ជួយចែករំលែក! អាហារដែលល្អបំផុតសម្រាប់ អ្នកមានបញ្ហាសម្ពាធឈាមចុះទាប

Hypotension ជាបញ្ហាសម្ពាធឈាមចុះទាបដែលអាចបង្កផលប៉ះពាល់គួរអោយព្រួយបារម្ភ។ សម្ពាធឈាមចុះទាប អាចហាក់ដូចជាពិបាកនឹងកើតមានឡើង។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជា​យ៉ាង​ណា ​សម្រា​ប់មនុស្សជាច្រើន ការមានសម្ពាធឈាមចុះទាប អាចជួបប្រទះរោគសញ្ញា​នៃ​ការវិលមុខ, ដួលសន្លប់, មើលលែងច្បាស់, ចង្អោរចង់ក្អួត និងពិបាកផ្ដោតអារម្មណ៍។ ទោះជាយ៉ាងណា ក្នុងករណីធ្ងន់ធ្ងរ បញ្ហាសម្ពាធឈាមចុះទាប អាច​គំរាមកំហែងដល់អាយុជីវិត។ ក្រៅពីទៅជួបពិគ្រោះជាមួយគ្រូពេទ្យហើយ ការផ្លាស់ប្ដូររបបអាហារក៏ចាំបាច់សម្រាប់អ្នកផងដែរ។ ថ្ងៃនេះវេបសាយសុខភាព Health.com.kh នឹងបង្ហាញអោយដឹងពីអាហារដែលអ្នកមានបញ្ហាសម្ពាធឈាមចុះទាបគួររួមបញ្ចូលក្នុងរបបអាហារប្រចាំថ្ងៃ ៖

១. ការ៉ុត

ជាប្រភពដ៏ប្រសើរនៃសារធាតុ beta-carotene ដែលមានប្រសិទ្ធិភាពគ្រប់គ្រងសម្ពាធឈាម។ សារធាតុប្រឆាំងអុកស៊ីតកម្មដែលមានវត្តមានក្នុងបន្លែនេះក៏ជួយពង្រឹងប្រព័ន្ធភាពស៊ាំរាងកាយ និងសម្រួលលំហូរឈាមត្រឹមត្រូវផងដែរ។ ទទួលទានទឹកការ៉ុតស្រស់ ១ ពែងលាយជាមួយទឹកឃ្មុំ ១ ស្លាបព្រាកាហ្វេ ហើយទទួលទានអោយបាន ២ ដងក្នុងមួយថ្ងៃពេលពោះទទេរ ដើម្បីអោយសម្ពាធឈាមត្រឡប់មកប្រក្រតីវិញ។

២. ម្រះព្រៅ

មានផ្ទុកសម្បូរទៅដោយជាតិម៉ាញ៉េស្យូម, វីតាមីន C, វីតាមីន B និងប៉ូតាស្យូមដែលជួយគ្រប់គ្រងសម្ពាធឈាមប្រក្រតីចំពោះអ្នកមានបញ្ហាសម្ពាធឈាមចុះទាប។ អ្នកអាចទំពារម្រះព្រៅប៉ុន្មានស្លឹករាល់ព្រឹក ឬយកទៅឆុងជាតែលាយជាមួយទឹកឃ្មុំ ហើយទទួលទានរាល់ព្រឹកនៅពេលពោះទទេរជាការស្រេច។

៣. កាហ្វេអ៊ីន

ប្រសិនបើអ្នកតែងទទួលទានកាហ្វេទៀងទាត់ អ្នកនឹងឃើញថាសម្ពាធឈាមហាក់ដូចជាឡើងខ្ពស់បន្តិច ក៏ព្រោះតែជាតិកាហ្វេអ៊ីននៃកាហ្វេដែលមានប្រយោជន៍សម្រាប់អ្នកមានបញ្ហាសម្ពាធឈាមចុះទាប។ ដូច្នេះដើម្បីដោះស្រាយបញ្ហាសម្ពាធឈាមចុះទាប អ្នកគួរទទួលទានកាហ្វេខ្មៅ ១ ពែងរាល់ព្រឹក។

៤. ក្រូចឆ្មារ

ការទទួលទានទឹកក្រូចឆ្មារស្រស់លាយអំបិលបន្តិចអាចជួយគ្រប់គ្រងសម្ពាធឈាមប្រក្រតីបានយ៉ាងប្រសើរ។

៥. អំបិល

អ្នកក៏អាចប្រើប្រាស់អំបិលដើម្បីដោះស្រាយបញ្ហាសម្ពាធឈាមចុះទាបបានដែរ។ នោះក៏ព្រោះតែអំបិលមានផ្ទុកជាតិសូដ្យូមដែលជួយបង្កើនសម្ពាធឈាម ប៉ុន្តែការទទួលទានអំបិលច្រើនពេកអាចបង្កជាបញ្ហាសុខភាពគួរអោយព្រួយបារម្ភ។ ដូច្នេះដើម្បីជាការប្រសើរ ចូរប្រើប្រាស់ ឬទទួលទានអំបិលក្នុងកម្រិតមធ្យម។

៦. ខ្ទឹមស

ខ្ទឹមស ក៏អាចជួយគ្រប់គ្រងសម្ពាធឈាមគួរអោយកត់សម្គាល់ផងដែរ។ អ្វីដែលអ្នកត្រូវធ្វើ គឺគ្រាន់តែទទួលទានខ្ទឹមសឆៅ ២ កំពឹសនៅរយៈពេលមួយម៉ោងមុនចូលគេង ឬបន្ថែមខ្ទឹមសខ្លះក្នុងអាហារប្រចាំថ្ងៃជាការស្រេច៕