អាហារគឺជាប្រភពថាមពលរបស់រាងកាយ ហើយនៅពេលអ្នកអាយុបាន ៣០ឆ្នាំ រាងកាយត្រូវការថាមពលកាន់តែច្រើន។ ដូច្នេះហើយ អ្នកគួរតែស្វែងយល់ផងថាតើអ្នកកំពុងតែញ៉ាំអាហារអ្វីដើម្បីអាចផ្តល់សុខភាពដល់ សន្លាក់ បេះដូង រង្វាស់ចង្កេះ និងបង្កភាពជ្រីវជ្រួញដល់ស្បែកឬអត់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហ្សែនរបស់មនុស្សយើងមិនអាចផ្លាស់ប្តូរបានឡើយ មានតែរបៀបរស់នៅទេទើបផ្លាស់ប្តូរ។ ដូច្នេះអ្នកនឹងដឹងថា មនុស្សដែលមានសុខភាពល្អ គឺអាស្រ័យទៅលើអ្វីដែលពួកគេញ៉ាំទាំងស្រុងដែរ។ ខាងក្រោមនេះ ខ្ញុំសូមណែនាំអាហារបង្កើតអាស៊ីតច្រើនបំផុតដែលអ្នកគួរតែចៀសវាងទទួលទានច្រើនក្រោយពីអាយុបាន ៣០ឆ្នាំហើយ៖
គ្រឿងស្រវឹង
នៅពេលរាងកាយអាយុដល់ ៣០ឆ្នាំ វាពិតជាមិនអាចរំលាយអស់នូវកាឡូរីបន្ថែមដែលមានក្នុងគ្រឿងស្រវឹងឡើយ តែវានឹងបង្កើនចំនួនអាំងស៊ុយលីនក្នុងរាងកាយ ដែលផ្តល់ភាពលំបាក់ដល់ក្រពះកាន់តែខ្លាំង។ វាមិនត្រឹមតែធ្វើឲ្យអ្នកស្រវឹងទេ តែក៏អាចគេងមិនលក់ ឡើងទម្ងន់ និងឃ្លានរបស់ផ្អែមៗច្រើននៅថ្ងៃបន្ទាប់ដែរ។
របស់ផ្អែមសិប្បនិមិត្ត
របស់ផ្អែមបែបនេះនឹងបំភាន់រាងកាយថាផ្តល់កាឡូរី តែរាងកាយមិនអាចសម្រួលការឃ្លានបានឡើយ។ របស់ផ្អែមសិបនិមិត្តនេះត្រូវបានគេរកឃើញថាជាប់ទាក់ទងនឹងមហារីក អាចបង្កើនជាតិស្ករក្នុងឈាម និងបង្កជាជំងឺ Metabolic Syndrome ស្តុកជាតិខ្លាញ់ច្រើនក្នុងរាងកាយ ជំងឺបេះដូងសរសៃឈាម និងទឹកនោមផ្អែមប្រភេទទី២។
ជាតិកាហ្វេអ៊ីន
ក្រៅពីសារធាតិគីមី និងស្ករបន្ថែមក្នុងកាហ្វេឡាតេ ឬកូកាកូឡា ឥទ្ធិពលធំបំផុតរបស់ជាតិកាហ្វេអ៊ីននឹងធ្វើឲ្យអ្នកគេងមិនបានគ្រប់ឡើយ។ ការញ៉ាំកាហ្វេអ៊ីនច្រើនពេកអាចធ្វើឲ្យឆាប់ចាស់បាន។
ទឹកដោះគោ
ផលិតផលធ្វើពីទឹកដោះគោមានជាតិអាស៊ីតខ្លាំង ហើយក៏ត្រូវតែចៀសវាងទទួលទានច្រើនដែរ។
អាហារកំប៉ុង និងអាហារចម្អិនក្នុងម៉ៃក្រូវ៉េវ
មែនហើយ អាយុខ្ទង់ ៣០ឆ្នាំ វាជាវ័យដែលរវល់ច្រើន ដូច្នេះវាពិតជាមិនមានពេលច្រើនក្នុងការចម្អិនអាហារញ៉ាំរាល់ថ្ងៃឡើយ ដូច្នេះច្រើនតែញ៉ាំអាហារកំប៉ុងជាញឹកញាប់។ ប៉ុន្តែអាហារកំប៉ុងបែបនេះមានសារធាតុគីមីច្រើន ប្រៃច្រើន ដែលជាទូទៅមិនល្អចំពោះសុខភាពឡើយ។ (អាន:ថ្នាំងងុយគេង ពេលអ្នកគួរប្រើ)អាហារកំប៉ុងក៏អាចធ្វើឲ្យកើតមហារីក អតុល្យភាពអ័រម៉ូន ឡើងទម្ងន់ និងមិនអាចមានកូនបានទៀត។
សាច់កៃឆ្នៃ
សារធាតុ Nitrate ដែលមានក្នុងសាច់កៃឆ្នៃអាចក្លាយទៅជាមហារីកបាន។ ដូច្នេះយកល្អគួរតែចៀសវាងសាច់កៃឆ្នៃណាដែលមានជាតិ Nitrate នេះ។ សាច់កៃឆ្នៃក៏សម្បូរខ្លាំងនូវជាតិខ្លាញ់ Saturated Fats និងសូដ្យូមដែរ ដែលជាកត្តានាំឲ្យឡើងទម្ងន់ និងជំងឺបេះដូង៕