គួរអាន! ទទួលទាន “តែខ្ទឹមស” ហើយអ្នកនឹងទទួលអត្ថប្រយោជន៍អស្ចារ្យ  ទាំងនេះ

ការទទួលទានតែខ្ទឹមសជាប្រចាំអាចផ្ដល់អោយអ្នកនូវអត្ថប្រយោជន៍ដ៏ប្រសើរជាច្រើនគួរអោយភ្ញាក់ផ្អើល។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែថាតើធ្វើដូចម្ដេចទៅទើបទទួលបានតែនេះមែនទេ? កុំបារម្ភ! ខាងក្រោមវេបសាយសុខភាព Health.com.kh  នឹងបង្ហាញពីរបៀបងាយៗក្នុងការឆុងតែខ្ទឹមស រួមជាមួយផលវិជ្ជមាននៃការទទួលទានតែនេះចំពោះសុខភាព ៖

• របៀបឆុងតែខ្ទឹមស

– ដាក់ទឹកធម្មតា ៣ ពែងក្នុងឆ្នាំង

– បកសំបកខ្ទឹមសចំនួនពី ៣ ទៅ ៤ កំពឹស

– កាត់ខ្ទឹមសដែលបកហើយជាពីរ

– ចាក់ខ្ទឹមសទៅក្នុងទឹក រួចដាក់ដាំអោយពុះ

– លើកចេញពីចង្ក្រាននៅពេលពុះ

– ស្រងខ្ទឹមសចេញ រួចបន្ថែមទឹកក្រូចឆ្មារស្រស់ចំនួន កន្លះពែង និងទឹកឃ្មុំ កន្លះពែង ចូល

– កូរអោយសព្វ សឹមទទួលទានអោយទាន់ក្ដៅឧណ្ហៗ។ តែដែលនៅសល់អាចរក្សាទុកក្នុងទូរទឹកកក ដើម្បីទទួលទាននៅពេលក្រោយដោយដាក់កម្ដៅ។

• អត្ថប្រយោជន៍នៃការទទួលទានតែខ្ទឹមសជាប្រចាំ

១. ពង្រឹងប្រព័ន្ធភាពស៊ាំរាងកាយ

ការទទួលទានតែខ្ទឹមសមួយពែងទៀងទាត់ត្រូវបានណែនាំជាពិសេសសម្រាប់អ្នកដែលមានប្រព័ន្ធភាពស៊ាំខ្សោយដែលអាចនឹងធ្វើអោយអ្នកប្រឈមមុខជាមួយបញ្ហាសុខភាពជាច្រើន។ ការទទួលទានតែខ្ទឹមសនៅពេលព្រឹកអាចជួយអ្នកទប់ទល់នឹងស្ថានភាពទាំងនេះបាន! ខ្ទឹមស ជួយធ្វើឲ្យប្រព័ន្ធភាពស៊ាំមានលក្ខណៈប្រសើរឡើងជាងមុន ហើយរាងកាយអាចប្រយុទ្ធប្រឆាំងជាមួយវីរុស និងបាក់តេរីប្រកបដោយប្រសិទ្ធិភាព។

២. បញ្ចុះកម្រិតកូឡេស្តេរ៉ូល និងសម្ពាធឈាម

កម្រិតនៃកូឡេស្តេរ៉ូល និងសម្ពាធឈាមឡើងខ្ពស់អាចបង្កហានិភ័យគួរអោយព្រួយបារម្ភចំពោះសុខភាពបេះដូង។ ទោះជាយ៉ាងណា អ្នកអាចទប់ស្កាត់បញ្ហានេះតាមរយៈការទទួលទានតែខ្ទឹមស។ នោះក៏ព្រោះតែខ្ទឹមសជាប្រភពដ៏ប្រសើរនៃសារធាតុ Allicin ដែលជួយគ្រប់គ្រងកម្រិតនៃសម្ពាធឈាម និងកូឡេស្តេរ៉ូល។

៣. ទប់ស្កាត់ជំងឺដាច់សសៃឈាមខួរក្បាល និងជំងឺស្ទះសសៃឈាមបេះដូង

ខ្ទឹមសមានប្រសិទ្ធភាពធ្វើអោយឈាមស្ដើងទប់ស្កាត់មិនអោយខាប់កកស្ទះក្នុងសសៃឈាមជៀសផុតពីជំងឺដាច់សសៃឈាមខួរក្បាល និងបញ្ហាកកស្ទះសសៃឈាម។ ខ្ទឹមស ក៏ជួយរក្សាសុខភាពសសៃឈាមបេះដូងល្អប្រសើរ ដោយវាមានផ្ទុកសារធាតុប្រឆាំងអុកស៊ីតកម្ម និងការរលាកដែលជួយកាត់បន្ថយបញ្ហារលាកផ្សេងៗក្នុងសសៃឈាម ព្រមទាំងទប់ស្កាត់ការបំផ្លាញដល់ជញ្ចាំងខាងក្នុងនៃសសៃឈាមផងដែរ។

៤. ជួយអោយស្រកទម្ងន់

សាកល្បងទទួលទានតែខ្ទឹមសអោយបានទៀងទាត់ ហើយអ្នកនឹងទទួលបានលទ្ធផលគួរអោយភ្ញាក់ផ្អើល។ ត្រឹមតែ ១ ពែងនៃតែនេះជួយបង្កើនថាមពល ហើយធ្វើអោយស្រកទម្ងន់ដោយពន្លឿនការដុតរំលាយអាហារ។ ខ្ទឹមសក៏ជួយកាត់បន្ថយចំណង់អាហារផងដែរ។

៥. កម្ចាត់ជាតិពុល

ការប្រើប្រាស់ខ្ទឹមសដើម្បីកាត់បន្ថយកម្ចាត់ជាតិពុលផ្សេងៗចេញពីរាងកាយ គឺជារូបមន្តដ៏ចំណាស់មួយដែលងាយ ប៉ុន្តែមានប្រសិទ្ធិភាពខ្ពស់។ ខ្ទឹមសមានផ្ទុកវីតាមីន C ជួយធ្វើឲ្យមុខងារថ្លើមកាន់តែប្រសើរឡើង។ វាក៏ជួយបង្កើនកម្រិតនៃកូឡេស្តេរ៉ូលល្អ ដោយកាត់បន្ថយកម្រិតកូឡេស្តេរ៉ូលអាក្រក់ក្នុងឈាមផងដែរ។ ការទទួលទានខ្ទឹមសឆៅពេលពោះទទេអាចជះឥទ្ធិពលដល់ការបញ្ចេញទឹកប្រមាត់ និងជម្រុញដល់មុខងារបន្សាបជាតិពុលនៃថ្លើមឲ្យកាន់តែប្រសើរ៕