គូលែន ជាផ្លែឈើមួយប្រភេទមានរសជាតិផ្អែមឈ្ងុយ និងពេញនិយមណាស់ដែរនៅកម្ពុជា។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីជាភាគច្រើននៃពួកយើងសុទ្ធតែស្គាល់ និងចូលចិត្តទទួលទានផ្លែឈើនេះ ប៉ុន្តែប្រហែលជាមិនធ្លាប់ចាប់អារម្មណ៍ដឹងទេថា គូលែន អាចផ្ដល់អត្ថប្រយោជន៍គួរអោយភ្ញាក់ផ្អើលចំពោះសុខភាព។ ថ្ងៃនេះវេបសាយសុខភាព Health.com.kh នឹងបង្ហាញអោយដឹងពីឥទ្ធិពលវិជ្ជមាននៃការទទួលទានផ្លែគូលែនចំពោះសុខភាព ៖
១. ទប់ស្កាត់ការលូតលាស់នៃកោសិកាមហារីក
គូលែន ជាប្រភពដ៏ប្រសើរនៃសារធាតុ quercetin, Beta-carotene និង kaempferol ដែលជួយកាត់បន្ថយការរីកលូតលាស់នៃកោសិកាមហារីក ជាពិសេសទប់ស្កាត់ហានិភ័យនៃជំងឺមហារីកសុដន់ និងក្រពេញប្រូស្តាត។
២. កាត់បន្ថយហានិភ័យនៃជំងឺបេះដូង
ផ្លែឈើនេះក៏មានផ្ទុកសម្បូរទៅដោយជាតិសសៃ, សារធាតុ polyphenols, Oligonol(R) និងប៉ូតាស្យូមដែលជួយរក្សាសុខភាពបេះដូងល្អប្រសើរជៀសផុតពីបញ្ហាគួរអោយព្រួយបារម្ភផ្សេងៗ។
៣. ពង្រឹងប្រព័ន្ធភាពស៊ាំរាងកាយ
នោះក៏ព្រោះតែ គូលែន ជាប្រភពដ៏ល្អបំផុតមួយនៃវីតាមីន C ដែលជួយក្នុងការពង្រឹងប្រព័ន្ធភាពស៊ាំអោយមានលក្ខណៈកាន់តែប្រសើរឡើងទប់ស្កាត់បញ្ហាសុខភាពបានជាច្រើន។
៤. ជួយអោយស្រកទម្ងន់
ផ្លែគូលែន មានផ្ទុកជាតិទឹក និងជាតិសសៃខ្ពស់ ប៉ុន្តែកាឡូរី, ជាតិខ្លាញ់មិនល្អ និងជាតិកូឡេស្តេរ៉ូលទាបដែលធ្វើអោយវាក្លាយជាជម្រើសនៃផ្លែឈើល្អបំផុតសម្រាប់អ្នកចង់ស្រកទម្ងន់។
៥. ល្អសម្រាប់សុខភាពក្រពះពោះវៀន
គូលែន មានផ្ទុកសារធាតុ antacid និង astringent ដែលប្រសើរសម្រាប់សុខភាពក្រពះពោះវៀន។
៦. ព្យាបាលអាការៈទល់លាមក
ផ្លែគូលែន មានផ្ទុកសម្បូរទៅដោយជាតិសសៃដែលជួយដល់ការរំលាយអាហារ និងសម្រួលដល់ចលនាពោះវៀនទប់ស្កាត់ដោះស្រាយបញ្ហាទល់លាមកបានយ៉ាងប្រសើរ។
៧. ទប់ស្កាត់ជំងឺខ្វះគ្រាប់ឈាមក្រហម
គូលែន ជាប្រភពដ៏ល្អបំផុតមួយនៃជាតិទង់ដែងដែលចាំបាច់ណាស់សម្រាប់ការអភិវឌ្ឍកោសិកាគ្រាប់ឈាមក្រហម។
៨. រក្សាសុខភាពឆ្អឹងល្អប្រសើរ
គូលែន មានផ្ទុកជាតិផូស្វ័រ, ម៉ង់កាណែស, ម៉ាញ៉េស្យូម, ទង់ដែង, ស័ង្កសី ដែលជួយជម្រុញប្រសិទ្ធិភាពនៃវីតាមីន D បង្កើនការស្រូបយកជាតិកាល់ស្យូម ដើម្បីរក្សាបាននូវសុខភាពឆ្អឹងរឹងមាំគួរអោយកត់សម្គាល់៕