ចម្លើយយ៉ាងខ្លីនោះគឺថា “អាច” ព្រោះទឹកឃ្មុំអាចបំបាត់ការឈឺបំពង់ករបានយ៉ាងល្អ។ អ្នកគ្រាន់តែលាយទឹកឃ្មុំពីរស្លាបព្រាបាយជាមួយនឹងទឹកក្តៅឧណ្ហៗ ឬទឹកតែ ហើយញ៉ាំវានៅពេលចាំបាច់នោះគឺបានហើយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អ្វីដែលកាន់តែល្អនោះគឺថា អ្នកអាចញ៉ាំរបៀបនេះនៅពេលមានការឈឺបំពង់ករជាមយយនឹងក្អកតែម្តង។ យ៉ាងណាមិញ ទឹកឃ្មុំមិនគួរណាឲ្យក្មេងអាយុក្រោម ១ឆ្នាំញ៉ាំឡើយ។ ទឹកឃ្មុំអាចផ្ទុកទៅដោយបាក់តេរីដូចជា Clostridium Botulism ដែលមានគ្រោះថ្នាក់ជាពិសេសសម្រាប់ទារកតែម្តង។
ទឹកឃ្មុំត្រូវបានគេប្រើប្រាស់ជាឱសថរយៈពេលច្រើនឆ្នាំមកហើយ តាំងពីសម័យបូរាណមកម្លេះ។ យ៉ាងណាមិញ តាមការស្រាវជ្រាវបច្ចុប្បន្ននិងមានការទទួលស្គាល់ជាច្រើនថាអាចមានប្រសិទ្ធភាពជួយដល់សុខភាពមនុស្សច្រើនដូចខាងក្រោមនេះ៖
- ជាអង់ទីអុកស៊ីដង់
- ប្រឆាំងនឹងការរលាក
- សម្លាប់បាក់តេរី
- ប្រឆាំងនឹងមហារីក
- សម្លាប់វីរុស
- សម្លាប់មេរោគផ្សិត
- ប្រឆាំងនឹងជំងឺទឹកនោមផ្អែម
ទឹកឃ្មុំក៏ត្រូវបានគេប្រើប្រាស់ដើម្បីរុំលើរបួសដែរ ជាពិសេសរបស់សើស្បែកជាប្រភេទរលាកភ្លើងតែម្តង ដែលវាមានប្រសិទ្ធភាពខ្ពស់ដូចការលាងរបួសធម្មតារបស់ពេទ្យដែរ។
ទោះបីជាយ៉ាងណាក៏ដោយ បើសិនជាការព្យាបាលដោយខ្លួនឯងជាមួយនឹងទឹកឃ្មុំបែបនេះហាក់បីដូចជាមិនមានប្រយោជន៍ យកល្អគួរតែទៅជួបគ្រូពេទ្យដើម្បីកំណត់រោគវិនិច្ឆ័យ។ (អាន:ថ្នាំងងុយគេង ពេលអ្នកគួរប្រើ)អ្នកអាចកំពុងតែមានជំងឺធ្ងន់ធ្ងរបើសិនជាការឈឺបំពង់ករអ្នកជាប់ទាក់ទងនឹង៖
- ពិបាកលេបអាហារ
- គ្រុន
- ក្តៅខ្លួន
- មិនអាចញ៉ាំទឹកបាន៕