រសជាតិនៃទឹកផ្លែម្រះស្រស់ប្រហែលជាល្វីង ប៉ុន្តែត្រឹមតែ ១ កែវនៃទឹកបន្លែនេះអាចផ្ដល់អត្ថប្រយោជន៍គួរអោយភ្ញាក់ផ្អើលច្រើនណាស់ចំពោះសុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ហើយបើទោះជាភាគច្រើននៃពួកយើងសុទ្ធតែស្គាល់ផ្លែម្រះ ប៉ុន្តែប្រហែលមិនធ្លាប់ចាប់អារម្មណ៍ឡើយថា ទឹកម្រះអាចផ្ដល់ផលល្អៗអ្វីខ្លះនៅពេលទទួលទានជាប្រចាំ! ខាងក្រោមវេបសាយសុខភាព Health.com.kh នឹងបង្ហាញអោយដឹងពីឥទ្ធិពលវិជ្ជមាននៃការទទួលទានទឹកម្រះស្រស់ ៖
១. គ្រប់គ្រងជាតិស្ករក្នុងឈាម
តើអ្នកមានជំងឺទឹកនោមផ្អែម ឬកំពុងប្រឈមមុខនឹងហានិភ័យនៃជំងឺនេះមែនទេ? ប្រសិនបើអ្នកកំពុងប្រឈមមុខជាមួយហានិភ័យនៃបញ្ហាសុខភាពមួយនេះ ចូរព្យាយាមទទួលទានទឹកម្រះស្រស់ជាប្រចាំ។ នោះក៏ព្រោះតែម្រះមានប្រសិទ្ធិភាពអាចជួយគ្រប់គ្រងកម្រិតនៃជាតិស្ករក្នុងឈាមមិនអោយឡើងខ្ពស់បានយ៉ាងប្រសើរ។
២. បន្សាបកម្ចាត់ជាតិពុលចេញពីរាងកាយ
ទឹកបន្លែរសជាតិល្វីងនេះនៅពេលទទួលទានជាប្រចាំ គឺនឹងមានសមត្ថភាពអាចកម្ចាត់ជាតិពុលដែលប្រមូលផ្ដុំក្នុងរាងកាយបានប្រកបដោយប្រសិទ្ធិភាពខ្ពស់គួរអោយកត់សម្គាល់។ លើសពីនេះទៅទៀត ទឹកម្រះស្រស់ គឺមានអត្ថប្រយោជន៍កាន់តែពិសេសទៅទៀតសម្រាប់អ្នកដែលកំពុងព្យាយាមផ្ដាច់បារី ខណៈដែលវាអាចជួយសម្រួលដល់ការកម្ចាត់ជាតិពុលផ្សេងៗពីបារី។
៣. កាត់បន្ថយហានិភ័យនៃជំងឺមហារីក
ម្រះមានផ្ទុកសម្បូរទៅដោយសារធាតុប្រឆាំងអុកស៊ីតកម្ម រួមទាំងសារធាតុ Triterpenoids, Polyphenols និង Flavonoids ដែលជួយទប់ស្កាត់ហានិភ័យនៃជំងឺមហារីក។ បន្លែល្វីងនេះក៏ជាប្រភពដ៏ប្រសើរនៃវីតាមីន C ដែលមានប្រសិទ្ធិភាពកម្ចាត់រាល់រ៉ាឌីកាល់សេរីដែលបង្កជំងឺមហារីក ព្រមទាំងកោសិកាមហារីកផងដែរ។
៤. បង្កើនការរំលាយអាហារ
ទឹកម្រះស្រស់មានផ្ទុកសម្បូរទៅដោយជាតិសសៃ dietary ដែលសម្រួលដល់ដំណើរការនៃការរំលាយអាហារអោយកាន់តែមានលក្ខណៈប្រសើរឡើង និងទប់ស្កាត់បញ្ហាទល់លាមក។ ដូច្នេះចូរព្យាយាមទទួលទានទឹកម្រះស្រស់មួយកែវជាប្រចាំ។
៥. កាត់បន្ថយរោគសញ្ញានៃជំងឺហឺត
ប្រសិនបើអ្នកមានជំងឺហឺត នោះវាជាគំនិតដ៏ល្អបំផុតមួយសម្រាប់អ្នកក្នុងការទទួលទានទឹកម្រះស្រស់មួយកែវទៀងទាត់។ យោងតាមការសិក្សាស្រាវជ្រាវជាច្រើនបានអោយដឹងថា ទឹកផ្លែម្រះអាចបំបាត់ ឬកាត់បន្ថយរោគសញ្ញានៃជំងឺហឺតបានយ៉ាងប្រសើរ ដោយវាជួយបើកផ្លូវដង្ហើមខាងលើ៕