទាត់ រួមជាមួយអាហារផ្សេងទៀតដែលមានផ្ទុកសារធាតុ flavanone អាចផ្តល់អត្ថប្រយោជន៍បង្កើនការចងចាំ និងថែមទាំងទប់ស្កាត់ជំងឺភ្លេចភ្លាំង ជាពិសេសចំពោះមនុស្សចាស់។
៣. លក្ខណៈសម្បត្តិប្រឆាំងការរលាកក្នុងរាងកាយ
ក្រខុប មានផ្ទុកលក្ខណៈសម្បត្តិប្រឆាំងការរលាកដែលជួយកាត់បន្ថយ និងទប់ស្កាត់ការរលាកផ្សេងៗក្នុងរាងកាយ រួមទាំងការហើមផងដែរ។
៤. ទប់ស្កាត់ជំងឺមហារីក
នោះក៏ព្រោះតែក្រខុបមានផ្ទុកសម្បូរទៅដោយសារធាតុ cytotoxic flavonoids ដែលអាចទប់ស្កាត់ប្រឆាំងនឹងកោសិកាមហារីកបានយ៉ាងប្រសើរ។
៥. ប្រឆាំងនឹងអាស៊ីតអ៊ុយរិក
សំបកផ្លែក្រខុបជាប្រភពដ៏ប្រសើរនៃសារធាតុ Anthrosyanin ដែលជួយទប់ស្កាត់ និងកាត់បន្ថយអាស៊ីតអ៊ុយរិកក្នុងរាងកាយគួរអោយកត់សម្គាល់។
៦. ពង្រឹងប្រព័ន្ធភាពស៊ាំរាងកាយ
ក្រខុប មានផ្ទុកសម្បូរទៅដោយវីតាមីន និងជាតិរ៉ែ ជាពិសេសវីតាមីន C ដែលចាំបាច់សម្រាប់ពង្រឹងប្រព័ន្ធភាពស៊ាំនៃរាងកាយទប់ស្កាត់ប្រឆាំងនឹងជំងឺផ្សេងៗ៕