ការរមួលក្រពើអាចកើតឡើងភ្លាមៗ និងមានការឈឺចាប់ខ្លាំង។ ជាធម្មតា វាកើតឡើងនៅលើជើង ជាពិសេសនៅពេលហែលទឹកក្នុងទឹកត្រជាក់ តែវាក៏អាចកើតឡើងនៅលើសាច់ដុំពោះបានដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការរមួលក្រពើទំនងជាកើតឡើងញឹកក្នុងពេលមានផ្ទៃពោះ ខ្សោះជាតិទឹកក្នុងខ្លួន ឬមនុស្សចាស់។
ជាធម្មតាវានឹងបាត់ទៅវិញក្នុងរយៈពេលពីរបីនាទីក្រោយ តែការដែលមានអាការៈនេះយូរជាងមួយម៉ោងប្រហែលជាសញ្ញាបញ្ជាក់ថា មានអ្វីមួយធ្ងន់ធ្ងរហើយ។
មូលហេតុ
- សាច់ដុំត្រូវបានទុកយូរមិនប្រើដូចជា កំពុងតែអង្គុយនៅក្នុងជំហរដដែលរយៈពេលយូរពេក
- សាច់ដុំត្រូវបានប្រើប្រាស់ច្រើនជ្រុល ដូចជា ការហាត់ប្រាណខ្លាំងពេក
- ក្នុងរាងកាយកង្វះជាតិទឹក និងអំបិល
- ការហាត់ប្រាណដែលមិនមានការកម្តៅសាច់ដុំជាមុន
អ្វីដែលគួរធ្វើ
- ចូរប្រើវិធីពុតពែនសាច់ដុំដែលរមួលនោះ។ សម្រាប់ការរមួលក្រពើនៅប្រអប់ជើង ចូរអង្គុយចុះ ហើយស្រដូកជើងឲ្យត្រង់ រួចទាញមេជើងមកខ្លួន។
- ចូរស្អំទឹកក្តៅនៅលើពោះសម្រាប់ករណីឈឺចាប់ពេលមករដូវ និងរមួលក្រពើនៅសាច់ដុំពោះ
- ចូរម៉ាស្សាថ្នមៗទៅលើសាច់ដុំដែលរមួលនោះ
- អ្នកអាចប្រើថ្នាំប៉ារ៉ាសេតាម៉ុល ឬ Ibuprofen ដើម្បីបំបាត់ការឈឺចាប់ក្រោយពីលែងរមួលក្រពើហើយ។
គន្លឹះក្នុងការបង្ការ
- ចូរធ្វើការកម្តៅសាច់ដុំជាសិនមុននឹងហាត់ប្រាណ ហើយក៏ត្រូវធ្វើការត្រជាក់សាច់ដុំវិញដែរក្រោយពីហាត់រួច
- ចូរញ៉ាំទឹកឲ្យបានច្រើនមុនពេល ក្នុងពេល និងក្រោយពេលហាត់ប្រាណ។ ទឹកធម្មតាគឺ(អាន:ថ្នាំងងុយគេង ពេលអ្នកគួរប្រើ)ជារបស់ល្អបំផុត។ ចូរញ៉ាំទឹករយៈពេលមួយម៉ោងមុនពេលហាត់ប្រាណ និងញ៉ាំវាបន្តិចម្តងៗជារៀងរាល់ ១២ ទៅ ១៥នាទីក្នុងពេលកំពុងតែហាត់ប្រាណ
- ចូរផ្លាស់ប្តូររបបអាហារមួយចំនួនព្រោះវាអាចគ្រប់គ្រងការរមួលក្រពើបានដែរ។ ចូរញ៉ាំអាហារណាដែលសម្បូរជាតិកាលស្យូម និងប៉ូតាស្យូម៕