ជំងឺផ្តាសាយប្រហែលជាមានគ្រោះថ្នាក់គ្រប់គ្រាន់ ប៉ុន្តែវាទំនងជាអាចកាន់តែគម្រាមគំហែងថែមទៀតសម្រាប់ស្រ្តីដែលមានផ្ទៃពោះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យកល្អ ស្រ្តីទាំងអស់គួរតែចាក់វ៉ាក់សាំងបង្ការជំងឺផ្តាសាយជារៀងរាល់ឆ្នាំ។ ទោះបីជាយ៉ាងណាក៏ដោយ បើសិនជាអ្នកស្រាប់តែកើតជំងឺផ្តាសាយខណៈពេលកំពុងតែមានផ្ទៃពោះនោះ យកល្អគួរតែព្យាយាមធ្វើដូចខាងក្រោមនេះ៖
- ចាប់ផ្តើមធ្វើការព្យាបាលឲ្យបានលឿនបំផុតតាមតែអាចធ្វើទៅបាន។ ថ្នាំប្រឆាំងនឹងវីរុសមានប្រសិទ្ធភាពល្អបំផុតនៅពេលចាប់ផ្តើមប្រើក្នុងរយៈពេល ៤៨ម៉ោងនៃការចេញរោគសញ្ញា
- ថ្នាំប្រឆាំងនឹងវីរុសជួយបន្ថយអាការៈជំងឺផ្តាសាយ ដើម្បីធ្វើឲ្យអ្នកកាន់តែមានអារម្មណ៍ល្អ និងបង្ការផលវិបាកធ្ងន់ធ្ងរសម្រាប់អ្នក និងកូនក្នុងផ្ទៃ
- គ្រូពេទ្យប្រហែលជាណែនាំឲ្យប្រើថ្នាំប្រភេទ Oseltamivir សម្រាប់លេប ព្រោះវាមានសុវត្ថិភាពសម្រាប់ស្រ្តីមានផ្ទៃពោះ
- ការក្តៅខ្លួនក្នុងពេលមានផ្ទៃពោះ ត្រូវបានគេរកឃើញថាមានជាប់ទាក់ទងនឹងការប្រឈមខ្ពស់នឹងកូនកើតមកខូចអវៈយវៈ។ (អាន:ថ្នាំងងុយគេង ពេលអ្នកគួរប្រើ)ដូច្នេះបើសិនជាអ្នកស្រាប់តែក្តៅខ្លួន ចូរទាក់ទងទៅគ្រូពេទ្យភ្លាមៗ៕
